| Library / Tipiṭaka / តិបិដក • Tipiṭaka / មហាវគ្គបាឡិ • Mahāvaggapāḷi |
២៣៣. តស្សុទ្ទានំ
233. Tassuddānaṃ
រាជគហកោ នេគមោ, ទិស្វា វេសាលិយំ គណិំ;
Rājagahako negamo, disvā vesāliyaṃ gaṇiṃ;
បុន រាជគហំ គន្ត្វា, រញ្ញោ តំ បដិវេទយិ។
Puna rājagahaṃ gantvā, rañño taṃ paṭivedayi.
បុត្តោ សាលវតិកាយ, អភយស្ស ហិ អត្រជោ;
Putto sālavatikāya, abhayassa hi atrajo;
ជីវតីតិ កុមារេន, សង្ខាតោ ជីវកោ ឥតិ។
Jīvatīti kumārena, saṅkhāto jīvako iti.
សោ ហិ តក្កសីលំ គន្ត្វា, ឧគ្គហេត្វា មហាភិសោ;
So hi takkasīlaṃ gantvā, uggahetvā mahābhiso;
សត្តវស្សិកអាពាធំ, នត្ថុកម្មេន នាសយិ។
Sattavassikaābādhaṃ, natthukammena nāsayi.
រញ្ញោ ភគន្ទលាពាធំ, អាលេបេន អបាកឌ្ឍិ;
Rañño bhagandalābādhaṃ, ālepena apākaḍḍhi;
មមញ្ច ឥត្ថាគារញ្ច, ពុទ្ធសង្ឃំ ចុបដ្ឋហិ។
Mamañca itthāgārañca, buddhasaṅghaṃ cupaṭṭhahi.
រាជគហកោ ច សេដ្ឋិ, អន្តគណ្ឋិ តិកិច្ឆិតំ;
Rājagahako ca seṭṭhi, antagaṇṭhi tikicchitaṃ;
បជ្ជោតស្ស មហារោគំ, ឃតបានេន នាសយិ។
Pajjotassa mahārogaṃ, ghatapānena nāsayi.
អធិការញ្ច សិវេយ្យំ, អភិសន្នំ សិនេហតិ;
Adhikārañca siveyyaṃ, abhisannaṃ sinehati;
តីហិ ឧប្បលហត្ថេហិ, សមត្តិំសវិរេចនំ។
Tīhi uppalahatthehi, samattiṃsavirecanaṃ.
បកតត្តំ វរំ យាចិ, សិវេយ្យញ្ច បដិគ្គហិ;
Pakatattaṃ varaṃ yāci, siveyyañca paṭiggahi;
ចីវរញ្ច គិហិទានំ, អនុញ្ញាសិ តថាគតោ។
Cīvarañca gihidānaṃ, anuññāsi tathāgato.
រាជគហេ ជនបទេ ពហុំ, ឧប្បជ្ជិ ចីវរំ;
Rājagahe janapade bahuṃ, uppajji cīvaraṃ;
បាវារោ កោសិយញ្ចេវ, កោជវោ អឌ្ឍកាសិកំ។
Pāvāro kosiyañceva, kojavo aḍḍhakāsikaṃ.
ឧច្ចាវចា ច សន្តុដ្ឋិ, នាគមេសាគមេសុំ ច;
Uccāvacā ca santuṭṭhi, nāgamesāgamesuṃ ca;
បឋមំ បច្ឆា សទិសា, កតិកា ច បដិហរុំ។
Paṭhamaṃ pacchā sadisā, katikā ca paṭiharuṃ.
ភណ្ឌាគារំ អគុត្តញ្ច, វុដ្ឋាបេន្តិ តថេវ ច;
Bhaṇḍāgāraṃ aguttañca, vuṭṭhāpenti tatheva ca;
ឧស្សន្នំ កោលាហលញ្ច, កថំ ភាជេ កថំ ទទេ។
Ussannaṃ kolāhalañca, kathaṃ bhāje kathaṃ dade.
សកាតិរេកភាគេន, បដិវីសោ កថំ ទទេ;
Sakātirekabhāgena, paṭivīso kathaṃ dade;
អារោបេន្តា ភាជនញ្ច, បាតិយា ច ឆមាយ ច;
Āropentā bhājanañca, pātiyā ca chamāya ca;
ឧបចិកាមជ្ឈេ ជីរន្តិ, ឯកតោ បត្ថិន្នេន ច។
Upacikāmajjhe jīranti, ekato patthinnena ca.
ផរុសាច្ឆិន្នច្ឆិពន្ធា , អទ្ទសាសិ ឧព្ភណ្ឌិតេ;
Pharusācchinnacchibandhā , addasāsi ubbhaṇḍite;
វីមំសិត្វា សក្យមុនិ, អនុញ្ញាសិ តិចីវរំ។
Vīmaṃsitvā sakyamuni, anuññāsi ticīvaraṃ.
អញ្ញេន អតិរេកេន, ឧប្បជ្ជិ ឆិទ្ទមេវ ច;
Aññena atirekena, uppajji chiddameva ca;
ចាតុទ្ទីបោ វរំ យាចិ, ទាតុំ វស្សិកសាដិកំ។
Cātuddīpo varaṃ yāci, dātuṃ vassikasāṭikaṃ.
អាគន្តុគមិគិលានំ, ឧបដ្ឋាកញ្ច ភេសជ្ជំ;
Āgantugamigilānaṃ, upaṭṭhākañca bhesajjaṃ;
ធុវំ ឧទកសាដិញ្ច, បណីតំ អតិខុទ្ទកំ។
Dhuvaṃ udakasāṭiñca, paṇītaṃ atikhuddakaṃ.
ថុល្លកច្ឆុមុខំ ខោមំ, បរិបុណ្ណំ អធិដ្ឋានំ;
Thullakacchumukhaṃ khomaṃ, paripuṇṇaṃ adhiṭṭhānaṃ;
បច្ឆិមំ កតោ គរុកោ, វិកណ្ណោ សុត្តមោកិរិ។
Pacchimaṃ kato garuko, vikaṇṇo suttamokiri.
លុជ្ជន្តិ នប្បហោន្តិ, ច អន្វាធិកំ ពហូនិ ច;
Lujjanti nappahonti, ca anvādhikaṃ bahūni ca;
អន្ធវនេ អស្សតិយា, ឯកោ វស្សំ ឧតុម្ហិ ច។
Andhavane assatiyā, eko vassaṃ utumhi ca.
ទ្វេ ភាតុកា រាជគហេ, ឧបនន្ទោ បុន ទ្វិសុ;
Dve bhātukā rājagahe, upanando puna dvisu;
នគ្គា កុសា វាកចីរំ, ផលកោ កេសកម្ពលំ;
Naggā kusā vākacīraṃ, phalako kesakambalaṃ;
វាឡឧលូកបក្ខញ្ច, អជិនំ អក្កនាឡកំ។
Vāḷaulūkapakkhañca, ajinaṃ akkanāḷakaṃ.
បោត្ថកំ នីលបីតញ្ច, លោហិតំ មញ្ជិដ្ឋេន ច;
Potthakaṃ nīlapītañca, lohitaṃ mañjiṭṭhena ca;
កណ្ហា មហារង្គនាម, អច្ឆិន្នទសិកា តថា។
Kaṇhā mahāraṅganāma, acchinnadasikā tathā.
ទីឃបុប្ផផណទសា , កញ្ចុតិរីដវេឋនំ;
Dīghapupphaphaṇadasā , kañcutirīṭaveṭhanaṃ;
អនុប្បន្នេ បក្កមតិ, សង្ឃោ ភិជ្ជតិ តាវទេ។
Anuppanne pakkamati, saṅgho bhijjati tāvade.
បក្ខេ ទទន្តិ សង្ឃស្ស, អាយស្មា រេវតោ បហិ;
Pakkhe dadanti saṅghassa, āyasmā revato pahi;
វិស្សាសគាហាធិដ្ឋាតិ, អដ្ឋ ចីវរមាតិកាតិ។
Vissāsagāhādhiṭṭhāti, aṭṭha cīvaramātikāti.
ឥមម្ហិ ខន្ធកេ វត្ថូ ឆន្នវុតិ។
Imamhi khandhake vatthū channavuti.
ចីវរក្ខន្ធកោ និដ្ឋិតោ។
Cīvarakkhandhako niṭṭhito.
Footnotes:
