| Library / Tipiṭaka / તિપિટક • Tipiṭaka / સંયુત્તનિકાય • Saṃyuttanikāya |
૧૧. તસિનાસુત્તં
11. Tasināsuttaṃ
૧૭૧. ‘‘તિસ્સો ઇમા, ભિક્ખવે, તસિના. કતમા તિસ્સો? કામતસિના, ભવતસિના, વિભવતસિના. ઇમાસં ખો, ભિક્ખવે, તિસ્સન્નં તસિનાનં અભિઞ્ઞાય પરિઞ્ઞાય પરિક્ખયાય પહાનાય…પે॰… રાગવિનયપરિયોસાનં દોસવિનયપરિયોસાનં મોહવિનયપરિયોસાનં…પે॰… અમતોગધં અમતપરાયનં અમતપરિયોસાનં…પે॰… નિબ્બાનનિન્નં નિબ્બાનપોણં નિબ્બાનપબ્ભારં. ઇમાસં ખો, ભિક્ખવે, તિસ્સન્નં તસિનાનં અભિઞ્ઞાય પરિઞ્ઞાય પરિક્ખયાય પહાનાય…પે॰… અયં અરિયો અટ્ઠઙ્ગિકો મગ્ગો ભાવેતબ્બો’’તિ. એકાદસમં.
171. ‘‘Tisso imā, bhikkhave, tasinā. Katamā tisso? Kāmatasinā, bhavatasinā, vibhavatasinā. Imāsaṃ kho, bhikkhave, tissannaṃ tasinānaṃ abhiññāya pariññāya parikkhayāya pahānāya…pe… rāgavinayapariyosānaṃ dosavinayapariyosānaṃ mohavinayapariyosānaṃ…pe… amatogadhaṃ amataparāyanaṃ amatapariyosānaṃ…pe… nibbānaninnaṃ nibbānapoṇaṃ nibbānapabbhāraṃ. Imāsaṃ kho, bhikkhave, tissannaṃ tasinānaṃ abhiññāya pariññāya parikkhayāya pahānāya…pe… ayaṃ ariyo aṭṭhaṅgiko maggo bhāvetabbo’’ti. Ekādasamaṃ.
એસનાવગ્ગો સત્તમો.
Esanāvaggo sattamo.
તસ્સુદ્દાનં –
Tassuddānaṃ –
એસના વિધા આસવો, ભવો ચ દુક્ખતા ખિલા;
Esanā vidhā āsavo, bhavo ca dukkhatā khilā;
મલં નીઘો ચ વેદના, દ્વે તણ્હા તસિનાય ચાતિ.
Malaṃ nīgho ca vedanā, dve taṇhā tasināya cāti.
Related texts:
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / સંયુત્તનિકાય (અટ્ઠકથા) • Saṃyuttanikāya (aṭṭhakathā) / ૨-૧૧. વિધાસુત્તાદિવણ્ણના • 2-11. Vidhāsuttādivaṇṇanā
ટીકા • Tīkā / સુત્તપિટક (ટીકા) • Suttapiṭaka (ṭīkā) / સંયુત્તનિકાય (ટીકા) • Saṃyuttanikāya (ṭīkā) / ૨-૧૧. વિધાસુત્તાદિવણ્ણના • 2-11. Vidhāsuttādivaṇṇanā
