| Library / Tipiṭaka / តិបិដក • Tipiṭaka / មហាវគ្គបាឡិ • Mahāvaggapāḷi |
១១៩. តស្សុទ្ទានំ
119. Tassuddānaṃ
ឧបគន្តុំ កទា ចេវ, កតិ អន្តរាវស្ស ច;
Upagantuṃ kadā ceva, kati antarāvassa ca;
ន ឥច្ឆន្តិ ច សញ្ចិច្ច, ឧក្កឌ្ឍិតុំ ឧបាសកោ។
Na icchanti ca sañcicca, ukkaḍḍhituṃ upāsako.
គិលានោ មាតា ច បិតា, ភាតា ច អថ ញាតកោ;
Gilāno mātā ca pitā, bhātā ca atha ñātako;
ភិក្ខុគតិកោ វិហារោ, វាឡា ចាបិ សរីសបា។
Bhikkhugatiko vihāro, vāḷā cāpi sarīsapā.
ចោរោ ចេវ បិសាចា ច, ទឌ្ឍា តទុភយេន ច;
Coro ceva pisācā ca, daḍḍhā tadubhayena ca;
វូឡ្ហោទកេន វុដ្ឋាសិ, ពហុតរា ច ទាយកា។
Vūḷhodakena vuṭṭhāsi, bahutarā ca dāyakā.
លូខប្បណីតសប្បាយ, ភេសជ្ជុបដ្ឋកេន ច;
Lūkhappaṇītasappāya, bhesajjupaṭṭhakena ca;
ឥត្ថី វេសី កុមារី ច, បណ្ឌកោ ញាតកេន ច។
Itthī vesī kumārī ca, paṇḍako ñātakena ca.
វជសត្ថា ច នាវា ច, សុសិរេ វិដភិយា ច។
Vajasatthā ca nāvā ca, susire viṭabhiyā ca.
អជ្ឈោកាសេ វស្សាវាសោ, អសេនាសនិកេន ច;
Ajjhokāse vassāvāso, asenāsanikena ca;
ឆវកុដិកា ឆត្តេ ច, ចាដិយា ច ឧបេន្តិ តេ។
Chavakuṭikā chatte ca, cāṭiyā ca upenti te.
កតិកា បដិស្សុណិត្វា, ពហិទ្ធា ច ឧបោសថា;
Katikā paṭissuṇitvā, bahiddhā ca uposathā;
បុរិមិកា បច្ឆិមិកា, យថាញាយេន យោជយេ។
Purimikā pacchimikā, yathāñāyena yojaye.
អករណី បក្កមតិ, សករណី តថេវ ច;
Akaraṇī pakkamati, sakaraṇī tatheva ca;
សត្តាហនាគតា ចេវ, អាគច្ឆេយ្យ ន ឯយ្យ វា;
Sattāhanāgatā ceva, āgaccheyya na eyya vā;
វត្ថុទ្ទានេ អន្តរិកា, តន្តិមគ្គំ និសាមយេតិ។
Vatthuddāne antarikā, tantimaggaṃ nisāmayeti.
ឥមម្ហិ ខន្ធកេ វត្ថូនិ ទ្វេបណ្ណាស។
Imamhi khandhake vatthūni dvepaṇṇāsa.
វស្សូបនាយិកក្ខន្ធកោ និដ្ឋិតោ។
Vassūpanāyikakkhandhako niṭṭhito.
Footnotes:
