| Library / Tipiṭaka / തിപിടക • Tipiṭaka / സംയുത്തനികായ • Saṃyuttanikāya |
൧൧. തസിനാസുത്തം
11. Tasināsuttaṃ
൧൭൧. ‘‘തിസ്സോ ഇമാ, ഭിക്ഖവേ, തസിനാ. കതമാ തിസ്സോ? കാമതസിനാ, ഭവതസിനാ, വിഭവതസിനാ. ഇമാസം ഖോ, ഭിക്ഖവേ, തിസ്സന്നം തസിനാനം അഭിഞ്ഞായ പരിഞ്ഞായ പരിക്ഖയായ പഹാനായ…പേ॰… രാഗവിനയപരിയോസാനം ദോസവിനയപരിയോസാനം മോഹവിനയപരിയോസാനം…പേ॰… അമതോഗധം അമതപരായനം അമതപരിയോസാനം…പേ॰… നിബ്ബാനനിന്നം നിബ്ബാനപോണം നിബ്ബാനപബ്ഭാരം. ഇമാസം ഖോ, ഭിക്ഖവേ, തിസ്സന്നം തസിനാനം അഭിഞ്ഞായ പരിഞ്ഞായ പരിക്ഖയായ പഹാനായ…പേ॰… അയം അരിയോ അട്ഠങ്ഗികോ മഗ്ഗോ ഭാവേതബ്ബോ’’തി. ഏകാദസമം.
171. ‘‘Tisso imā, bhikkhave, tasinā. Katamā tisso? Kāmatasinā, bhavatasinā, vibhavatasinā. Imāsaṃ kho, bhikkhave, tissannaṃ tasinānaṃ abhiññāya pariññāya parikkhayāya pahānāya…pe… rāgavinayapariyosānaṃ dosavinayapariyosānaṃ mohavinayapariyosānaṃ…pe… amatogadhaṃ amataparāyanaṃ amatapariyosānaṃ…pe… nibbānaninnaṃ nibbānapoṇaṃ nibbānapabbhāraṃ. Imāsaṃ kho, bhikkhave, tissannaṃ tasinānaṃ abhiññāya pariññāya parikkhayāya pahānāya…pe… ayaṃ ariyo aṭṭhaṅgiko maggo bhāvetabbo’’ti. Ekādasamaṃ.
ഏസനാവഗ്ഗോ സത്തമോ.
Esanāvaggo sattamo.
തസ്സുദ്ദാനം –
Tassuddānaṃ –
ഏസനാ വിധാ ആസവോ, ഭവോ ച ദുക്ഖതാ ഖിലാ;
Esanā vidhā āsavo, bhavo ca dukkhatā khilā;
മലം നീഘോ ച വേദനാ, ദ്വേ തണ്ഹാ തസിനായ ചാതി.
Malaṃ nīgho ca vedanā, dve taṇhā tasināya cāti.
Related texts:
അട്ഠകഥാ • Aṭṭhakathā / സുത്തപിടക (അട്ഠകഥാ) • Suttapiṭaka (aṭṭhakathā) / സംയുത്തനികായ (അട്ഠകഥാ) • Saṃyuttanikāya (aṭṭhakathā) / ൨-൧൧. വിധാസുത്താദിവണ്ണനാ • 2-11. Vidhāsuttādivaṇṇanā
ടീകാ • Tīkā / സുത്തപിടക (ടീകാ) • Suttapiṭaka (ṭīkā) / സംയുത്തനികായ (ടീകാ) • Saṃyuttanikāya (ṭīkā) / ൨-൧൧. വിധാസുത്താദിവണ്ണനാ • 2-11. Vidhāsuttādivaṇṇanā
