| Library / Tipiṭaka / တိပိဋက • Tipiṭaka / အင္ဂုတ္တရနိကာယ • Aṅguttaranikāya |
၁၁. တဏ္ဟာသုတ္တံ
11. Taṇhāsuttaṃ
၁၀၆. ‘‘တိသ္သော ဣမာ, ဘိက္ခဝေ, တဏ္ဟာ ပဟာတဗ္ဗာ, တယော စ မာနာ။ ကတမာ တိသ္သော တဏ္ဟာ ပဟာတဗ္ဗာ? ကာမတဏ္ဟာ, ဘဝတဏ္ဟာ, ဝိဘဝတဏ္ဟာ – ဣမာ တိသ္သော တဏ္ဟာ ပဟာတဗ္ဗာ။ ကတမေ တယော မာနာ ပဟာတဗ္ဗာ? မာနော, ဩမာနော, အတိမာနော – ဣမေ တယော မာနာ ပဟာတဗ္ဗာ။ ယတော ခော, ဘိက္ခဝေ, ဘိက္ခုနော ဣမာ တိသ္သော တဏ္ဟာ ပဟီနာ ဟောန္တိ, ဣမေ စ တယော မာနာ; အယံ ဝုစ္စတိ, ဘိက္ခဝေ, ဘိက္ခု အစ္ဆေစ္ဆိ တဏ္ဟံ, ဝိဝတ္တယိ သံယောဇနံ, သမ္မာ မာနာဘိသမယာ အန္တမကာသိ ဒုက္ခသ္သာ’’တိ။ ဧကာဒသမံ။
106. ‘‘Tisso imā, bhikkhave, taṇhā pahātabbā, tayo ca mānā. Katamā tisso taṇhā pahātabbā? Kāmataṇhā, bhavataṇhā, vibhavataṇhā – imā tisso taṇhā pahātabbā. Katame tayo mānā pahātabbā? Māno, omāno, atimāno – ime tayo mānā pahātabbā. Yato kho, bhikkhave, bhikkhuno imā tisso taṇhā pahīnā honti, ime ca tayo mānā; ayaṃ vuccati, bhikkhave, bhikkhu acchecchi taṇhaṃ, vivattayi saṃyojanaṃ, sammā mānābhisamayā antamakāsi dukkhassā’’ti. Ekādasamaṃ.
တသ္သုဒ္ဒာနံ –
Tassuddānaṃ –
ပာတုဘာဝော အာနိသံသော၊ အနိစ္စဒုက္ခအနတ္တတော။
Pātubhāvo ānisaṃso, aniccadukkhaanattato;
နိဗ္ဗာနံ အနဝတ္ထိ၊ ဥက္ခိတ္တာသိ အတမ္မယော။
Nibbānaṃ anavatthi, ukkhittāsi atammayo;
ဘဝာ တဏ္ဟာယေကာ ဒသာတိ။
Bhavā taṇhāyekā dasāti.
ဒုတိယပဏ္ဏာသကံ သမတ္တံ။
Dutiyapaṇṇāsakaṃ samattaṃ.
Footnotes:
Related texts:
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / အင္ဂုတ္တရနိကာယ (ဋီကာ) • Aṅguttaranikāya (ṭīkā) / ၁-၁၁. ပာတုဘာဝသုတ္တာဒိဝဏ္ဏနာ • 1-11. Pātubhāvasuttādivaṇṇanā
