| Library / Tipiṭaka / តិបិដក • Tipiṭaka / សំយុត្តនិកាយ • Saṃyuttanikāya |
៧. តណ្ហក្ខយសុត្តំ
7. Taṇhakkhayasuttaṃ
៩០៥. សាវត្ថិនិទានំ ។ តត្រ ខោ អាយស្មា អនុរុទ្ធោ ភិក្ខូ អាមន្តេសិ – ‘‘អាវុសោ ភិក្ខវោ’’តិ។ ‘‘អាវុសោ’’តិ ខោ តេ ភិក្ខូ អាយស្មតោ អនុរុទ្ធស្ស បច្ចស្សោសុំ។ អាយស្មា អនុរុទ្ធោ ឯតទវោច –
905. Sāvatthinidānaṃ . Tatra kho āyasmā anuruddho bhikkhū āmantesi – ‘‘āvuso bhikkhavo’’ti. ‘‘Āvuso’’ti kho te bhikkhū āyasmato anuruddhassa paccassosuṃ. Āyasmā anuruddho etadavoca –
‘‘ចត្តារោមេ , អាវុសោ, សតិបដ្ឋានា ភាវិតា ពហុលីកតា តណ្ហក្ខយាយ សំវត្តន្តិ។ កតមេ ចត្តារោ? ឥធាវុសោ, ភិក្ខុ កាយេ កាយានុបស្សី វិហរតិ…បេ.… វេទនាសុ…បេ.… ចិត្តេ…បេ.… ធម្មេសុ ធម្មានុបស្សី វិហរតិ អាតាបី សម្បជានោ សតិមា, វិនេយ្យ លោកេ អភិជ្ឈាទោមនស្សំ – ឥមេ ខោ, អាវុសោ, ចត្តារោ សតិបដ្ឋានា ភាវិតា ពហុលីកតា តណ្ហក្ខយាយ សំវត្តន្តី’’តិ។ សត្តមំ។
‘‘Cattārome , āvuso, satipaṭṭhānā bhāvitā bahulīkatā taṇhakkhayāya saṃvattanti. Katame cattāro? Idhāvuso, bhikkhu kāye kāyānupassī viharati…pe… vedanāsu…pe… citte…pe… dhammesu dhammānupassī viharati ātāpī sampajāno satimā, vineyya loke abhijjhādomanassaṃ – ime kho, āvuso, cattāro satipaṭṭhānā bhāvitā bahulīkatā taṇhakkhayāya saṃvattantī’’ti. Sattamaṃ.
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / សំយុត្តនិកាយ (អដ្ឋកថា) • Saṃyuttanikāya (aṭṭhakathā) / ៤-៧. បឋមកណ្ឌកីសុត្តាទិវណ្ណនា • 4-7. Paṭhamakaṇḍakīsuttādivaṇṇanā
ដីកា • Tīkā / សុត្តបិដក (ដីកា) • Suttapiṭaka (ṭīkā) / សំយុត្តនិកាយ (ដីកា) • Saṃyuttanikāya (ṭīkā) / ៤-៧. បឋមកណ្ឌកីសុត្តាទិវណ្ណនា • 4-7. Paṭhamakaṇḍakīsuttādivaṇṇanā
