| Library / Tipiṭaka / તિપિટક • Tipiṭaka / સંયુત્તનિકાય (અટ્ઠકથા) • Saṃyuttanikāya (aṭṭhakathā) |
૭. તરુણરુક્ખસુત્તવણ્ણના
7. Taruṇarukkhasuttavaṇṇanā
૫૭-૫૯. સત્તમે તરુણોતિ અજાતફલો. પલિમજ્જેય્યાતિ સોધેય્ય. પંસું દદેય્યાતિ થદ્ધફરુસપંસું હરિત્વા મુદુગોમયચુણ્ણમિસ્સં મધુરપંસું પક્ખિપેય્ય. વુદ્ધિન્તિ વુદ્ધિં આપજ્જિત્વા પુપ્ફૂપગો પુપ્ફં, ફલૂપગો ફલં ગણ્હેય્ય. ઇદં પનેત્થ ઓપમ્મસંસન્દનં – તરુણરુક્ખો વિય હિ તેભૂમકવટ્ટં, રુક્ખજગ્ગકો પુરિસો વિય વટ્ટનિસ્સિતો પુથુજ્જનો, મૂલફલસન્તાનાદીનિ વિય તીહિ દ્વારેહિ કુસલાકુસલકમ્માયૂહનં, રુક્ખસ્સ વુડ્ઢિઆપજ્જનં વિય પુથુજ્જનસ્સ તીહિ દ્વારેહિ કમ્મં આયૂહતો અપરાપરં વટ્ટપ્પવત્તિ. વિવટ્ટં વુત્તનયેનેવ વેદિતબ્બં. અટ્ઠમનવમાનિ ઉત્તાનત્થાનેવ. સત્તમાદીનિ.
57-59. Sattame taruṇoti ajātaphalo. Palimajjeyyāti sodheyya. Paṃsuṃ dadeyyāti thaddhapharusapaṃsuṃ haritvā mudugomayacuṇṇamissaṃ madhurapaṃsuṃ pakkhipeyya. Vuddhinti vuddhiṃ āpajjitvā pupphūpago pupphaṃ, phalūpago phalaṃ gaṇheyya. Idaṃ panettha opammasaṃsandanaṃ – taruṇarukkho viya hi tebhūmakavaṭṭaṃ, rukkhajaggako puriso viya vaṭṭanissito puthujjano, mūlaphalasantānādīni viya tīhi dvārehi kusalākusalakammāyūhanaṃ, rukkhassa vuḍḍhiāpajjanaṃ viya puthujjanassa tīhi dvārehi kammaṃ āyūhato aparāparaṃ vaṭṭappavatti. Vivaṭṭaṃ vuttanayeneva veditabbaṃ. Aṭṭhamanavamāni uttānatthāneva. Sattamādīni.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / સંયુત્તનિકાય • Saṃyuttanikāya
૭. તરુણરુક્ખસુત્તં • 7. Taruṇarukkhasuttaṃ
૮. નામરૂપસુત્તં • 8. Nāmarūpasuttaṃ
૯. વિઞ્ઞાણસુત્તં • 9. Viññāṇasuttaṃ
ટીકા • Tīkā / સુત્તપિટક (ટીકા) • Suttapiṭaka (ṭīkā) / સંયુત્તનિકાય (ટીકા) • Saṃyuttanikāya (ṭīkā) / ૭. તરુણરુક્ખસુત્તવણ્ણના • 7. Taruṇarukkhasuttavaṇṇanā
