| Library / Tipiṭaka / তিপিটক • Tipiṭaka / কঙ্খাৰিতরণী-অভিনৰ-টীকা • Kaṅkhāvitaraṇī-abhinava-ṭīkā |
৫. তলসত্তিকসিক্খাপদৰণ্ণনা
5. Talasattikasikkhāpadavaṇṇanā
তলসত্তিকন্তি তলমেৰ তলসত্তিকং। ‘‘পোথনসমত্থট্ঠেন সত্তিক’’ন্তি (ৰজির॰ টী॰ পাচিত্তিয ৪৫৬) একে। উচ্চারেয্যাতি উক্খিপেয্য। নপহরিতুকামতায দিন্নত্তা দুক্কটন্তি এত্থ পহরিতুকামতায পহরিতে পুরিমসিক্খাপদেন পাচিত্তিযং। উচ্চারেতুকামতায কেৰলং উগ্গিরণমত্তে কতে ইমিনা পাচিত্তিযং। ইমিনা পন ৰিরজ্ঝিত্ৰা পহারো দিন্নো, তস্মা দুক্কটং। এত্থ পন ‘‘তিরচ্ছানগতাদীনং অসুচিকরণাদীনি দিস্ৰা কুজ্ঝিত্ৰাপি উগ্গিরন্তস্স মোক্খাধিপ্পাযোযেৰা’’তি (সারত্থ॰ টী॰ পাচিত্তিয ৩.৪৭১) ৰদন্তি।
Talasattikanti talameva talasattikaṃ. ‘‘Pothanasamatthaṭṭhena sattika’’nti (vajira. ṭī. pācittiya 456) eke. Uccāreyyāti ukkhipeyya. Napaharitukāmatāya dinnattā dukkaṭanti ettha paharitukāmatāya paharite purimasikkhāpadena pācittiyaṃ. Uccāretukāmatāya kevalaṃ uggiraṇamatte kate iminā pācittiyaṃ. Iminā pana virajjhitvā pahāro dinno, tasmā dukkaṭaṃ. Ettha pana ‘‘tiracchānagatādīnaṃ asucikaraṇādīni disvā kujjhitvāpi uggirantassa mokkhādhippāyoyevā’’ti (sārattha. ṭī. pācittiya 3.471) vadanti.
তলসত্তিকসিক্খাপদৰণ্ণনা নিট্ঠিতা।
Talasattikasikkhāpadavaṇṇanā niṭṭhitā.
