| Library / Tipiṭaka / တိပိဋက • Tipiṭaka / မဟာဝိဘင္ဂ-အဋ္ဌကထာ • Mahāvibhaṅga-aṭṭhakathā |
၅. တလသတ္တိကသိက္ခာပဒဝဏ္ဏနာ
5. Talasattikasikkhāpadavaṇṇanā
၄၅၄. ပဉ္စမေ – တလသတ္တိကံ ဥဂ္ဂိရန္တီတိ ပဟာရဒာနာကာရံ ဒသ္သေတ္ဝာ ကာယမ္ပိ ကာယပဋိဗဒ္ဓမ္ပိ ဥစ္စာရေန္တိ။ တေ ပဟာရသမုစ္စိတာ ရောဒန္တီတိ တေ ပဟာရပရိစိတာ ပုဗ္ဗေပိ လဒ္ဓပဟာရတ္တာ ဣဒာနိ စ ပဟာရံ ဒသ္သန္တီတိ မညမာနာ ရောဒန္တီတိ အတ္ထော။ ‘‘ပဟာရသ္သ မုစ္စိတာ’’တိပိ သဇ္ဈာယန္တိ, တတ္ထ ‘‘ပဟာရသ္သ ဘီတာ’’တိ အတ္ထော။
454. Pañcame – talasattikaṃ uggirantīti pahāradānākāraṃ dassetvā kāyampi kāyapaṭibaddhampi uccārenti. Te pahārasamuccitā rodantīti te pahāraparicitā pubbepi laddhapahārattā idāni ca pahāraṃ dassantīti maññamānā rodantīti attho. ‘‘Pahārassa muccitā’’tipi sajjhāyanti, tattha ‘‘pahārassa bhītā’’ti attho.
၄၅၇. ဥဂ္ဂိရတိ အာပတ္တိ ပာစိတ္တိယသ္သာတိ ဧတ္ထ သစေ ဥဂ္ဂိရိတ္ဝာ ဝိရဒ္ဓော ပဟာရံ ဒေတိ, အဝသ္သံ ဓာရေတုံ အသက္ကောန္တသ္သ ပဟာရော သဟသာ ပတတိ, န ပဟရိတုကာမတာယ ဒိန္နတ္တာ ဒုက္ကဋံ။ တေန ပဟာရေန ဟတ္ထာဒီသု ယံကိဉ္စိ ဘိဇ္ဇတိ, ဒုက္ကဋမေဝ။
457.Uggirati āpatti pācittiyassāti ettha sace uggiritvā viraddho pahāraṃ deti, avassaṃ dhāretuṃ asakkontassa pahāro sahasā patati, na paharitukāmatāya dinnattā dukkaṭaṃ. Tena pahārena hatthādīsu yaṃkiñci bhijjati, dukkaṭameva.
၄၅၈. မောက္ခာဓိပ္ပာယော တလသတ္တိကံ ဥဂ္ဂိရတီတိ ဧတ္ထ ပုဗ္ဗေ ဝုတ္တေသု ဝတ္ထူသု ပုရိမနယေနေဝ တလသတ္တိကံ ဥဂ္ဂိရန္တသ္သ အနာပတ္တိ။ သစေပိ ဝိရဇ္ဈိတ္ဝာ ပဟာရံ ဒေတိ, အနာပတ္တိယေဝ။ သေသံ ပုရိမသဒိသမေဝ သဒ္ဓိံ သမုဋ္ဌာနာဒီဟီတိ။
458.Mokkhādhippāyo talasattikaṃ uggiratīti ettha pubbe vuttesu vatthūsu purimanayeneva talasattikaṃ uggirantassa anāpatti. Sacepi virajjhitvā pahāraṃ deti, anāpattiyeva. Sesaṃ purimasadisameva saddhiṃ samuṭṭhānādīhīti.
တလသတ္တိကသိက္ခာပဒံ ပဉ္စမံ။
Talasattikasikkhāpadaṃ pañcamaṃ.
Related texts:
တိပိဋက (မူလ) • Tipiṭaka (Mūla) / ဝိနယပိဋက • Vinayapiṭaka / မဟာဝိဘင္ဂ • Mahāvibhaṅga / ၈. သဟဓမ္မိကဝဂ္ဂော • 8. Sahadhammikavaggo
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / သာရတ္ထဒီပနီ-ဋီကာ • Sāratthadīpanī-ṭīkā / ၅. တလသတ္တိကသိက္ခာပဒဝဏ္ဏနာ • 5. Talasattikasikkhāpadavaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝိမတိဝိနောဒနီ-ဋီကာ • Vimativinodanī-ṭīkā / ၅. တလသတ္တိကသိက္ခာပဒဝဏ္ဏနာ • 5. Talasattikasikkhāpadavaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ပာစိတ္ယာဒိယောဇနာပာဠိ • Pācityādiyojanāpāḷi / ၅. တလသတ္တိကသိက္ခာပဒံ • 5. Talasattikasikkhāpadaṃ
