| Library / Tipiṭaka / តិបិដក • Tipiṭaka / មហាវគ្គបាឡិ • Mahāvaggapāḷi |
១៤៦. តស្សុទ្ទានំ
146. Tassuddānaṃ
វស្សំវុដ្ឋា កោសលេសុ, អគមុំ សត្ថុ ទស្សនំ;
Vassaṃvuṭṭhā kosalesu, agamuṃ satthu dassanaṃ;
អផាសុំ បសុសំវាសំ, អញ្ញមញ្ញានុលោមតា។
Aphāsuṃ pasusaṃvāsaṃ, aññamaññānulomatā.
រាជា ចោរា ច ធុត្តា ច, ភិក្ខុបច្ចត្ថិកា តថា។
Rājā corā ca dhuttā ca, bhikkhupaccatthikā tathā.
បញ្ច ចតុតយោ ទ្វេកោ, អាបន្នោ វេមតី សរិ;
Pañca catutayo dveko, āpanno vematī sari;
សព្ពោ សង្ឃោ វេមតិកោ, ពហូ សមា ច ថោកិកា។
Sabbo saṅgho vematiko, bahū samā ca thokikā.
អាវាសិកា ចាតុទ្ទស, លិង្គសំវាសកា ឧភោ;
Āvāsikā cātuddasa, liṅgasaṃvāsakā ubho;
សវរេហិ ខេបិតា មេឃោ, អន្តរា ច បវារណា;
Savarehi khepitā megho, antarā ca pavāraṇā;
ន ឥច្ឆន្តិ បុរម្ហាកំ, អដ្ឋបិតា ច ភិក្ខុនោ។
Na icchanti puramhākaṃ, aṭṭhapitā ca bhikkhuno.
កិម្ហិ វាតិ កតមញ្ច, ទិដ្ឋេន សុតសង្កាយ;
Kimhi vāti katamañca, diṭṭhena sutasaṅkāya;
ចោទកោ ចុទិតកោ ច, ថុល្លច្ចយំ វត្ថុ ភណ្ឌនំ;
Codako cuditako ca, thullaccayaṃ vatthu bhaṇḍanaṃ;
បវារណាសង្គហោ ច, អនិស្សរោ បវារយេតិ។
Pavāraṇāsaṅgaho ca, anissaro pavārayeti.
ឥមម្ហិ ខន្ធកេ វត្ថូនិ ឆចត្តារីសាតិ។
Imamhi khandhake vatthūni chacattārīsāti.
បវារណាក្ខន្ធកោ និដ្ឋិតោ។
Pavāraṇākkhandhako niṭṭhito.
Footnotes:
