| Library / Tipiṭaka / ತಿಪಿಟಕ • Tipiṭaka / ಅಙ್ಗುತ್ತರನಿಕಾಯ • Aṅguttaranikāya |
೧೧. ತಣ್ಹಾಸುತ್ತಂ
11. Taṇhāsuttaṃ
೧೦೬. ‘‘ತಿಸ್ಸೋ ಇಮಾ, ಭಿಕ್ಖವೇ, ತಣ್ಹಾ ಪಹಾತಬ್ಬಾ, ತಯೋ ಚ ಮಾನಾ। ಕತಮಾ ತಿಸ್ಸೋ ತಣ್ಹಾ ಪಹಾತಬ್ಬಾ? ಕಾಮತಣ್ಹಾ, ಭವತಣ್ಹಾ, ವಿಭವತಣ್ಹಾ – ಇಮಾ ತಿಸ್ಸೋ ತಣ್ಹಾ ಪಹಾತಬ್ಬಾ। ಕತಮೇ ತಯೋ ಮಾನಾ ಪಹಾತಬ್ಬಾ? ಮಾನೋ, ಓಮಾನೋ, ಅತಿಮಾನೋ – ಇಮೇ ತಯೋ ಮಾನಾ ಪಹಾತಬ್ಬಾ। ಯತೋ ಖೋ, ಭಿಕ್ಖವೇ, ಭಿಕ್ಖುನೋ ಇಮಾ ತಿಸ್ಸೋ ತಣ್ಹಾ ಪಹೀನಾ ಹೋನ್ತಿ, ಇಮೇ ಚ ತಯೋ ಮಾನಾ; ಅಯಂ ವುಚ್ಚತಿ, ಭಿಕ್ಖವೇ, ಭಿಕ್ಖು ಅಚ್ಛೇಚ್ಛಿ ತಣ್ಹಂ, ವಿವತ್ತಯಿ ಸಂಯೋಜನಂ, ಸಮ್ಮಾ ಮಾನಾಭಿಸಮಯಾ ಅನ್ತಮಕಾಸಿ ದುಕ್ಖಸ್ಸಾ’’ತಿ। ಏಕಾದಸಮಂ।
106. ‘‘Tisso imā, bhikkhave, taṇhā pahātabbā, tayo ca mānā. Katamā tisso taṇhā pahātabbā? Kāmataṇhā, bhavataṇhā, vibhavataṇhā – imā tisso taṇhā pahātabbā. Katame tayo mānā pahātabbā? Māno, omāno, atimāno – ime tayo mānā pahātabbā. Yato kho, bhikkhave, bhikkhuno imā tisso taṇhā pahīnā honti, ime ca tayo mānā; ayaṃ vuccati, bhikkhave, bhikkhu acchecchi taṇhaṃ, vivattayi saṃyojanaṃ, sammā mānābhisamayā antamakāsi dukkhassā’’ti. Ekādasamaṃ.
ತಸ್ಸುದ್ದಾನಂ –
Tassuddānaṃ –
ಪಾತುಭಾವೋ ಆನಿಸಂಸೋ, ಅನಿಚ್ಚದುಕ್ಖಅನತ್ತತೋ।
Pātubhāvo ānisaṃso, aniccadukkhaanattato;
ನಿಬ್ಬಾನಂ ಅನವತ್ಥಿ, ಉಕ್ಖಿತ್ತಾಸಿ ಅತಮ್ಮಯೋ।
Nibbānaṃ anavatthi, ukkhittāsi atammayo;
ಭವಾ ತಣ್ಹಾಯೇಕಾ ದಸಾತಿ॥
Bhavā taṇhāyekā dasāti.
ದುತಿಯಪಣ್ಣಾಸಕಂ ಸಮತ್ತಂ।
Dutiyapaṇṇāsakaṃ samattaṃ.
Footnotes:
Related texts:
ಟೀಕಾ • Tīkā / ಸುತ್ತಪಿಟಕ (ಟೀಕಾ) • Suttapiṭaka (ṭīkā) / ಅಙ್ಗುತ್ತರನಿಕಾಯ (ಟೀಕಾ) • Aṅguttaranikāya (ṭīkā) / ೧-೧೧. ಪಾತುಭಾವಸುತ್ತಾದಿವಣ್ಣನಾ • 1-11. Pātubhāvasuttādivaṇṇanā
