| Library / Tipiṭaka / तिपिटक • Tipiṭaka / इतिवुत्तकपाळि • Itivuttakapāḷi |
३. तपनीयसुत्तं
3. Tapanīyasuttaṃ
३०. वुत्तञ्हेतं भगवता, वुत्तमरहताति मे सुतं –
30. Vuttañhetaṃ bhagavatā, vuttamarahatāti me sutaṃ –
‘‘द्वेमे, भिक्खवे, धम्मा तपनीया। कतमे द्वे? इध, भिक्खवे, एकच्चो अकतकल्याणो होति, अकतकुसलो, अकतभीरुत्ताणो, कतपापो, कतलुद्दो, कतकिब्बिसो। सो ‘अकतं मे कल्याण’न्तिपि तप्पति, ‘कतं मे पाप’न्तिपि तप्पति। इमे खो, भिक्खवे, द्वे धम्मा तपनीया’’ति। एतमत्थं भगवा अवोच। तत्थेतं इति वुच्चति –
‘‘Dveme, bhikkhave, dhammā tapanīyā. Katame dve? Idha, bhikkhave, ekacco akatakalyāṇo hoti, akatakusalo, akatabhīruttāṇo, katapāpo, kataluddo, katakibbiso. So ‘akataṃ me kalyāṇa’ntipi tappati, ‘kataṃ me pāpa’ntipi tappati. Ime kho, bhikkhave, dve dhammā tapanīyā’’ti. Etamatthaṃ bhagavā avoca. Tatthetaṃ iti vuccati –
‘‘कायदुच्चरितं कत्वा, वचीदुच्चरितानि च।
‘‘Kāyaduccaritaṃ katvā, vacīduccaritāni ca;
मनोदुच्चरितं कत्वा, यञ्चञ्ञं दोससञ्हितं॥
Manoduccaritaṃ katvā, yañcaññaṃ dosasañhitaṃ.
‘‘अकत्वा कुसलं कम्मं, कत्वानाकुसलं बहुं।
‘‘Akatvā kusalaṃ kammaṃ, katvānākusalaṃ bahuṃ;
अयम्पि अत्थो वुत्तो भगवता, इति मे सुतन्ति। ततियं।
Ayampi attho vutto bhagavatā, iti me sutanti. Tatiyaṃ.
Footnotes:
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / खुद्दकनिकाय (अट्ठकथा) • Khuddakanikāya (aṭṭhakathā) / इतिवुत्तक-अट्ठकथा • Itivuttaka-aṭṭhakathā / ३. तपनीयसुत्तवण्णना • 3. Tapanīyasuttavaṇṇanā
