| Library / Tipiṭaka / তিপিটক • Tipiṭaka / মহাৰগ্গপাল়ি • Mahāvaggapāḷi |
২৩৩. তস্সুদ্দানং
233. Tassuddānaṃ
রাজগহকো নেগমো, দিস্ৰা ৰেসালিযং গণিং।
Rājagahako negamo, disvā vesāliyaṃ gaṇiṃ;
পুন রাজগহং গন্ত্ৰা, রঞ্ঞো তং পটিৰেদযি॥
Puna rājagahaṃ gantvā, rañño taṃ paṭivedayi.
পুত্তো সালৰতিকায, অভযস্স হি অত্রজো।
Putto sālavatikāya, abhayassa hi atrajo;
জীৰতীতি কুমারেন, সঙ্খাতো জীৰকো ইতি॥
Jīvatīti kumārena, saṅkhāto jīvako iti.
সো হি তক্কসীলং গন্ত্ৰা, উগ্গহেত্ৰা মহাভিসো।
So hi takkasīlaṃ gantvā, uggahetvā mahābhiso;
সত্তৰস্সিকআবাধং, নত্থুকম্মেন নাসযি॥
Sattavassikaābādhaṃ, natthukammena nāsayi.
রঞ্ঞো ভগন্দলাবাধং, আলেপেন অপাকড্ঢি।
Rañño bhagandalābādhaṃ, ālepena apākaḍḍhi;
মমঞ্চ ইত্থাগারঞ্চ, বুদ্ধসঙ্ঘং চুপট্ঠহি॥
Mamañca itthāgārañca, buddhasaṅghaṃ cupaṭṭhahi.
রাজগহকো চ সেট্ঠি, অন্তগণ্ঠি তিকিচ্ছিতং।
Rājagahako ca seṭṭhi, antagaṇṭhi tikicchitaṃ;
পজ্জোতস্স মহারোগং, ঘতপানেন নাসযি॥
Pajjotassa mahārogaṃ, ghatapānena nāsayi.
অধিকারঞ্চ সিৰেয্যং, অভিসন্নং সিনেহতি।
Adhikārañca siveyyaṃ, abhisannaṃ sinehati;
তীহি উপ্পলহত্থেহি, সমত্তিংসৰিরেচনং॥
Tīhi uppalahatthehi, samattiṃsavirecanaṃ.
পকতত্তং ৰরং যাচি, সিৰেয্যঞ্চ পটিগ্গহি।
Pakatattaṃ varaṃ yāci, siveyyañca paṭiggahi;
চীৰরঞ্চ গিহিদানং, অনুঞ্ঞাসি তথাগতো॥
Cīvarañca gihidānaṃ, anuññāsi tathāgato.
রাজগহে জনপদে বহুং, উপ্পজ্জি চীৰরং।
Rājagahe janapade bahuṃ, uppajji cīvaraṃ;
পাৰারো কোসিযঞ্চেৰ, কোজৰো অড্ঢকাসিকং॥
Pāvāro kosiyañceva, kojavo aḍḍhakāsikaṃ.
উচ্চাৰচা চ সন্তুট্ঠি, নাগমেসাগমেসুং চ।
Uccāvacā ca santuṭṭhi, nāgamesāgamesuṃ ca;
পঠমং পচ্ছা সদিসা, কতিকা চ পটিহরুং॥
Paṭhamaṃ pacchā sadisā, katikā ca paṭiharuṃ.
ভণ্ডাগারং অগুত্তঞ্চ, ৰুট্ঠাপেন্তি তথেৰ চ।
Bhaṇḍāgāraṃ aguttañca, vuṭṭhāpenti tatheva ca;
উস্সন্নং কোলাহলঞ্চ, কথং ভাজে কথং দদে॥
Ussannaṃ kolāhalañca, kathaṃ bhāje kathaṃ dade.
সকাতিরেকভাগেন, পটিৰীসো কথং দদে।
Sakātirekabhāgena, paṭivīso kathaṃ dade;
আরোপেন্তা ভাজনঞ্চ, পাতিযা চ ছমায চ।
Āropentā bhājanañca, pātiyā ca chamāya ca;
উপচিকামজ্ঝে জীরন্তি, একতো পত্থিন্নেন চ॥
Upacikāmajjhe jīranti, ekato patthinnena ca.
ফরুসাচ্ছিন্নচ্ছিবন্ধা , অদ্দসাসি উব্ভণ্ডিতে।
Pharusācchinnacchibandhā , addasāsi ubbhaṇḍite;
ৰীমংসিত্ৰা সক্যমুনি, অনুঞ্ঞাসি তিচীৰরং॥
Vīmaṃsitvā sakyamuni, anuññāsi ticīvaraṃ.
অঞ্ঞেন অতিরেকেন, উপ্পজ্জি ছিদ্দমেৰ চ।
Aññena atirekena, uppajji chiddameva ca;
চাতুদ্দীপো ৰরং যাচি, দাতুং ৰস্সিকসাটিকং॥
Cātuddīpo varaṃ yāci, dātuṃ vassikasāṭikaṃ.
আগন্তুগমিগিলানং, উপট্ঠাকঞ্চ ভেসজ্জং।
Āgantugamigilānaṃ, upaṭṭhākañca bhesajjaṃ;
ধুৰং উদকসাটিঞ্চ, পণীতং অতিখুদ্দকং॥
Dhuvaṃ udakasāṭiñca, paṇītaṃ atikhuddakaṃ.
থুল্লকচ্ছুমুখং খোমং, পরিপুণ্ণং অধিট্ঠানং।
Thullakacchumukhaṃ khomaṃ, paripuṇṇaṃ adhiṭṭhānaṃ;
পচ্ছিমং কতো গরুকো, ৰিকণ্ণো সুত্তমোকিরি॥
Pacchimaṃ kato garuko, vikaṇṇo suttamokiri.
লুজ্জন্তি নপ্পহোন্তি, চ অন্ৰাধিকং বহূনি চ।
Lujjanti nappahonti, ca anvādhikaṃ bahūni ca;
অন্ধৰনে অস্সতিযা, একো ৰস্সং উতুম্হি চ॥
Andhavane assatiyā, eko vassaṃ utumhi ca.
দ্ৰে ভাতুকা রাজগহে, উপনন্দো পুন দ্ৰিসু।
Dve bhātukā rājagahe, upanando puna dvisu;
নগ্গা কুসা ৰাকচীরং, ফলকো কেসকম্বলং।
Naggā kusā vākacīraṃ, phalako kesakambalaṃ;
ৰাল়উলূকপক্খঞ্চ, অজিনং অক্কনাল়কং॥
Vāḷaulūkapakkhañca, ajinaṃ akkanāḷakaṃ.
পোত্থকং নীলপীতঞ্চ, লোহিতং মঞ্জিট্ঠেন চ।
Potthakaṃ nīlapītañca, lohitaṃ mañjiṭṭhena ca;
কণ্হা মহারঙ্গনাম, অচ্ছিন্নদসিকা তথা॥
Kaṇhā mahāraṅganāma, acchinnadasikā tathā.
দীঘপুপ্ফফণদসা , কঞ্চুতিরীটৰেঠনং।
Dīghapupphaphaṇadasā , kañcutirīṭaveṭhanaṃ;
অনুপ্পন্নে পক্কমতি, সঙ্ঘো ভিজ্জতি তাৰদে॥
Anuppanne pakkamati, saṅgho bhijjati tāvade.
পক্খে দদন্তি সঙ্ঘস্স, আযস্মা রেৰতো পহি।
Pakkhe dadanti saṅghassa, āyasmā revato pahi;
ৰিস্সাসগাহাধিট্ঠাতি, অট্ঠ চীৰরমাতিকাতি॥
Vissāsagāhādhiṭṭhāti, aṭṭha cīvaramātikāti.
ইমম্হি খন্ধকে ৰত্থূ ছন্নৰুতি।
Imamhi khandhake vatthū channavuti.
চীৰরক্খন্ধকো নিট্ঠিতো।
Cīvarakkhandhako niṭṭhito.
Footnotes:
