| Library / Tipiṭaka / তিপিটক • Tipiṭaka / মহাৰগ্গপাল়ি • Mahāvaggapāḷi |
৬৭. তস্সুদ্দানং
67. Tassuddānaṃ
১৩১.
131.
ৰিনযম্হি মহত্থেসু, পেসলানং সুখাৰহে।
Vinayamhi mahatthesu, pesalānaṃ sukhāvahe;
নিগ্গহানঞ্চ পাপিচ্ছে, লজ্জীনং পগ্গহেসু চ॥
Niggahānañca pāpicche, lajjīnaṃ paggahesu ca.
সাসনাধারণে চেৰ, সব্বঞ্ঞুজিনগোচরে।
Sāsanādhāraṇe ceva, sabbaññujinagocare;
অনঞ্ঞৰিসযে খেমে, সুপঞ্ঞত্তে অসংসযে॥
Anaññavisaye kheme, supaññatte asaṃsaye.
খন্ধকে ৰিনযে চেৰ, পরিৰারে চ মাতিকে।
Khandhake vinaye ceva, parivāre ca mātike;
যথাত্থকারী কুসলো, পটিপজ্জতি যোনিসো॥
Yathātthakārī kusalo, paṭipajjati yoniso.
যো গৰং ন ৰিজানাতি, ন সো রক্খতি গোগণং।
Yo gavaṃ na vijānāti, na so rakkhati gogaṇaṃ;
এৰং সীলং অজানন্তো, কিং সো রক্খেয্য সংৰরং॥
Evaṃ sīlaṃ ajānanto, kiṃ so rakkheyya saṃvaraṃ.
পমুট্ঠম্হি চ সুত্তন্তে, অভিধম্মে চ তাৰদে।
Pamuṭṭhamhi ca suttante, abhidhamme ca tāvade;
ৰিনযে অৰিনট্ঠম্হি, পুন তিট্ঠতি সাসনং॥
Vinaye avinaṭṭhamhi, puna tiṭṭhati sāsanaṃ.
পৰক্খামি যথাঞাযং, সুণাথ মম ভাসতো॥
Pavakkhāmi yathāñāyaṃ, suṇātha mama bhāsato.
ৰত্থু নিদানং আপত্তি, নযা পেয্যালমেৰ চ।
Vatthu nidānaṃ āpatti, nayā peyyālameva ca;
দুক্করং তং অসেসেতুং, নযতো তং ৰিজানথাতি॥
Dukkaraṃ taṃ asesetuṃ, nayato taṃ vijānathāti.
বোধি রাজাযতনঞ্চ, অজপালো সহম্পতি।
Bodhi rājāyatanañca, ajapālo sahampati;
ব্রহ্মা আল়ারো উদকো, ভিক্খু চ উপকো ইসি॥
Brahmā āḷāro udako, bhikkhu ca upako isi.
কোণ্ডঞ্ঞো ৰপ্পো ভদ্দিযো, মহানামো চ অস্সজি।
Koṇḍañño vappo bhaddiyo, mahānāmo ca assaji;
যসো চত্তারো পঞ্ঞাস, সব্বে পেসেসি সো দিসা॥
Yaso cattāro paññāsa, sabbe pesesi so disā.
ৰত্থু মারেহি তিংসা চ, উরুৰেলং তযো জটী।
Vatthu mārehi tiṃsā ca, uruvelaṃ tayo jaṭī;
অগ্যাগারং মহারাজা, সক্কো ব্রহ্মা চ কেৰলা॥
Agyāgāraṃ mahārājā, sakko brahmā ca kevalā.
পংসুকূলং পোক্খরণী, সিলা চ ককুধো সিলা।
Paṃsukūlaṃ pokkharaṇī, silā ca kakudho silā;
জম্বু অম্বো চ আমলো, পারিপুপ্ফঞ্চ আহরি॥
Jambu ambo ca āmalo, pāripupphañca āhari.
ফালিযন্তু উজ্জলন্তু, ৰিজ্ঝাযন্তু চ কস্সপ।
Phāliyantu ujjalantu, vijjhāyantu ca kassapa;
নিমুজ্জন্তি মুখী মেঘো, গযা লট্ঠি চ মাগধো॥
Nimujjanti mukhī megho, gayā laṭṭhi ca māgadho.
উপতিস্সো কোলিতো চ, অভিঞ্ঞাতা চ পব্বজুং।
Upatisso kolito ca, abhiññātā ca pabbajuṃ;
দুন্নিৰত্থা পণামনা, কিসো লূখো চ ব্রাহ্মণো॥
Dunnivatthā paṇāmanā, kiso lūkho ca brāhmaṇo.
অনাচারং আচরতি, উদরং মাণৰো গণো।
Anācāraṃ ācarati, udaraṃ māṇavo gaṇo;
ৰস্সং বালেহি পক্কন্তো, দস ৰস্সানি নিস্সযো॥
Vassaṃ bālehi pakkanto, dasa vassāni nissayo.
ন ৰত্তন্তি পণামেতুং, বালা পস্সদ্ধি পঞ্চ ছ।
Na vattanti paṇāmetuṃ, bālā passaddhi pañca cha;
যো সো অঞ্ঞো চ নগ্গো চ, অচ্ছিন্নজটিলসাকিযো॥
Yo so añño ca naggo ca, acchinnajaṭilasākiyo.
মাগধো চ অনুঞ্ঞাসি, কারা লিখি কসাহতো॥
Māgadho ca anuññāsi, kārā likhi kasāhato.
লক্খণা ইণা দাসো চ, ভণ্ডুকো উপালি অহি।
Lakkhaṇā iṇā dāso ca, bhaṇḍuko upāli ahi;
সদ্ধং কুলং কণ্টকো চ, আহুন্দরিকমেৰ চ॥
Saddhaṃ kulaṃ kaṇṭako ca, āhundarikameva ca.
ৰত্থুম্হি দারকো সিক্খা, ৰিহরন্তি চ কিং নু খো।
Vatthumhi dārako sikkhā, viharanti ca kiṃ nu kho;
সব্বং মুখং উপজ্ঝাযে, অপলাল়ন কণ্টকো॥
Sabbaṃ mukhaṃ upajjhāye, apalāḷana kaṇṭako.
পণ্ডকো থেয্যপক্কন্তো, অহি চ মাতরী পিতা।
Paṇḍako theyyapakkanto, ahi ca mātarī pitā;
অরহন্তভিক্খুনীভেদা, রুহিরেন চ ব্যঞ্জনং॥
Arahantabhikkhunībhedā, ruhirena ca byañjanaṃ.
অনুপজ্ঝাযসঙ্ঘেন, গণপণ্ডকপত্তকো।
Anupajjhāyasaṅghena, gaṇapaṇḍakapattako;
অচীৰরং তদুভযং, যাচিতেনপি যে তযো॥
Acīvaraṃ tadubhayaṃ, yācitenapi ye tayo.
হত্থা পাদা হত্থপাদা, কণ্ণা নাসা তদূভযং।
Hatthā pādā hatthapādā, kaṇṇā nāsā tadūbhayaṃ;
অঙ্গুলিঅল়কণ্ডরং, ফণং খুজ্জঞ্চ ৰামনং॥
Aṅguliaḷakaṇḍaraṃ, phaṇaṃ khujjañca vāmanaṃ.
গলগণ্ডী লক্খণা চেৰ, কসা লিখিতসীপদী।
Galagaṇḍī lakkhaṇā ceva, kasā likhitasīpadī;
পাপপরিসদূসী চ, কাণং কুণি তথেৰ চ॥
Pāpaparisadūsī ca, kāṇaṃ kuṇi tatheva ca.
খঞ্জং পক্খহতঞ্চেৰ, সচ্ছিন্নইরিযাপথং।
Khañjaṃ pakkhahatañceva, sacchinnairiyāpathaṃ;
জরান্ধমূগবধিরং, অন্ধমূগঞ্চ যং তহিং॥
Jarāndhamūgabadhiraṃ, andhamūgañca yaṃ tahiṃ.
অন্ধবধিরং যং ৰুত্তং, মূগবধিরমেৰ চ।
Andhabadhiraṃ yaṃ vuttaṃ, mūgabadhirameva ca;
অন্ধমূগবধিরঞ্চ, অলজ্জীনঞ্চ নিস্সযং॥
Andhamūgabadhirañca, alajjīnañca nissayaṃ.
আগচ্ছতু ৰিৰদন্তি, একুপজ্ঝাযেন কস্সপো॥
Āgacchatu vivadanti, ekupajjhāyena kassapo.
দিস্সন্তি উপসম্পন্না, আবাধেহি চ পীল়িতা।
Dissanti upasampannā, ābādhehi ca pīḷitā;
অননুসিট্ঠা ৰিত্থেন্তি, তত্থেৰ অনুসাসনা॥
Ananusiṭṭhā vitthenti, tattheva anusāsanā.
সঙ্ঘেপি চ অথো বালা, অসম্মতা চ একতো।
Saṅghepi ca atho bālā, asammatā ca ekato;
উল্লুম্পতুপসম্পদা, নিস্সযো এককো তযোতি॥
Ullumpatupasampadā, nissayo ekako tayoti.
ইমম্হি খন্ধকে ৰত্থূনি একসতঞ্চ দ্ৰাসত্ততি।
Imamhi khandhake vatthūni ekasatañca dvāsattati.
মহাখন্ধকো নিট্ঠিতো।
Mahākhandhako niṭṭhito.
Footnotes:
Related texts:
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰিমতিৰিনোদনী-টীকা • Vimativinodanī-ṭīkā / চত্তারোনিস্সযাদিকথাৰণ্ণনা • Cattāronissayādikathāvaṇṇanā
