| Library / Tipiṭaka / តិបិដក • Tipiṭaka / សំយុត្តនិកាយ • Saṃyuttanikāya |
១១. តសិនាសុត្តំ
11. Tasināsuttaṃ
១៧១. ‘‘តិស្សោ ឥមា, ភិក្ខវេ, តសិនា។ កតមា តិស្សោ? កាមតសិនា, ភវតសិនា, វិភវតសិនា។ ឥមាសំ ខោ, ភិក្ខវេ, តិស្សន្នំ តសិនានំ អភិញ្ញាយ បរិញ្ញាយ បរិក្ខយាយ បហានាយ…បេ.… រាគវិនយបរិយោសានំ ទោសវិនយបរិយោសានំ មោហវិនយបរិយោសានំ…បេ.… អមតោគធំ អមតបរាយនំ អមតបរិយោសានំ…បេ.… និព្ពាននិន្នំ និព្ពានបោណំ និព្ពានបព្ភារំ។ ឥមាសំ ខោ, ភិក្ខវេ, តិស្សន្នំ តសិនានំ អភិញ្ញាយ បរិញ្ញាយ បរិក្ខយាយ បហានាយ…បេ.… អយំ អរិយោ អដ្ឋង្គិកោ មគ្គោ ភាវេតព្ពោ’’តិ។ ឯកាទសមំ។
171. ‘‘Tisso imā, bhikkhave, tasinā. Katamā tisso? Kāmatasinā, bhavatasinā, vibhavatasinā. Imāsaṃ kho, bhikkhave, tissannaṃ tasinānaṃ abhiññāya pariññāya parikkhayāya pahānāya…pe… rāgavinayapariyosānaṃ dosavinayapariyosānaṃ mohavinayapariyosānaṃ…pe… amatogadhaṃ amataparāyanaṃ amatapariyosānaṃ…pe… nibbānaninnaṃ nibbānapoṇaṃ nibbānapabbhāraṃ. Imāsaṃ kho, bhikkhave, tissannaṃ tasinānaṃ abhiññāya pariññāya parikkhayāya pahānāya…pe… ayaṃ ariyo aṭṭhaṅgiko maggo bhāvetabbo’’ti. Ekādasamaṃ.
ឯសនាវគ្គោ សត្តមោ។
Esanāvaggo sattamo.
តស្សុទ្ទានំ –
Tassuddānaṃ –
ឯសនា វិធា អាសវោ, ភវោ ច ទុក្ខតា ខិលា;
Esanā vidhā āsavo, bhavo ca dukkhatā khilā;
មលំ នីឃោ ច វេទនា, ទ្វេ តណ្ហា តសិនាយ ចាតិ។
Malaṃ nīgho ca vedanā, dve taṇhā tasināya cāti.
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / សំយុត្តនិកាយ (អដ្ឋកថា) • Saṃyuttanikāya (aṭṭhakathā) / ២-១១. វិធាសុត្តាទិវណ្ណនា • 2-11. Vidhāsuttādivaṇṇanā
ដីកា • Tīkā / សុត្តបិដក (ដីកា) • Suttapiṭaka (ṭīkā) / សំយុត្តនិកាយ (ដីកា) • Saṃyuttanikāya (ṭīkā) / ២-១១. វិធាសុត្តាទិវណ្ណនា • 2-11. Vidhāsuttādivaṇṇanā
