| Library / Tipiṭaka / तिपिटक • Tipiṭaka / अपदानपाळि • Apadānapāḷi |
१०. तरणीयत्थेरअपदानं
10. Taraṇīyattheraapadānaṃ
३८.
38.
‘‘महापथम्हि विसमे, सेतु कारापितो मया।
‘‘Mahāpathamhi visame, setu kārāpito mayā;
तरणत्थाय लोकस्स, पसन्नो सेहि पाणिभि॥
Taraṇatthāya lokassa, pasanno sehi pāṇibhi.
३९.
39.
‘‘एकनवुतितो कप्पे, यो सेतु कारितो मया।
‘‘Ekanavutito kappe, yo setu kārito mayā;
दुग्गतिं नाभिजानामि, सेतुदानस्सिदं फलं॥
Duggatiṃ nābhijānāmi, setudānassidaṃ phalaṃ.
४०.
40.
‘‘पञ्चपञ्ञासितो कप्पे, एको आसिं समोगधो।
‘‘Pañcapaññāsito kappe, eko āsiṃ samogadho;
सत्तरतनसम्पन्नो, चक्कवत्ती महब्बलो॥
Sattaratanasampanno, cakkavattī mahabbalo.
४१.
41.
‘‘पटिसम्भिदा चतस्सो…पे॰… कतं बुद्धस्स सासनं’’॥
‘‘Paṭisambhidā catasso…pe… kataṃ buddhassa sāsanaṃ’’.
इत्थं सुदं आयस्मा तरणीयो थेरो इमा गाथायो अभासित्थाति।
Itthaṃ sudaṃ āyasmā taraṇīyo thero imā gāthāyo abhāsitthāti.
तरणीयत्थेरस्सापदानं दसमं।
Taraṇīyattherassāpadānaṃ dasamaṃ.
सुवण्णबिब्बोहनवग्गो अट्ठवीसतिमो।
Suvaṇṇabibbohanavaggo aṭṭhavīsatimo.
तस्सुद्दानं –
Tassuddānaṃ –
सुवण्णं तिलमुट्ठि च, चङ्कोटब्भञ्जनञ्जली।
Suvaṇṇaṃ tilamuṭṭhi ca, caṅkoṭabbhañjanañjalī;
पोत्थको चितमालुवा, एकपुण्डरी सेतुना।
Potthako citamāluvā, ekapuṇḍarī setunā;
द्वेचत्तालीस गाथायो, गणितायो विभाविभीति॥
Dvecattālīsa gāthāyo, gaṇitāyo vibhāvibhīti.
एकादसमं भाणवारं।
Ekādasamaṃ bhāṇavāraṃ.
