| Library / Tipiṭaka / ਤਿਪਿਟਕ • Tipiṭaka / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi |
੫. ਤਲਸਤ੍ਤਿਕਸਿਕ੍ਖਾਪਦਂ
5. Talasattikasikkhāpadaṃ
੪੫੪. ਪਞ੍ਚਮੇ ਤਲਨ੍ਤਿ ਹਤ੍ਥਤਲਂ। ਤਞ੍ਹਿ ਤਲਤਿ ਯਂਕਿਞ੍ਚਿ ਗਹਿਤવਤ੍ਥੁ ਪਤਿਟ੍ਠਾਤਿ ਏਤ੍ਥਾਤਿ ‘‘ਤਲ’’ਨ੍ਤਿ વੁਚ੍ਚਤਿ। ਸਤ੍ਤੀਤਿ ਕੁਨ੍ਤੋ। ਸੋ ਹਿ ਸਕਤਿ વਿਜ੍ਝਿਤੁਂ ਸਮਤ੍ਥੇਤੀਤਿ ‘‘ਸਤ੍ਤੀ’’ਤਿ વੁਚ੍ਚਤਿ। ਤਲਮੇવ ਸਤ੍ਤਿਸਦਿਸਤ੍ਤਾ ਤਲਸਤ੍ਤਿਕਂ, ਸਦਿਸਤ੍ਥੇ ਕੋ, ਤਂ ਤਲਸਤ੍ਤਿਕਂ ਉਪਚਾਰੇਨ ਗਹੇਤ੍વਾ ‘‘ਕਾਯਮ੍ਪੀ’’ਤਿ વੁਤ੍ਤਂ। ਕਾਯਤੋ ਅਞ੍ਞਂ વਤ੍ਥੁਮ੍ਪਿ ਤਲਸਤ੍ਤਿਕਸਙ੍ਖਾਤੇਨ ਕਾਯੇਨ ਗਹੇਤ੍વਾ ਉਗ੍ਗਿਰਤ੍ਤਾ વੁਤ੍ਤਂ ‘‘ਕਾਯਪਟਿਬਦ੍ਧਮ੍ਪੀ’’ਤਿ। ‘‘ਪਹਾਰਸਮੁਚ੍ਚਿਤਾ’’ਤਿ ਏਤ੍ਥ ਸਂਪੁਬ੍ਬੋ ਚ ਉਪੁਬ੍ਬੋ ਚ ਚਿਸਦ੍ਦੋ ਪਗੁਣਨਸਙ੍ਖਾਤੇ ਪਰਿਚਿਤੇ વਤ੍ਤਤੀਤਿ ਆਹ ‘‘ਪਹਾਰਪਰਿਚਿਤਾ’’ਤਿ। ਪਹਾਰੇਨ ਸਂ ਪੁਨਪ੍ਪੁਨਂ ਉਚ੍ਚਿਤਾ ਪਰਿਚਿਤਾਤਿ ਅਤ੍ਥੋ। ਇਮਮੇવਤ੍ਥਂ ਸਨ੍ਧਾਯ વੁਤ੍ਤਂ ‘‘ਪੁਬ੍ਬੇਪਿ…ਪੇ॰… ਅਤ੍ਥੋ’’ਤਿ। ਅਞ੍ਞਮ੍ਪਿ ਸਜ੍ਝਾਯਨਨਯਂ ਦਸ੍ਸੇਤੁਂ વੁਤ੍ਤਂ ‘‘ਪਹਾਰਸ੍ਸ ਉਬ੍ਬਿਗਾ’’ਤਿ। ਤਸ੍ਸਾਤਿ ਤਸ੍ਸ ਪਾਠਸ੍ਸ। ਪਹਾਰਸ੍ਸਾਤਿ ਪਹਾਰਤੋ। ਨਿਸ੍ਸਕ੍ਕਤ੍ਥੇ ਚੇਤਂ ਸਾਮਿવਚਨਂ। ‘‘ਭੀਤਾ’’ਤਿ ਇਮਿਨਾ ‘‘ਉਬ੍ਬਿਗਾ’’ਤਿ ਏਤ੍ਥ ਉਪੁਬ੍ਬ વਿਜਧਾਤੁਸ੍ਸਤ੍ਥਂ ਦਸ੍ਸੇਤਿ।
454. Pañcame talanti hatthatalaṃ. Tañhi talati yaṃkiñci gahitavatthu patiṭṭhāti etthāti ‘‘tala’’nti vuccati. Sattīti kunto. So hi sakati vijjhituṃ samatthetīti ‘‘sattī’’ti vuccati. Talameva sattisadisattā talasattikaṃ, sadisatthe ko, taṃ talasattikaṃ upacārena gahetvā ‘‘kāyampī’’ti vuttaṃ. Kāyato aññaṃ vatthumpi talasattikasaṅkhātena kāyena gahetvā uggirattā vuttaṃ ‘‘kāyapaṭibaddhampī’’ti. ‘‘Pahārasamuccitā’’ti ettha saṃpubbo ca upubbo ca cisaddo paguṇanasaṅkhāte paricite vattatīti āha ‘‘pahāraparicitā’’ti. Pahārena saṃ punappunaṃ uccitā paricitāti attho. Imamevatthaṃ sandhāya vuttaṃ ‘‘pubbepi…pe… attho’’ti. Aññampi sajjhāyananayaṃ dassetuṃ vuttaṃ ‘‘pahārassa ubbigā’’ti. Tassāti tassa pāṭhassa. Pahārassāti pahārato. Nissakkatthe cetaṃ sāmivacanaṃ. ‘‘Bhītā’’ti iminā ‘‘ubbigā’’ti ettha upubba vijadhātussatthaṃ dasseti.
੪੫੭-੮. વਿਰਦ੍ਧੋਤਿ ਪਣ੍ਣਕੋ ਹੁਤ੍વਾ। ਪੁਬ੍ਬੇਤਿ ਪੁਰਿਮਸਿਕ੍ਖਾਪਦੇ। વੁਤ੍ਤੇਸੁ વਤ੍ਥੂਸੂਤਿ ‘‘ਚੋਰਂ વਾ ਪਚ੍ਚਤ੍ਥੀਕਂ વਾ’’ਤਿਆਦਿਨਾ વੁਤ੍ਤੇਸੁ વਤ੍ਥੂਸੂਤਿ। ਪਞ੍ਚਮਂ।
457-8.Viraddhoti paṇṇako hutvā. Pubbeti purimasikkhāpade. Vuttesu vatthūsūti ‘‘coraṃ vā paccatthīkaṃ vā’’tiādinā vuttesu vatthūsūti. Pañcamaṃ.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਮਹਾવਿਭਙ੍ਗ • Mahāvibhaṅga / ੮. ਸਹਧਮ੍ਮਿਕવਗ੍ਗੋ • 8. Sahadhammikavaggo
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਮਹਾવਿਭਙ੍ਗ-ਅਟ੍ਠਕਥਾ • Mahāvibhaṅga-aṭṭhakathā / ੫. ਤਲਸਤ੍ਤਿਕਸਿਕ੍ਖਾਪਦવਣ੍ਣਨਾ • 5. Talasattikasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ੫. ਤਲਸਤ੍ਤਿਕਸਿਕ੍ਖਾਪਦવਣ੍ਣਨਾ • 5. Talasattikasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ੫. ਤਲਸਤ੍ਤਿਕਸਿਕ੍ਖਾਪਦવਣ੍ਣਨਾ • 5. Talasattikasikkhāpadavaṇṇanā
