| Library / Tipiṭaka / တိပိဋက • Tipiṭaka / စူဠဝဂ္ဂ-အဋ္ဌကထာ • Cūḷavagga-aṭṭhakathā |
တသ္သပာပိယသိကာကထာ
Tassapāpiyasikākathā
၂၀၇. အသုစီတိ အသုစီဟိ ကာယဝစီကမ္မေဟိ သမန္နာဂတော။ အလဇ္ဇီတိ သဉ္စိစ္စ အာပဇ္ဇနာဒိနာ အလဇ္ဇိလက္ခဏေန သမန္နာဂတော။ သာနုဝာဒောတိ သဥပဝာဒော။ ဣတိ ဣမေသဉ္စ တိဏ္ဏံ အင္ဂာနံ ဝသေန တီဏိ ကရဏာနိ, သင္ဃေန ကရဏံ, ဓမ္မေန သမဂ္ဂေန ကရဏန္တိ ဣမာနိ စ ဒ္ဝေတိ ပဉ္စ တသ္သပာပိယသိကာကမ္မသ္သ ကရဏာနိ နာမ ဟောန္တိ။ သေသမေတ္ထ တဇ္ဇနီယာဒီသု ဝုတ္တနယမေဝ။ အယံ ပနေတ္ထ ဝစနတ္ထော – ဣဒဉ္ဟိ ယော ပာပုသ္သန္နတာယ ပာပိယော ပုဂ္ဂလော, တသ္သ ကတ္တဗ္ဗတော ‘‘တသ္သပာပိယသိကာကမ္မ’’န္တိ ဝုစ္စတိ။
207.Asucīti asucīhi kāyavacīkammehi samannāgato. Alajjīti sañcicca āpajjanādinā alajjilakkhaṇena samannāgato. Sānuvādoti saupavādo. Iti imesañca tiṇṇaṃ aṅgānaṃ vasena tīṇi karaṇāni, saṅghena karaṇaṃ, dhammena samaggena karaṇanti imāni ca dveti pañca tassapāpiyasikākammassa karaṇāni nāma honti. Sesamettha tajjanīyādīsu vuttanayameva. Ayaṃ panettha vacanattho – idañhi yo pāpussannatāya pāpiyo puggalo, tassa kattabbato ‘‘tassapāpiyasikākamma’’nti vuccati.
တသ္သပာပိယသိကာကထာ နိဋ္ဌိတာ။
Tassapāpiyasikākathā niṭṭhitā.
Related texts:
တိပိဋက (မူလ) • Tipiṭaka (Mūla) / ဝိနယပိဋက • Vinayapiṭaka / စူဠဝဂ္ဂပာဠိ • Cūḷavaggapāḷi / ၆. တသ္သပာပိယသိကာ • 6. Tassapāpiyasikā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝဇိရဗုဒ္ဓိ-ဋီကာ • Vajirabuddhi-ṭīkā / တသ္သပာပိယသိကာကထာဝဏ္ဏနာ • Tassapāpiyasikākathāvaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝိမတိဝိနောဒနီ-ဋီကာ • Vimativinodanī-ṭīkā / သတိဝိနယကထာဒိဝဏ္ဏနာ • Sativinayakathādivaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ပာစိတ္ယာဒိယောဇနာပာဠိ • Pācityādiyojanāpāḷi / ၆. တသ္သပာပိယသိကာကထာ • 6. Tassapāpiyasikākathā
