| Library / Tipiṭaka / తిపిటక • Tipiṭaka / కఙ్ఖావితరణీ-అభినవ-టీకా • Kaṅkhāvitaraṇī-abhinava-ṭīkā |
౫. తలసత్తికసిక్ఖాపదవణ్ణనా
5. Talasattikasikkhāpadavaṇṇanā
తలసత్తికన్తి తలమేవ తలసత్తికం. ‘‘పోథనసమత్థట్ఠేన సత్తిక’’న్తి (వజిర॰ టీ॰ పాచిత్తియ ౪౫౬) ఏకే. ఉచ్చారేయ్యాతి ఉక్ఖిపేయ్య. నపహరితుకామతాయ దిన్నత్తా దుక్కటన్తి ఏత్థ పహరితుకామతాయ పహరితే పురిమసిక్ఖాపదేన పాచిత్తియం. ఉచ్చారేతుకామతాయ కేవలం ఉగ్గిరణమత్తే కతే ఇమినా పాచిత్తియం. ఇమినా పన విరజ్ఝిత్వా పహారో దిన్నో, తస్మా దుక్కటం. ఏత్థ పన ‘‘తిరచ్ఛానగతాదీనం అసుచికరణాదీని దిస్వా కుజ్ఝిత్వాపి ఉగ్గిరన్తస్స మోక్ఖాధిప్పాయోయేవా’’తి (సారత్థ॰ టీ॰ పాచిత్తియ ౩.౪౭౧) వదన్తి.
Talasattikanti talameva talasattikaṃ. ‘‘Pothanasamatthaṭṭhena sattika’’nti (vajira. ṭī. pācittiya 456) eke. Uccāreyyāti ukkhipeyya. Napaharitukāmatāya dinnattā dukkaṭanti ettha paharitukāmatāya paharite purimasikkhāpadena pācittiyaṃ. Uccāretukāmatāya kevalaṃ uggiraṇamatte kate iminā pācittiyaṃ. Iminā pana virajjhitvā pahāro dinno, tasmā dukkaṭaṃ. Ettha pana ‘‘tiracchānagatādīnaṃ asucikaraṇādīni disvā kujjhitvāpi uggirantassa mokkhādhippāyoyevā’’ti (sārattha. ṭī. pācittiya 3.471) vadanti.
తలసత్తికసిక్ఖాపదవణ్ణనా నిట్ఠితా.
Talasattikasikkhāpadavaṇṇanā niṭṭhitā.
