| Library / Tipiṭaka / तिपिटक • Tipiṭaka / अङ्गुत्तरनिकाय • Aṅguttaranikāya |
११. तण्हासुत्तं
11. Taṇhāsuttaṃ
१०६. ‘‘तिस्सो इमा, भिक्खवे, तण्हा पहातब्बा, तयो च माना। कतमा तिस्सो तण्हा पहातब्बा? कामतण्हा, भवतण्हा, विभवतण्हा – इमा तिस्सो तण्हा पहातब्बा। कतमे तयो माना पहातब्बा? मानो, ओमानो, अतिमानो – इमे तयो माना पहातब्बा। यतो खो, भिक्खवे, भिक्खुनो इमा तिस्सो तण्हा पहीना होन्ति, इमे च तयो माना; अयं वुच्चति, भिक्खवे, भिक्खु अच्छेच्छि तण्हं, विवत्तयि संयोजनं, सम्मा मानाभिसमया अन्तमकासि दुक्खस्सा’’ति। एकादसमं।
106. ‘‘Tisso imā, bhikkhave, taṇhā pahātabbā, tayo ca mānā. Katamā tisso taṇhā pahātabbā? Kāmataṇhā, bhavataṇhā, vibhavataṇhā – imā tisso taṇhā pahātabbā. Katame tayo mānā pahātabbā? Māno, omāno, atimāno – ime tayo mānā pahātabbā. Yato kho, bhikkhave, bhikkhuno imā tisso taṇhā pahīnā honti, ime ca tayo mānā; ayaṃ vuccati, bhikkhave, bhikkhu acchecchi taṇhaṃ, vivattayi saṃyojanaṃ, sammā mānābhisamayā antamakāsi dukkhassā’’ti. Ekādasamaṃ.
तस्सुद्दानं –
Tassuddānaṃ –
पातुभावो आनिसंसो, अनिच्चदुक्खअनत्ततो।
Pātubhāvo ānisaṃso, aniccadukkhaanattato;
निब्बानं अनवत्थि, उक्खित्तासि अतम्मयो।
Nibbānaṃ anavatthi, ukkhittāsi atammayo;
भवा तण्हायेका दसाति॥
Bhavā taṇhāyekā dasāti.
दुतियपण्णासकं समत्तं।
Dutiyapaṇṇāsakaṃ samattaṃ.
Footnotes:
Related texts:
टीका • Tīkā / सुत्तपिटक (टीका) • Suttapiṭaka (ṭīkā) / अङ्गुत्तरनिकाय (टीका) • Aṅguttaranikāya (ṭīkā) / १-११. पातुभावसुत्तादिवण्णना • 1-11. Pātubhāvasuttādivaṇṇanā
