| Library / Tipiṭaka / திபிடக • Tipiṭaka / மஹாவக்³க³பாளி • Mahāvaggapāḷi |
270. தஸ்ஸுத்³தா³னங்
270. Tassuddānaṃ
சம்பாயங் ப⁴க³வா ஆஸி, வத்து² வாஸப⁴கா³மகே;
Campāyaṃ bhagavā āsi, vatthu vāsabhagāmake;
பகதஞ்ஞுனோதி ஞத்வா, உஸ்ஸுக்கங் ந கரீ ததா³;
Pakataññunoti ñatvā, ussukkaṃ na karī tadā;
உக்கி²த்தோ ந கரோதீதி, ஸாக³மா ஜினஸந்திகே.
Ukkhitto na karotīti, sāgamā jinasantike.
அத⁴ம்மேன வக்³க³கம்மங், ஸமக்³க³ங் அத⁴ம்மேன ச;
Adhammena vaggakammaṃ, samaggaṃ adhammena ca;
த⁴ம்மேன வக்³க³கம்மஞ்ச, பதிரூபகேன வக்³கி³கங்.
Dhammena vaggakammañca, patirūpakena vaggikaṃ.
பதிரூபகேன ஸமக்³க³ங், ஏகோ உக்கி²பதேககங்;
Patirūpakena samaggaṃ, eko ukkhipatekakaṃ;
ஏகோ ச த்³வே ஸம்ப³ஹுலே, ஸங்க⁴ங் உக்கி²பதேககோ.
Eko ca dve sambahule, saṅghaṃ ukkhipatekako.
து³வேபி ஸம்ப³ஹுலாபி, ஸங்கோ⁴ ஸங்க⁴ஞ்ச உக்கி²பி;
Duvepi sambahulāpi, saṅgho saṅghañca ukkhipi;
ஸப்³ப³ஞ்ஞுபவரோ ஸுத்வா, அத⁴ம்மந்தி படிக்கி²பி.
Sabbaññupavaro sutvā, adhammanti paṭikkhipi.
ஞத்திவிபன்னங் யங் கம்மங், ஸம்பன்னங் அனுஸாவனங்;
Ñattivipannaṃ yaṃ kammaṃ, sampannaṃ anusāvanaṃ;
அனுஸ்ஸாவனவிபன்னங், ஸம்பன்னங் ஞத்தியா ச யங்.
Anussāvanavipannaṃ, sampannaṃ ñattiyā ca yaṃ.
உப⁴யேன விபன்னஞ்ச, அஞ்ஞத்ர த⁴ம்மமேவ ச;
Ubhayena vipannañca, aññatra dhammameva ca;
வினயா ஸத்து² படிகுட்ட²ங், குப்பங் அட்டா²னாரஹிகங்.
Vinayā satthu paṭikuṭṭhaṃ, kuppaṃ aṭṭhānārahikaṃ.
அத⁴ம்மவக்³க³ங் ஸமக்³க³ங், த⁴ம்ம பதிரூபானி யே து³வே;
Adhammavaggaṃ samaggaṃ, dhamma patirūpāni ye duve;
த⁴ம்மேனேவ ச ஸாமக்³கி³ங், அனுஞ்ஞாஸி ததா²க³தோ.
Dhammeneva ca sāmaggiṃ, anuññāsi tathāgato.
சதுவக்³கோ³ பஞ்சவக்³கோ³, த³ஸவக்³கோ³ ச வீஸதி;
Catuvaggo pañcavaggo, dasavaggo ca vīsati;
ட²பெத்வா உபஸம்பத³ங், யஞ்ச கம்மங் பவாரணங்;
Ṭhapetvā upasampadaṃ, yañca kammaṃ pavāraṇaṃ;
அப்³பா⁴னகம்மேன ஸஹ, சதுவக்³கே³ஹி கம்மிகோ.
Abbhānakammena saha, catuvaggehi kammiko.
து³வே கம்மே ட²பெத்வான, மஜ்ஜ²தே³ஸூபஸம்பத³ங்;
Duve kamme ṭhapetvāna, majjhadesūpasampadaṃ;
அப்³பா⁴னங் பஞ்சவக்³கி³கோ, ஸப்³ப³கம்மேஸு கம்மிகோ.
Abbhānaṃ pañcavaggiko, sabbakammesu kammiko.
அப்³பா⁴னேகங் ட²பெத்வான, யே பி⁴க்கூ² த³ஸவக்³கி³கா;
Abbhānekaṃ ṭhapetvāna, ye bhikkhū dasavaggikā;
ஸப்³ப³கம்மகரோ ஸங்கோ⁴, வீஸோ ஸப்³ப³த்த² கம்மிகோ.
Sabbakammakaro saṅgho, vīso sabbattha kammiko.
பி⁴க்கு²னீ ஸிக்க²மானா, ச ஸாமணேரோ ஸாமணேரீ;
Bhikkhunī sikkhamānā, ca sāmaṇero sāmaṇerī;
பச்சக்கா²தந்திமவத்தூ², உக்கி²த்தாபத்தித³ஸ்ஸனே.
Paccakkhātantimavatthū, ukkhittāpattidassane.
அப்படிகம்மே தி³ட்டி²யா, பண்ட³கோ தெ²ய்யஸங்வாஸகங்;
Appaṭikamme diṭṭhiyā, paṇḍako theyyasaṃvāsakaṃ;
தித்தி²யா திரச்சா²னக³தங், மாது பிது ச கா⁴தகங்.
Titthiyā tiracchānagataṃ, mātu pitu ca ghātakaṃ.
அரஹங் பி⁴க்கு²னீதூ³ஸி, பே⁴த³கங் லோஹிதுப்பாத³ங்;
Arahaṃ bhikkhunīdūsi, bhedakaṃ lohituppādaṃ;
ப்³யஞ்ஜனங் நானாஸங்வாஸங், நானாஸீமாய இத்³தி⁴யா.
Byañjanaṃ nānāsaṃvāsaṃ, nānāsīmāya iddhiyā.
யஸ்ஸ ஸங்கோ⁴ கரே கம்மங், ஹொந்தேதே சதுவீஸதி;
Yassa saṅgho kare kammaṃ, hontete catuvīsati;
ஸம்பு³த்³தே⁴ன படிக்கி²த்தா, ந ஹேதே க³ணபூரகா.
Sambuddhena paṭikkhittā, na hete gaṇapūrakā.
பாரிவாஸிகசதுத்தோ², பரிவாஸங் த³தெ³ய்ய வா;
Pārivāsikacatuttho, parivāsaṃ dadeyya vā;
மூலா மானத்தமப்³பெ⁴ய்ய, அகம்மங் ந ச கரணங்.
Mūlā mānattamabbheyya, akammaṃ na ca karaṇaṃ.
மூலா அரஹமானத்தா, அப்³பா⁴னாரஹமேவ ச;
Mūlā arahamānattā, abbhānārahameva ca;
ந கம்மகாரகா பஞ்ச, ஸம்பு³த்³தே⁴ன பகாஸிதா.
Na kammakārakā pañca, sambuddhena pakāsitā.
பி⁴க்கு²னீ ஸிக்க²மானா ச, ஸாமணேரோ ஸாமணேரிகா;
Bhikkhunī sikkhamānā ca, sāmaṇero sāmaṇerikā;
பச்சக்க²ந்திமஉம்மத்தா, கி²த்தாவேத³னத³ஸ்ஸனே.
Paccakkhantimaummattā, khittāvedanadassane.
நானாஸங்வாஸகா ஸீமா, வேஹாஸங் யஸ்ஸ கம்ம ச.
Nānāsaṃvāsakā sīmā, vehāsaṃ yassa kamma ca.
அட்டா²ரஸன்னமேதேஸங், படிக்கோஸங் ந ருஹதி;
Aṭṭhārasannametesaṃ, paṭikkosaṃ na ruhati;
பி⁴க்கு²ஸ்ஸ பகதத்தஸ்ஸ, ருஹதி படிக்கோஸனா.
Bhikkhussa pakatattassa, ruhati paṭikkosanā.
ஸுத்³த⁴ஸ்ஸ து³ன்னிஸாரிதோ, பா³லோ ஹி ஸுனிஸ்ஸாரிதோ;
Suddhassa dunnisārito, bālo hi sunissārito;
பண்ட³கோ தெ²ய்யஸங்வாஸோ, பக்கந்தோ திரச்சா²னக³தோ.
Paṇḍako theyyasaṃvāso, pakkanto tiracchānagato.
மாது பிது அரஹந்த, தூ³ஸகோ ஸங்க⁴பே⁴த³கோ;
Mātu pitu arahanta, dūsako saṅghabhedako;
லோஹிதுப்பாத³கோ சேவ, உப⁴தொப்³யஞ்ஜனோ ச யோ.
Lohituppādako ceva, ubhatobyañjano ca yo.
ஏகாத³ஸன்னங் ஏதேஸங், ஓஸாரணங் ந யுஜ்ஜதி;
Ekādasannaṃ etesaṃ, osāraṇaṃ na yujjati;
ஹத்த²பாத³ங் தது³ப⁴யங், கண்ணனாஸங் ததூ³ப⁴யங்.
Hatthapādaṃ tadubhayaṃ, kaṇṇanāsaṃ tadūbhayaṃ.
அங்கு³லி அளகண்ட³ரங், ப²ணங் கு²ஜ்ஜோ ச வாமனோ;
Aṅguli aḷakaṇḍaraṃ, phaṇaṃ khujjo ca vāmano;
க³ண்டீ³ லக்க²ணகஸா, ச லிகி²தகோ ச ஸீபதீ³.
Gaṇḍī lakkhaṇakasā, ca likhitako ca sīpadī.
பாபா பரிஸகாணோ ச, குணீ க²ஞ்ஜோ ஹதோபி ச;
Pāpā parisakāṇo ca, kuṇī khañjo hatopi ca;
இரியாபத²து³ப்³ப³லோ, அந்தோ⁴ மூகோ³ ச ப³தி⁴ரோ.
Iriyāpathadubbalo, andho mūgo ca badhiro.
அந்த⁴மூக³ந்த⁴ப³தி⁴ரோ மூக³ப³தி⁴ரமேவ ச;
Andhamūgandhabadhiro mūgabadhirameva ca;
அந்த⁴மூக³ப³தி⁴ரோ ச, த்³வத்திங்ஸேதே அனூனகா.
Andhamūgabadhiro ca, dvattiṃsete anūnakā.
தேஸங் ஓஸாரணங் ஹோதி, ஸம்பு³த்³தே⁴ன பகாஸிதங்;
Tesaṃ osāraṇaṃ hoti, sambuddhena pakāsitaṃ;
த³ட்ட²ப்³பா³ படிகாதப்³பா³, நிஸ்ஸஜ்ஜேதா ந விஜ்ஜதி.
Daṭṭhabbā paṭikātabbā, nissajjetā na vijjati.
தஸ்ஸ உக்கே²பனா கம்மா, ஸத்த ஹொந்தி அத⁴ம்மிகா;
Tassa ukkhepanā kammā, satta honti adhammikā;
ஆபன்னங் அனுவத்தந்தங், ஸத்த தேபி அத⁴ம்மிகா.
Āpannaṃ anuvattantaṃ, satta tepi adhammikā.
ஆபன்னங் நானுவத்தந்தங், ஸத்த கம்மா ஸுத⁴ம்மிகா;
Āpannaṃ nānuvattantaṃ, satta kammā sudhammikā;
ஸம்முகா² படிபுச்சா² ச, படிஞ்ஞாய ச காரணா.
Sammukhā paṭipucchā ca, paṭiññāya ca kāraṇā.
ஸதி அமூள்ஹபாபிகா, தஜ்ஜனீனியஸ்ஸேன ச;
Sati amūḷhapāpikā, tajjanīniyassena ca;
பப்³பா³ஜனீய படிஸாரோ, உக்கே²பபரிவாஸ ச.
Pabbājanīya paṭisāro, ukkhepaparivāsa ca.
மூலா மானத்தஅப்³பா⁴னா, ததே²வ உபஸம்பதா³;
Mūlā mānattaabbhānā, tatheva upasampadā;
அஞ்ஞங் கரெய்ய அஞ்ஞஸ்ஸ, ஸோளஸேதே அத⁴ம்மிகா.
Aññaṃ kareyya aññassa, soḷasete adhammikā.
தங் தங் கரெய்ய தங் தஸ்ஸ, ஸோளஸேதே ஸுத⁴ம்மிகா;
Taṃ taṃ kareyya taṃ tassa, soḷasete sudhammikā;
பச்சாரோபெய்ய அஞ்ஞஞ்ஞங், ஸோளஸேதே அத⁴ம்மிகா.
Paccāropeyya aññaññaṃ, soḷasete adhammikā.
ஏகேகமூலகங் சக்கங், ‘‘அத⁴ம்ம’’ந்தி ஜினொப்³ர்வி.
Ekekamūlakaṃ cakkaṃ, ‘‘adhamma’’nti jinobrvi.
அகாஸி தஜ்ஜனீயங் கம்மங், ஸங்கோ⁴ ப⁴ண்ட³னகாரகோ;
Akāsi tajjanīyaṃ kammaṃ, saṅgho bhaṇḍanakārako;
அத⁴ம்மேன வக்³க³கம்மங், அஞ்ஞங் ஆவாஸங் க³ச்சி² ஸோ.
Adhammena vaggakammaṃ, aññaṃ āvāsaṃ gacchi so.
தத்தா²த⁴ம்மேன ஸமக்³கா³, தஸ்ஸ தஜ்ஜனீயங் கருங்;
Tatthādhammena samaggā, tassa tajjanīyaṃ karuṃ;
அஞ்ஞத்த² வக்³கா³த⁴ம்மேன, தஸ்ஸ தஜ்ஜனீயங் கருங்.
Aññattha vaggādhammena, tassa tajjanīyaṃ karuṃ.
பதிரூபேன வக்³கா³பி, ஸமக்³கா³பி ததா² கருங்;
Patirūpena vaggāpi, samaggāpi tathā karuṃ;
அத⁴ம்மேன ஸமக்³கா³ ச, த⁴ம்மேன வக்³க³மேவ ச.
Adhammena samaggā ca, dhammena vaggameva ca.
பதிரூபகேன வக்³கா³ ச, ஸமக்³கா³ ச இமே பதா³;
Patirūpakena vaggā ca, samaggā ca ime padā;
ஏகேகமூலகங் கத்வா, சக்கங் ப³ந்தே⁴ விசக்க²ணோ.
Ekekamūlakaṃ katvā, cakkaṃ bandhe vicakkhaṇo.
பா³லா ப்³யத்தஸ்ஸ நியஸ்ஸங், பப்³பா³ஜே குலதூ³ஸகங்;
Bālā byattassa niyassaṃ, pabbāje kuladūsakaṃ;
படிஸாரணீயங் கம்மங், கரே அக்கோஸகஸ்ஸ ச.
Paṭisāraṇīyaṃ kammaṃ, kare akkosakassa ca.
அத³ஸ்ஸனாப்படிகம்மே , யோ ச தி³ட்டி²ங் ந நிஸ்ஸஜ்ஜே;
Adassanāppaṭikamme , yo ca diṭṭhiṃ na nissajje;
தேஸங் உக்கே²பனீயகம்மங், ஸத்த²வாஹேன பா⁴ஸிதங்.
Tesaṃ ukkhepanīyakammaṃ, satthavāhena bhāsitaṃ.
பஸ்ஸத்³தி⁴ தேஸங் கம்மானங், ஹெட்டா² கம்மனயேன ச;
Passaddhi tesaṃ kammānaṃ, heṭṭhā kammanayena ca;
தஸ்மிங் தஸ்மிங் து கம்மேஸு, தத்ரட்டோ² ச விவத³தி.
Tasmiṃ tasmiṃ tu kammesu, tatraṭṭho ca vivadati.
அகதங் து³க்கடஞ்சேவ, புனகாதப்³ப³கந்தி ச;
Akataṃ dukkaṭañceva, punakātabbakanti ca;
கம்மே பஸ்ஸத்³தி⁴யா சாபி, தே பி⁴க்கூ² த⁴ம்மவாதி³னோ.
Kamme passaddhiyā cāpi, te bhikkhū dhammavādino.
விபத்திப்³யாதி⁴தே தி³ஸ்வா, கம்மப்பத்தே மஹாமுனி;
Vipattibyādhite disvā, kammappatte mahāmuni;
படிப்பஸ்ஸத்³தி⁴மக்கா²ஸி, ஸல்லகத்தோவ ஓஸத⁴ந்தி.
Paṭippassaddhimakkhāsi, sallakattova osadhanti.
இமம்ஹி க²ந்த⁴கே வத்தூ²னி ச²த்திங்ஸாதி.
Imamhi khandhake vatthūni chattiṃsāti.
சம்பெய்யக்க²ந்த⁴கோ நிட்டி²தோ.
Campeyyakkhandhako niṭṭhito.
Footnotes:
