| Library / Tipiṭaka / ཏིཔིཊཀ • Tipiṭaka / ཀངྑཱཝིཏརཎཱི-ཨབྷིནཝ-ཊཱིཀཱ • Kaṅkhāvitaraṇī-abhinava-ṭīkā |
༥. ཏལསཏྟིཀསིཀྑཱཔདཝཎྞནཱ
5. Talasattikasikkhāpadavaṇṇanā
ཏལསཏྟིཀནྟི ཏལམེཝ ཏལསཏྟིཀཾ། ‘‘པོཐནསམཏྠཊྛེན སཏྟིཀ’’ནྟི (ཝཛིར॰ ཊཱི॰ པཱཙིཏྟིཡ ༤༥༦) ཨེཀེ། ཨུཙྩཱརེཡྻཱཏི ཨུཀྑིཔེཡྻ། ནཔཧརིཏུཀཱམཏཱཡ དིནྣཏྟཱ དུཀྐཊནྟི ཨེཏྠ པཧརིཏུཀཱམཏཱཡ པཧརིཏེ པུརིམསིཀྑཱཔདེན པཱཙིཏྟིཡཾ། ཨུཙྩཱརེཏུཀཱམཏཱཡ ཀེཝལཾ ཨུགྒིརཎམཏྟེ ཀཏེ ཨིམིནཱ པཱཙིཏྟིཡཾ། ཨིམིནཱ པན ཝིརཛ྄ཛྷིཏྭཱ པཧཱརོ དིནྣོ, ཏསྨཱ དུཀྐཊཾ། ཨེཏྠ པན ‘‘ཏིརཙྪཱནགཏཱདཱིནཾ ཨསུཙིཀརཎཱདཱིནི དིསྭཱ ཀུཛ྄ཛྷིཏྭཱཔི ཨུགྒིརནྟསྶ མོཀྑཱདྷིཔྤཱཡོཡེཝཱ’’ཏི (སཱརཏྠ॰ ཊཱི॰ པཱཙིཏྟིཡ ༣.༤༧༡) ཝདནྟི།
Talasattikanti talameva talasattikaṃ. ‘‘Pothanasamatthaṭṭhena sattika’’nti (vajira. ṭī. pācittiya 456) eke. Uccāreyyāti ukkhipeyya. Napaharitukāmatāya dinnattā dukkaṭanti ettha paharitukāmatāya paharite purimasikkhāpadena pācittiyaṃ. Uccāretukāmatāya kevalaṃ uggiraṇamatte kate iminā pācittiyaṃ. Iminā pana virajjhitvā pahāro dinno, tasmā dukkaṭaṃ. Ettha pana ‘‘tiracchānagatādīnaṃ asucikaraṇādīni disvā kujjhitvāpi uggirantassa mokkhādhippāyoyevā’’ti (sārattha. ṭī. pācittiya 3.471) vadanti.
ཏལསཏྟིཀསིཀྑཱཔདཝཎྞནཱ ནིཊྛིཏཱ།
Talasattikasikkhāpadavaṇṇanā niṭṭhitā.
