| Library / Tipiṭaka / ติปิฎก • Tipiṭaka / อปทานปาฬิ • Apadānapāḷi |
๒๐. ตมาลปุปฺผิยวโคฺค
20. Tamālapupphiyavaggo
๑. ตมาลปุปฺผิยเตฺถรอปทานํ
1. Tamālapupphiyattheraapadānaṃ
๑.
1.
‘‘จุลฺลาสีติสหสฺสานิ , ถมฺภา โสวณฺณยา อหู;
‘‘Cullāsītisahassāni , thambhā sovaṇṇayā ahū;
เทวลฎฺฐิปฎิภาคํ, วิมานํ เม สุนิมฺมิตํฯ
Devalaṭṭhipaṭibhāgaṃ, vimānaṃ me sunimmitaṃ.
๒.
2.
‘‘ตมาลปุปฺผํ ปคฺคยฺห, วิปฺปสเนฺนน เจตสา;
‘‘Tamālapupphaṃ paggayha, vippasannena cetasā;
พุทฺธสฺส อภิโรปยิํ, สิขิโน โลกพนฺธุโนฯ
Buddhassa abhiropayiṃ, sikhino lokabandhuno.
๓.
3.
‘‘เอกตฺติํเส อิโต กเปฺป, ยํ กมฺมมกริํ ตทา;
‘‘Ekattiṃse ito kappe, yaṃ kammamakariṃ tadā;
ทุคฺคติํ นาภิชานามิ, พุทฺธปูชายิทํ ผลํฯ
Duggatiṃ nābhijānāmi, buddhapūjāyidaṃ phalaṃ.
๔.
4.
‘‘อิโต วีสติเม กเปฺป, จนฺทติโตฺตติ เอกโก;
‘‘Ito vīsatime kappe, candatittoti ekako;
สตฺตรตนสมฺปโนฺน, จกฺกวตฺตี มหพฺพโลฯ
Sattaratanasampanno, cakkavattī mahabbalo.
๕.
5.
‘‘ปฎิสมฺภิทา จตโสฺส, วิโมกฺขาปิ จ อฎฺฐิเม;
‘‘Paṭisambhidā catasso, vimokkhāpi ca aṭṭhime;
ฉฬภิญฺญา สจฺฉิกตา, กตํ พุทฺธสฺส สาสนํ’’ฯ
Chaḷabhiññā sacchikatā, kataṃ buddhassa sāsanaṃ’’.
อิตฺถํ สุทํ อายสฺมา ตมาลปุปฺผิโย เถโร อิมา คาถาโย อภาสิตฺถาติฯ
Itthaṃ sudaṃ āyasmā tamālapupphiyo thero imā gāthāyo abhāsitthāti.
ตมาลปุปฺผิยเตฺถรสฺสาปทานํ ปฐมํฯ
Tamālapupphiyattherassāpadānaṃ paṭhamaṃ.
