| Library / Tipiṭaka / ติปิฎก • Tipiṭaka / กงฺขาวิตรณี-อภินว-ฎีกา • Kaṅkhāvitaraṇī-abhinava-ṭīkā |
๕. ตลสตฺติกสิกฺขาปทวณฺณนา
5. Talasattikasikkhāpadavaṇṇanā
ตลสตฺติกนฺติ ตลเมว ตลสตฺติกํฯ ‘‘โปถนสมตฺถเฎฺฐน สตฺติก’’นฺติ (วชิร. ฎี. ปาจิตฺติย ๔๕๖) เอเกฯ อุจฺจาเรยฺยาติ อุกฺขิเปยฺยฯ นปหริตุกามตาย ทินฺนตฺตา ทุกฺกฎนฺติ เอตฺถ ปหริตุกามตาย ปหริเต ปุริมสิกฺขาปเทน ปาจิตฺติยํฯ อุจฺจาเรตุกามตาย เกวลํ อุคฺคิรณมเตฺต กเต อิมินา ปาจิตฺติยํฯ อิมินา ปน วิรชฺฌิตฺวา ปหาโร ทิโนฺน, ตสฺมา ทุกฺกฎํฯ เอตฺถ ปน ‘‘ติรจฺฉานคตาทีนํ อสุจิกรณาทีนิ ทิสฺวา กุชฺฌิตฺวาปิ อุคฺคิรนฺตสฺส โมกฺขาธิปฺปาโยเยวา’’ติ (สารตฺถ. ฎี. ปาจิตฺติย ๓.๔๗๑) วทนฺติฯ
Talasattikanti talameva talasattikaṃ. ‘‘Pothanasamatthaṭṭhena sattika’’nti (vajira. ṭī. pācittiya 456) eke. Uccāreyyāti ukkhipeyya. Napaharitukāmatāya dinnattā dukkaṭanti ettha paharitukāmatāya paharite purimasikkhāpadena pācittiyaṃ. Uccāretukāmatāya kevalaṃ uggiraṇamatte kate iminā pācittiyaṃ. Iminā pana virajjhitvā pahāro dinno, tasmā dukkaṭaṃ. Ettha pana ‘‘tiracchānagatādīnaṃ asucikaraṇādīni disvā kujjhitvāpi uggirantassa mokkhādhippāyoyevā’’ti (sārattha. ṭī. pācittiya 3.471) vadanti.
ตลสตฺติกสิกฺขาปทวณฺณนา นิฎฺฐิตาฯ
Talasattikasikkhāpadavaṇṇanā niṭṭhitā.
