| Library / Tipiṭaka / တိပိဋက • Tipiṭaka / သံယုတ္တနိကာယ • Saṃyuttanikāya |
၁၀. တဏ္ဟာသုတ္တံ
10. Taṇhāsuttaṃ
၁၇၀. ‘‘တိသ္သော ဣမာ, ဘိက္ခဝေ, တဏ္ဟာ။ ကတမာ တိသ္သော? ကာမတဏ္ဟာ, ဘဝတဏ္ဟာ, ဝိဘဝတဏ္ဟာ – ဣမာ ခော, ဘိက္ခဝေ, တိသ္သော တဏ္ဟာ။ ဣမာသံ ခော, ဘိက္ခဝေ, တိသ္သန္နံ တဏ္ဟာနံ အဘိညာယ ပရိညာယ ပရိက္ခယာယ ပဟာနာယ။ပေ.။ အယံ အရိယော အဋ္ဌင္ဂိကော မဂ္ဂော ဘာဝေတဗ္ဗော။ ကတမော အရိယော အဋ္ဌင္ဂိကော မဂ္ဂော? ဣဓ, ဘိက္ခဝေ , ဘိက္ခု သမ္မာဒိဋ္ဌိံ ဘာဝေတိ ဝိဝေကနိသ္သိတံ ဝိရာဂနိသ္သိတံ နိရောဓနိသ္သိတံ ဝောသ္သဂ္ဂပရိဏာမိံ။ပေ.။ သမ္မာသမာဓိံ ဘာဝေတိ ဝိဝေကနိသ္သိတံ ဝိရာဂနိသ္သိတံ နိရောဓနိသ္သိတံ ဝောသ္သဂ္ဂပရိဏာမိံ။ ဣမာသံ ခော, ဘိက္ခဝေ, တိသ္သန္နံ တဏ္ဟာနံ အဘိညာယ ပရိညာယ ပရိက္ခယာယ ပဟာနာယ။ပေ.။ အယံ အရိယော အဋ္ဌင္ဂိကော မဂ္ဂော ဘာဝေတဗ္ဗော’’တိ။ ဒသမံ။
170. ‘‘Tisso imā, bhikkhave, taṇhā. Katamā tisso? Kāmataṇhā, bhavataṇhā, vibhavataṇhā – imā kho, bhikkhave, tisso taṇhā. Imāsaṃ kho, bhikkhave, tissannaṃ taṇhānaṃ abhiññāya pariññāya parikkhayāya pahānāya…pe… ayaṃ ariyo aṭṭhaṅgiko maggo bhāvetabbo. Katamo ariyo aṭṭhaṅgiko maggo? Idha, bhikkhave , bhikkhu sammādiṭṭhiṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ…pe… sammāsamādhiṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ. Imāsaṃ kho, bhikkhave, tissannaṃ taṇhānaṃ abhiññāya pariññāya parikkhayāya pahānāya…pe… ayaṃ ariyo aṭṭhaṅgiko maggo bhāvetabbo’’ti. Dasamaṃ.
Related texts:
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) / ၂-၁၁. ဝိဓာသုတ္တာဒိဝဏ္ဏနာ • 2-11. Vidhāsuttādivaṇṇanā
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / သံယုတ္တနိကာယ (ဋီကာ) • Saṃyuttanikāya (ṭīkā) / ၂-၁၁. ဝိဓာသုတ္တာဒိဝဏ္ဏနာ • 2-11. Vidhāsuttādivaṇṇanā
