| Library / Tipiṭaka / ཏིཔིཊཀ • Tipiṭaka / སཾཡུཏྟནིཀཱཡ • Saṃyuttanikāya |
༧. ཏཎྷཀྑཡསུཏྟཾ
7. Taṇhakkhayasuttaṃ
༩༠༥. སཱཝཏྠིནིདཱནཾ ། ཏཏྲ ཁོ ཨཱཡསྨཱ ཨནུརུདྡྷོ བྷིཀྑཱུ ཨཱམནྟེསི – ‘‘ཨཱཝུསོ བྷིཀྑཝོ’’ཏི། ‘‘ཨཱཝུསོ’’ཏི ཁོ ཏེ བྷིཀྑཱུ ཨཱཡསྨཏོ ཨནུརུདྡྷསྶ པཙྩསྶོསུཾ། ཨཱཡསྨཱ ཨནུརུདྡྷོ ཨེཏདཝོཙ –
905. Sāvatthinidānaṃ . Tatra kho āyasmā anuruddho bhikkhū āmantesi – ‘‘āvuso bhikkhavo’’ti. ‘‘Āvuso’’ti kho te bhikkhū āyasmato anuruddhassa paccassosuṃ. Āyasmā anuruddho etadavoca –
‘‘ཙཏྟཱརོམེ , ཨཱཝུསོ, སཏིཔཊྛཱནཱ བྷཱཝིཏཱ བཧུལཱིཀཏཱ ཏཎྷཀྑཡཱཡ སཾཝཏྟནྟི། ཀཏམེ ཙཏྟཱརོ? ཨིདྷཱཝུསོ, བྷིཀྑུ ཀཱཡེ ཀཱཡཱནུཔསྶཱི ཝིཧརཏི…པེ॰… ཝེདནཱསུ…པེ॰… ཙིཏྟེ…པེ॰… དྷམྨེསུ དྷམྨཱནུཔསྶཱི ཝིཧརཏི ཨཱཏཱཔཱི སམྤཛཱནོ སཏིམཱ, ཝིནེཡྻ ལོཀེ ཨབྷིཛ྄ཛྷཱདོམནསྶཾ – ཨིམེ ཁོ, ཨཱཝུསོ, ཙཏྟཱརོ སཏིཔཊྛཱནཱ བྷཱཝིཏཱ བཧུལཱིཀཏཱ ཏཎྷཀྑཡཱཡ སཾཝཏྟནྟཱི’’ཏི། སཏྟམཾ།
‘‘Cattārome , āvuso, satipaṭṭhānā bhāvitā bahulīkatā taṇhakkhayāya saṃvattanti. Katame cattāro? Idhāvuso, bhikkhu kāye kāyānupassī viharati…pe… vedanāsu…pe… citte…pe… dhammesu dhammānupassī viharati ātāpī sampajāno satimā, vineyya loke abhijjhādomanassaṃ – ime kho, āvuso, cattāro satipaṭṭhānā bhāvitā bahulīkatā taṇhakkhayāya saṃvattantī’’ti. Sattamaṃ.
Related texts:
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / སཾཡུཏྟནིཀཱཡ (ཨཊྛཀཐཱ) • Saṃyuttanikāya (aṭṭhakathā) / ༤-༧. པཋམཀཎྜཀཱིསུཏྟཱདིཝཎྞནཱ • 4-7. Paṭhamakaṇḍakīsuttādivaṇṇanā
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / སཾཡུཏྟནིཀཱཡ (ཊཱིཀཱ) • Saṃyuttanikāya (ṭīkā) / ༤-༧. པཋམཀཎྜཀཱིསུཏྟཱདིཝཎྞནཱ • 4-7. Paṭhamakaṇḍakīsuttādivaṇṇanā
