| Library / Tipiṭaka / ติปิฎก • Tipiṭaka / มหาวคฺคปาฬิ • Mahāvaggapāḷi |
๑๐๖. ตสฺสุทฺทานํ
106. Tassuddānaṃ
ติตฺถิยา พิมฺพิสาโร จ, สนฺนิปติตุํ ตุณฺหิกา;
Titthiyā bimbisāro ca, sannipatituṃ tuṇhikā;
ธมฺมํ รโห ปาติโมกฺขํ, เทวสิกํ ตทา สกิํฯ
Dhammaṃ raho pātimokkhaṃ, devasikaṃ tadā sakiṃ.
ยถาปริสา สมคฺคํ, สามคฺคี มทฺทกุจฺฉิ จ;
Yathāparisā samaggaṃ, sāmaggī maddakucchi ca;
สีมา มหตี นทิยา, อนุ เทฺว ขุทฺทกานิ จฯ
Sīmā mahatī nadiyā, anu dve khuddakāni ca.
นวา ราชคเห เจว, สีมา อวิปฺปวาสนา;
Navā rājagahe ceva, sīmā avippavāsanā;
อสมฺมตา คามสีมา, นทิยา สมุเทฺท สเร;
Asammatā gāmasīmā, nadiyā samudde sare;
อุทกุเกฺขโป ภินฺทนฺติ, ตเถวโชฺฌตฺถรนฺติ จฯ
Udakukkhepo bhindanti, tathevajjhottharanti ca.
กติ กมฺมานิ อุเทฺทโส, สวรา อสตีปิ จ;
Kati kammāni uddeso, savarā asatīpi ca;
ธมฺมํ วินยํ ตเชฺชนฺติ, ปุน วินยตชฺชนาฯ
Dhammaṃ vinayaṃ tajjenti, puna vinayatajjanā.
โจทนา กเต โอกาเส, อธมฺมปฺปฎิโกฺกสนา;
Codanā kate okāse, adhammappaṭikkosanā;
จตุปญฺจปรา อาวิ, สญฺจิจฺจ เจปิ วายเมฯ
Catupañcaparā āvi, sañcicca cepi vāyame.
สคหฎฺฐา อนชฺฌิฎฺฐา, โจทนมฺหิ น ชานติ;
Sagahaṭṭhā anajjhiṭṭhā, codanamhi na jānati;
สมฺพหุลา น ชานนฺติ, สชฺชุกํ น จ คจฺฉเรฯ
Sambahulā na jānanti, sajjukaṃ na ca gacchare.
กติมี กีวติกา ทูเร, อาโรเจตุญฺจ นสฺสริ;
Katimī kīvatikā dūre, ārocetuñca nassari;
อุกฺลาปํ อาสนํ ทีโป, ทิสา อโญฺญ พหุสฺสุโตฯ
Uklāpaṃ āsanaṃ dīpo, disā añño bahussuto.
คโคฺค จตุตโย เทฺวโก, อาปตฺติสภาคา สริฯ
Gaggo catutayo dveko, āpattisabhāgā sari.
สโพฺพ สโงฺฆ เวมติโก, น ชานนฺติ พหุสฺสุโต;
Sabbo saṅgho vematiko, na jānanti bahussuto;
พหู สมสมา โถกา, ปริสา อวุฎฺฐิตาย จฯ
Bahū samasamā thokā, parisā avuṭṭhitāya ca.
เอกจฺจา วุฎฺฐิตา สพฺพา, ชานนฺติ จ เวมติกา;
Ekaccā vuṭṭhitā sabbā, jānanti ca vematikā;
กปฺปเตวาติ กุกฺกุจฺจา, ชานํ ปสฺสํ สุณนฺติ จฯ
Kappatevāti kukkuccā, jānaṃ passaṃ suṇanti ca.
อาวาสิเกน อาคนฺตุ, จาตุปนฺนรโส ปุน;
Āvāsikena āgantu, cātupannaraso puna;
ปาฎิปโท ปนฺนรโส, ลิงฺคสํวาสกา อุโภฯ
Pāṭipado pannaraso, liṅgasaṃvāsakā ubho.
ปาริวาสานุโปสโถ , อญฺญตฺร สงฺฆสามคฺคิยา;
Pārivāsānuposatho , aññatra saṅghasāmaggiyā;
เอเต วิภตฺตา อุทฺทานา, วตฺถุวิภูตการณาติฯ
Ete vibhattā uddānā, vatthuvibhūtakāraṇāti.
อิมสฺมิํ ขนฺธเก วตฺถูนิ ฉอสีติฯ
Imasmiṃ khandhake vatthūni chaasīti.
อุโปสถกฺขนฺธโก นิฎฺฐิโตฯ
Uposathakkhandhako niṭṭhito.
Footnotes:
