| Library / Tipiṭaka / തിപിടക • Tipiṭaka / അങ്ഗുത്തരനികായ • Aṅguttaranikāya |
൧൧. തണ്ഹാസുത്തം
11. Taṇhāsuttaṃ
൧൦൬. ‘‘തിസ്സോ ഇമാ, ഭിക്ഖവേ, തണ്ഹാ പഹാതബ്ബാ, തയോ ച മാനാ. കതമാ തിസ്സോ തണ്ഹാ പഹാതബ്ബാ? കാമതണ്ഹാ, ഭവതണ്ഹാ, വിഭവതണ്ഹാ – ഇമാ തിസ്സോ തണ്ഹാ പഹാതബ്ബാ. കതമേ തയോ മാനാ പഹാതബ്ബാ? മാനോ, ഓമാനോ, അതിമാനോ – ഇമേ തയോ മാനാ പഹാതബ്ബാ. യതോ ഖോ, ഭിക്ഖവേ, ഭിക്ഖുനോ ഇമാ തിസ്സോ തണ്ഹാ പഹീനാ ഹോന്തി, ഇമേ ച തയോ മാനാ; അയം വുച്ചതി, ഭിക്ഖവേ, ഭിക്ഖു അച്ഛേച്ഛി തണ്ഹം, വിവത്തയി സംയോജനം, സമ്മാ മാനാഭിസമയാ അന്തമകാസി ദുക്ഖസ്സാ’’തി. ഏകാദസമം.
106. ‘‘Tisso imā, bhikkhave, taṇhā pahātabbā, tayo ca mānā. Katamā tisso taṇhā pahātabbā? Kāmataṇhā, bhavataṇhā, vibhavataṇhā – imā tisso taṇhā pahātabbā. Katame tayo mānā pahātabbā? Māno, omāno, atimāno – ime tayo mānā pahātabbā. Yato kho, bhikkhave, bhikkhuno imā tisso taṇhā pahīnā honti, ime ca tayo mānā; ayaṃ vuccati, bhikkhave, bhikkhu acchecchi taṇhaṃ, vivattayi saṃyojanaṃ, sammā mānābhisamayā antamakāsi dukkhassā’’ti. Ekādasamaṃ.
തസ്സുദ്ദാനം –
Tassuddānaṃ –
പാതുഭാവോ ആനിസംസോ, അനിച്ചദുക്ഖഅനത്തതോ;
Pātubhāvo ānisaṃso, aniccadukkhaanattato;
നിബ്ബാനം അനവത്ഥി, ഉക്ഖിത്താസി അതമ്മയോ;
Nibbānaṃ anavatthi, ukkhittāsi atammayo;
ഭവാ തണ്ഹായേകാ ദസാതി.
Bhavā taṇhāyekā dasāti.
ദുതിയപണ്ണാസകം സമത്തം.
Dutiyapaṇṇāsakaṃ samattaṃ.
Footnotes:
Related texts:
ടീകാ • Tīkā / സുത്തപിടക (ടീകാ) • Suttapiṭaka (ṭīkā) / അങ്ഗുത്തരനികായ (ടീകാ) • Aṅguttaranikāya (ṭīkā) / ൧-൧൧. പാതുഭാവസുത്താദിവണ്ണനാ • 1-11. Pātubhāvasuttādivaṇṇanā
