| Library / Tipiṭaka / તિપિટક • Tipiṭaka / અઙ્ગુત્તરનિકાય • Aṅguttaranikāya |
૧૧. તણ્હાસુત્તં
11. Taṇhāsuttaṃ
૧૦૬. ‘‘તિસ્સો ઇમા, ભિક્ખવે, તણ્હા પહાતબ્બા, તયો ચ માના. કતમા તિસ્સો તણ્હા પહાતબ્બા? કામતણ્હા, ભવતણ્હા, વિભવતણ્હા – ઇમા તિસ્સો તણ્હા પહાતબ્બા. કતમે તયો માના પહાતબ્બા? માનો, ઓમાનો, અતિમાનો – ઇમે તયો માના પહાતબ્બા. યતો ખો, ભિક્ખવે, ભિક્ખુનો ઇમા તિસ્સો તણ્હા પહીના હોન્તિ, ઇમે ચ તયો માના; અયં વુચ્ચતિ, ભિક્ખવે, ભિક્ખુ અચ્છેચ્છિ તણ્હં, વિવત્તયિ સંયોજનં, સમ્મા માનાભિસમયા અન્તમકાસિ દુક્ખસ્સા’’તિ. એકાદસમં.
106. ‘‘Tisso imā, bhikkhave, taṇhā pahātabbā, tayo ca mānā. Katamā tisso taṇhā pahātabbā? Kāmataṇhā, bhavataṇhā, vibhavataṇhā – imā tisso taṇhā pahātabbā. Katame tayo mānā pahātabbā? Māno, omāno, atimāno – ime tayo mānā pahātabbā. Yato kho, bhikkhave, bhikkhuno imā tisso taṇhā pahīnā honti, ime ca tayo mānā; ayaṃ vuccati, bhikkhave, bhikkhu acchecchi taṇhaṃ, vivattayi saṃyojanaṃ, sammā mānābhisamayā antamakāsi dukkhassā’’ti. Ekādasamaṃ.
તસ્સુદ્દાનં –
Tassuddānaṃ –
પાતુભાવો આનિસંસો, અનિચ્ચદુક્ખઅનત્તતો;
Pātubhāvo ānisaṃso, aniccadukkhaanattato;
નિબ્બાનં અનવત્થિ, ઉક્ખિત્તાસિ અતમ્મયો;
Nibbānaṃ anavatthi, ukkhittāsi atammayo;
ભવા તણ્હાયેકા દસાતિ.
Bhavā taṇhāyekā dasāti.
દુતિયપણ્ણાસકં સમત્તં.
Dutiyapaṇṇāsakaṃ samattaṃ.
Footnotes:
Related texts:
ટીકા • Tīkā / સુત્તપિટક (ટીકા) • Suttapiṭaka (ṭīkā) / અઙ્ગુત્તરનિકાય (ટીકા) • Aṅguttaranikāya (ṭīkā) / ૧-૧૧. પાતુભાવસુત્તાદિવણ્ણના • 1-11. Pātubhāvasuttādivaṇṇanā
