| Library / Tipiṭaka / तिपिटक • Tipiṭaka / महावग्गपाळि • Mahāvaggapāḷi |
११९. तस्सुद्दानं
119. Tassuddānaṃ
उपगन्तुं कदा चेव, कति अन्तरावस्स च।
Upagantuṃ kadā ceva, kati antarāvassa ca;
न इच्छन्ति च सञ्चिच्च, उक्कड्ढितुं उपासको॥
Na icchanti ca sañcicca, ukkaḍḍhituṃ upāsako.
गिलानो माता च पिता, भाता च अथ ञातको।
Gilāno mātā ca pitā, bhātā ca atha ñātako;
भिक्खुगतिको विहारो, वाळा चापि सरीसपा॥
Bhikkhugatiko vihāro, vāḷā cāpi sarīsapā.
चोरो चेव पिसाचा च, दड्ढा तदुभयेन च।
Coro ceva pisācā ca, daḍḍhā tadubhayena ca;
वूळ्होदकेन वुट्ठासि, बहुतरा च दायका॥
Vūḷhodakena vuṭṭhāsi, bahutarā ca dāyakā.
लूखप्पणीतसप्पाय, भेसज्जुपट्ठकेन च।
Lūkhappaṇītasappāya, bhesajjupaṭṭhakena ca;
इत्थी वेसी कुमारी च, पण्डको ञातकेन च॥
Itthī vesī kumārī ca, paṇḍako ñātakena ca.
वजसत्था च नावा च, सुसिरे विटभिया च॥
Vajasatthā ca nāvā ca, susire viṭabhiyā ca.
अज्झोकासे वस्सावासो, असेनासनिकेन च।
Ajjhokāse vassāvāso, asenāsanikena ca;
छवकुटिका छत्ते च, चाटिया च उपेन्ति ते॥
Chavakuṭikā chatte ca, cāṭiyā ca upenti te.
कतिका पटिस्सुणित्वा, बहिद्धा च उपोसथा।
Katikā paṭissuṇitvā, bahiddhā ca uposathā;
पुरिमिका पच्छिमिका, यथाञायेन योजये॥
Purimikā pacchimikā, yathāñāyena yojaye.
अकरणी पक्कमति, सकरणी तथेव च।
Akaraṇī pakkamati, sakaraṇī tatheva ca;
सत्ताहनागता चेव, आगच्छेय्य न एय्य वा।
Sattāhanāgatā ceva, āgaccheyya na eyya vā;
वत्थुद्दाने अन्तरिका, तन्तिमग्गं निसामयेति॥
Vatthuddāne antarikā, tantimaggaṃ nisāmayeti.
इमम्हि खन्धके वत्थूनि द्वेपण्णास।
Imamhi khandhake vatthūni dvepaṇṇāsa.
वस्सूपनायिकक्खन्धको निट्ठितो।
Vassūpanāyikakkhandhako niṭṭhito.
Footnotes:
