| Library / Tipiṭaka / திபிடக • Tipiṭaka / மஹாவக்³க³பாளி • Mahāvaggapāḷi |
67. தஸ்ஸுத்³தா³னங்
67. Tassuddānaṃ
131.
131.
வினயம்ஹி மஹத்தே²ஸு, பேஸலானங் ஸுகா²வஹே;
Vinayamhi mahatthesu, pesalānaṃ sukhāvahe;
நிக்³க³ஹானஞ்ச பாபிச்சே², லஜ்ஜீனங் பக்³க³ஹேஸு ச.
Niggahānañca pāpicche, lajjīnaṃ paggahesu ca.
ஸாஸனாதா⁴ரணே சேவ, ஸப்³ப³ஞ்ஞுஜினகோ³சரே;
Sāsanādhāraṇe ceva, sabbaññujinagocare;
அனஞ்ஞவிஸயே கே²மே, ஸுபஞ்ஞத்தே அஸங்ஸயே.
Anaññavisaye kheme, supaññatte asaṃsaye.
க²ந்த⁴கே வினயே சேவ, பரிவாரே ச மாதிகே;
Khandhake vinaye ceva, parivāre ca mātike;
யதா²த்த²காரீ குஸலோ, படிபஜ்ஜதி யோனிஸோ.
Yathātthakārī kusalo, paṭipajjati yoniso.
யோ க³வங் ந விஜானாதி, ந ஸோ ரக்க²தி கோ³க³ணங்;
Yo gavaṃ na vijānāti, na so rakkhati gogaṇaṃ;
ஏவங் ஸீலங் அஜானந்தோ, கிங் ஸோ ரக்கெ²ய்ய ஸங்வரங்.
Evaṃ sīlaṃ ajānanto, kiṃ so rakkheyya saṃvaraṃ.
பமுட்ட²ம்ஹி ச ஸுத்தந்தே, அபி⁴த⁴ம்மே ச தாவதே³;
Pamuṭṭhamhi ca suttante, abhidhamme ca tāvade;
வினயே அவினட்ட²ம்ஹி, புன திட்ட²தி ஸாஸனங்.
Vinaye avinaṭṭhamhi, puna tiṭṭhati sāsanaṃ.
பவக்கா²மி யதா²ஞாயங், ஸுணாத² மம பா⁴ஸதோ.
Pavakkhāmi yathāñāyaṃ, suṇātha mama bhāsato.
வத்து² நிதா³னங் ஆபத்தி, நயா பெய்யாலமேவ ச;
Vatthu nidānaṃ āpatti, nayā peyyālameva ca;
து³க்கரங் தங் அஸேஸேதுங், நயதோ தங் விஜானதா²தி.
Dukkaraṃ taṃ asesetuṃ, nayato taṃ vijānathāti.
போ³தி⁴ ராஜாயதனஞ்ச, அஜபாலோ ஸஹம்பதி;
Bodhi rājāyatanañca, ajapālo sahampati;
ப்³ரஹ்மா ஆளாரோ உத³கோ, பி⁴க்கு² ச உபகோ இஸி.
Brahmā āḷāro udako, bhikkhu ca upako isi.
கொண்ட³ஞ்ஞோ வப்போ ப⁴த்³தி³யோ, மஹானாமோ ச அஸ்ஸஜி;
Koṇḍañño vappo bhaddiyo, mahānāmo ca assaji;
யஸோ சத்தாரோ பஞ்ஞாஸ, ஸப்³பே³ பேஸேஸி ஸோ தி³ஸா.
Yaso cattāro paññāsa, sabbe pesesi so disā.
வத்து² மாரேஹி திங்ஸா ச, உருவேலங் தயோ ஜடீ;
Vatthu mārehi tiṃsā ca, uruvelaṃ tayo jaṭī;
அக்³யாகா³ரங் மஹாராஜா, ஸக்கோ ப்³ரஹ்மா ச கேவலா.
Agyāgāraṃ mahārājā, sakko brahmā ca kevalā.
பங்ஸுகூலங் பொக்க²ரணீ, ஸிலா ச ககுதோ⁴ ஸிலா;
Paṃsukūlaṃ pokkharaṇī, silā ca kakudho silā;
ஜம்பு³ அம்போ³ ச ஆமலோ, பாரிபுப்ப²ஞ்ச ஆஹரி.
Jambu ambo ca āmalo, pāripupphañca āhari.
பா²லியந்து உஜ்ஜலந்து, விஜ்ஜா²யந்து ச கஸ்ஸப;
Phāliyantu ujjalantu, vijjhāyantu ca kassapa;
நிமுஜ்ஜந்தி முகீ² மேகோ⁴, க³யா லட்டி² ச மாக³தோ⁴.
Nimujjanti mukhī megho, gayā laṭṭhi ca māgadho.
உபதிஸ்ஸோ கோலிதோ ச, அபி⁴ஞ்ஞாதா ச பப்³ப³ஜுங்;
Upatisso kolito ca, abhiññātā ca pabbajuṃ;
து³ன்னிவத்தா² பணாமனா, கிஸோ லூகோ² ச ப்³ராஹ்மணோ.
Dunnivatthā paṇāmanā, kiso lūkho ca brāhmaṇo.
அனாசாரங் ஆசரதி, உத³ரங் மாணவோ க³ணோ;
Anācāraṃ ācarati, udaraṃ māṇavo gaṇo;
வஸ்ஸங் பா³லேஹி பக்கந்தோ, த³ஸ வஸ்ஸானி நிஸ்ஸயோ.
Vassaṃ bālehi pakkanto, dasa vassāni nissayo.
ந வத்தந்தி பணாமேதுங், பா³லா பஸ்ஸத்³தி⁴ பஞ்ச ச²;
Na vattanti paṇāmetuṃ, bālā passaddhi pañca cha;
யோ ஸோ அஞ்ஞோ ச நக்³கோ³ ச, அச்சி²ன்னஜடிலஸாகியோ.
Yo so añño ca naggo ca, acchinnajaṭilasākiyo.
மாக³தோ⁴ ச அனுஞ்ஞாஸி, காரா லிகி² கஸாஹதோ.
Māgadho ca anuññāsi, kārā likhi kasāhato.
லக்க²ணா இணா தா³ஸோ ச, ப⁴ண்டு³கோ உபாலி அஹி;
Lakkhaṇā iṇā dāso ca, bhaṇḍuko upāli ahi;
ஸத்³த⁴ங் குலங் கண்டகோ ச, ஆஹுந்த³ரிகமேவ ச.
Saddhaṃ kulaṃ kaṇṭako ca, āhundarikameva ca.
வத்து²ம்ஹி தா³ரகோ ஸிக்கா², விஹரந்தி ச கிங் நு கோ²;
Vatthumhi dārako sikkhā, viharanti ca kiṃ nu kho;
ஸப்³ப³ங் முக²ங் உபஜ்ஜா²யே, அபலாளன கண்டகோ.
Sabbaṃ mukhaṃ upajjhāye, apalāḷana kaṇṭako.
பண்ட³கோ தெ²ய்யபக்கந்தோ, அஹி ச மாதரீ பிதா;
Paṇḍako theyyapakkanto, ahi ca mātarī pitā;
அரஹந்தபி⁴க்கு²னீபே⁴தா³, ருஹிரேன ச ப்³யஞ்ஜனங்.
Arahantabhikkhunībhedā, ruhirena ca byañjanaṃ.
அனுபஜ்ஜா²யஸங்கே⁴ன, க³ணபண்ட³கபத்தகோ;
Anupajjhāyasaṅghena, gaṇapaṇḍakapattako;
அசீவரங் தது³ப⁴யங், யாசிதேனபி யே தயோ.
Acīvaraṃ tadubhayaṃ, yācitenapi ye tayo.
ஹத்தா² பாதா³ ஹத்த²பாதா³, கண்ணா நாஸா ததூ³ப⁴யங்;
Hatthā pādā hatthapādā, kaṇṇā nāsā tadūbhayaṃ;
அங்கு³லிஅளகண்ட³ரங், ப²ணங் கு²ஜ்ஜஞ்ச வாமனங்.
Aṅguliaḷakaṇḍaraṃ, phaṇaṃ khujjañca vāmanaṃ.
க³லக³ண்டீ³ லக்க²ணா சேவ, கஸா லிகி²தஸீபதீ³;
Galagaṇḍī lakkhaṇā ceva, kasā likhitasīpadī;
பாபபரிஸதூ³ஸீ ச, காணங் குணி ததே²வ ச.
Pāpaparisadūsī ca, kāṇaṃ kuṇi tatheva ca.
க²ஞ்ஜங் பக்க²ஹதஞ்சேவ, ஸச்சி²ன்னஇரியாபத²ங்;
Khañjaṃ pakkhahatañceva, sacchinnairiyāpathaṃ;
ஜராந்த⁴மூக³ப³தி⁴ரங், அந்த⁴மூக³ஞ்ச யங் தஹிங்.
Jarāndhamūgabadhiraṃ, andhamūgañca yaṃ tahiṃ.
அந்த⁴ப³தி⁴ரங் யங் வுத்தங், மூக³ப³தி⁴ரமேவ ச;
Andhabadhiraṃ yaṃ vuttaṃ, mūgabadhirameva ca;
அந்த⁴மூக³ப³தி⁴ரஞ்ச, அலஜ்ஜீனஞ்ச நிஸ்ஸயங்.
Andhamūgabadhirañca, alajjīnañca nissayaṃ.
ஆக³ச்ச²து விவத³ந்தி, ஏகுபஜ்ஜா²யேன கஸ்ஸபோ.
Āgacchatu vivadanti, ekupajjhāyena kassapo.
தி³ஸ்ஸந்தி உபஸம்பன்னா, ஆபா³தே⁴ஹி ச பீளிதா;
Dissanti upasampannā, ābādhehi ca pīḷitā;
அனநுஸிட்டா² வித்தெ²ந்தி, தத்தே²வ அனுஸாஸனா.
Ananusiṭṭhā vitthenti, tattheva anusāsanā.
ஸங்கே⁴பி ச அதோ² பா³லா, அஸம்மதா ச ஏகதோ;
Saṅghepi ca atho bālā, asammatā ca ekato;
உல்லும்பதுபஸம்பதா³, நிஸ்ஸயோ ஏககோ தயோதி.
Ullumpatupasampadā, nissayo ekako tayoti.
இமம்ஹி க²ந்த⁴கே வத்தூ²னி ஏகஸதஞ்ச த்³வாஸத்ததி.
Imamhi khandhake vatthūni ekasatañca dvāsattati.
மஹாக²ந்த⁴கோ நிட்டி²தோ.
Mahākhandhako niṭṭhito.
Footnotes:
Related texts:
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā / சத்தாரோனிஸ்ஸயாதி³கதா²வண்ணனா • Cattāronissayādikathāvaṇṇanā
