| Library / Tipiṭaka / திபிடக • Tipiṭaka / அபதா³னபாளி • Apadānapāḷi |
10. தரணியத்தே²ரஅபதா³னங்
10. Taraṇiyattheraapadānaṃ
39.
39.
‘‘ஸுவண்ணவண்ணோ ஸம்பு³த்³தோ⁴, விபஸ்ஸீ த³க்கி²ணாரஹோ;
‘‘Suvaṇṇavaṇṇo sambuddho, vipassī dakkhiṇāraho;
நதீ³தீரே டி²தோ ஸத்தா², பி⁴க்கு²ஸங்க⁴புரக்க²தோ.
Nadītīre ṭhito satthā, bhikkhusaṅghapurakkhato.
40.
40.
‘‘நாவா ந விஜ்ஜதே தத்த², ஸந்தாரணீ மஹண்ணவே;
‘‘Nāvā na vijjate tattha, santāraṇī mahaṇṇave;
நதி³யா அபி⁴னிக்க²ம்ம, தாரேஸிங் லோகனாயகங்.
Nadiyā abhinikkhamma, tāresiṃ lokanāyakaṃ.
41.
41.
‘‘ஏகனவுதிதோ கப்பே, யங் தாரேஸிங் நருத்தமங்;
‘‘Ekanavutito kappe, yaṃ tāresiṃ naruttamaṃ;
து³க்³க³திங் நாபி⁴ஜானாமி, தரணாய இத³ங் ப²லங்.
Duggatiṃ nābhijānāmi, taraṇāya idaṃ phalaṃ.
42.
42.
‘‘படிஸம்பி⁴தா³ சதஸ்ஸோ…பே॰… கதங் பு³த்³த⁴ஸ்ஸ ஸாஸனங்’’.
‘‘Paṭisambhidā catasso…pe… kataṃ buddhassa sāsanaṃ’’.
இத்த²ங் ஸுத³ங் ஆயஸ்மா தரணியோ தே²ரோ இமா கா³தா²யோ அபா⁴ஸித்தா²தி.
Itthaṃ sudaṃ āyasmā taraṇiyo thero imā gāthāyo abhāsitthāti.
தரணியத்தே²ரஸ்ஸாபதா³னங் த³ஸமங்.
Taraṇiyattherassāpadānaṃ dasamaṃ.
பது³முக்கி²பவக்³கோ³ ஸத்தவீஸதிமோ.
Padumukkhipavaggo sattavīsatimo.
தஸ்ஸுத்³தா³னங் –
Tassuddānaṃ –
உக்கி²பீ தேலசந்தீ³ ச, தீ³பதோ³ ச பி³ளாலிதோ³;
Ukkhipī telacandī ca, dīpado ca biḷālido;
மச்சோ² ஜவோ ஸளலதோ³, ரக்க²ஸோ தரணோ த³ஸ;
Maccho javo saḷalado, rakkhaso taraṇo dasa;
கா³தா²யோ செத்த² ஸங்கா²தா, தாலீஸங் சேகமேவ சாதி.
Gāthāyo cettha saṅkhātā, tālīsaṃ cekameva cāti.
