| Library / Tipiṭaka / ਤਿਪਿਟਕ • Tipiṭaka / ਮਹਾવਗ੍ਗਪਾਲ਼ਿ • Mahāvaggapāḷi |
੨੫੬. ਤਜ੍ਜਨੀਯਕਮ੍ਮવਿવਾਦਕਥਾ
256. Tajjanīyakammavivādakathā
੪੨੯. ਇਧ ਪਨ, ਭਿਕ੍ਖવੇ, ਭਿਕ੍ਖੁ ਭਣ੍ਡਨਕਾਰਕੋ ਹੋਤਿ ਕਲਹਕਾਰਕੋ વਿવਾਦਕਾਰਕੋ ਭਸ੍ਸਕਾਰਕੋ ਸਙ੍ਘੇ ਅਧਿਕਰਣਕਾਰਕੋ। ਤਤ੍ਰ ਚੇ ਭਿਕ੍ਖੂਨਂ ਏવਂ ਹੋਤਿ – ‘‘ਅਯਂ ਖੋ, ਆવੁਸੋ, ਭਿਕ੍ਖੁ ਭਣ੍ਡਨਕਾਰਕੋ…ਪੇ॰… ਸਙ੍ਘੇ ਅਧਿਕਰਣਕਾਰਕੋ। ਹਨ੍ਦਸ੍ਸ ਮਯਂ ਤਜ੍ਜਨੀਯਕਮ੍ਮਂ ਕਰੋਮਾ’’ਤਿ । ਤੇ ਤਸ੍ਸ ਤਜ੍ਜਨੀਯਕਮ੍ਮਂ ਕਰੋਨ੍ਤਿ – ਅਧਮ੍ਮੇਨ વਗ੍ਗਾ। ਤਤ੍ਰਟ੍ਠੋ ਸਙ੍ਘੋ વਿવਦਤਿ – ‘‘ਅਧਮ੍ਮੇਨ વਗ੍ਗਕਮ੍ਮਂ, ਅਧਮ੍ਮੇਨ ਸਮਗ੍ਗਕਮ੍ਮਂ, ਧਮ੍ਮੇਨ વਗ੍ਗਕਮ੍ਮਂ, ਧਮ੍ਮਪਤਿਰੂਪਕੇਨ વਗ੍ਗਕਮ੍ਮਂ, ਧਮ੍ਮਪਤਿਰੂਪਕੇਨ ਸਮਗ੍ਗਕਮ੍ਮਂ, ਅਕਤਂ ਕਮ੍ਮਂ ਦੁਕ੍ਕਟਂ ਕਮ੍ਮਂ ਪੁਨ ਕਾਤਬ੍ਬਂ ਕਮ੍ਮ’’ਨ੍ਤਿ। ਤਤ੍ਰ, ਭਿਕ੍ਖવੇ, ਯੇ ਤੇ ਭਿਕ੍ਖੂ ਏવਮਾਹਂਸੁ – ‘‘ਅਧਮ੍ਮੇਨ વਗ੍ਗਕਮ੍ਮ’’ਨ੍ਤਿ, ਯੇ ਚ ਤੇ ਭਿਕ੍ਖੂ ਏવਮਾਹਂਸੁ – ‘‘ਅਕਤਂ ਕਮ੍ਮਂ ਦੁਕ੍ਕਟਂ ਕਮ੍ਮਂ ਪੁਨ ਕਾਤਬ੍ਬਂ ਕਮ੍ਮ’’ਨ੍ਤਿ, ਇਮੇ ਤਤ੍ਥ ਭਿਕ੍ਖੂ ਧਮ੍ਮવਾਦਿਨੋ।
429. Idha pana, bhikkhave, bhikkhu bhaṇḍanakārako hoti kalahakārako vivādakārako bhassakārako saṅghe adhikaraṇakārako. Tatra ce bhikkhūnaṃ evaṃ hoti – ‘‘ayaṃ kho, āvuso, bhikkhu bhaṇḍanakārako…pe… saṅghe adhikaraṇakārako. Handassa mayaṃ tajjanīyakammaṃ karomā’’ti . Te tassa tajjanīyakammaṃ karonti – adhammena vaggā. Tatraṭṭho saṅgho vivadati – ‘‘adhammena vaggakammaṃ, adhammena samaggakammaṃ, dhammena vaggakammaṃ, dhammapatirūpakena vaggakammaṃ, dhammapatirūpakena samaggakammaṃ, akataṃ kammaṃ dukkaṭaṃ kammaṃ puna kātabbaṃ kamma’’nti. Tatra, bhikkhave, ye te bhikkhū evamāhaṃsu – ‘‘adhammena vaggakamma’’nti, ye ca te bhikkhū evamāhaṃsu – ‘‘akataṃ kammaṃ dukkaṭaṃ kammaṃ puna kātabbaṃ kamma’’nti, ime tattha bhikkhū dhammavādino.
੪੩੦. ਇਧ ਪਨ, ਭਿਕ੍ਖવੇ, ਭਿਕ੍ਖੁ ਭਣ੍ਡਨਕਾਰਕੋ ਹੋਤਿ…ਪੇ॰… ਸਙ੍ਘੇ ਅਧਿਕਰਣਕਾਰਕੋ। ਤਤ੍ਰ ਚੇ ਭਿਕ੍ਖੂਨਂ ਏવਂ ਹੋਤਿ – ‘‘ਅਯਂ ਖੋ, ਆવੁਸੋ, ਭਿਕ੍ਖੁ ਭਣ੍ਡਨਕਾਰਕੋ…ਪੇ॰… ਸਙ੍ਘੇ ਅਧਿਕਰਣਕਾਰਕੋ। ਹਨ੍ਦਸ੍ਸ ਮਯਂ ਤਜ੍ਜਨੀਯਕਮ੍ਮਂ ਕਰੋਮਾ’’ਤਿ। ਤੇ ਤਸ੍ਸ ਤਜ੍ਜਨੀਯਕਮ੍ਮਂ ਕਰੋਨ੍ਤਿ – ਅਧਮ੍ਮੇਨ ਸਮਗ੍ਗਾ। ਤਤ੍ਰਟ੍ਠੋ ਸਙ੍ਘੋ વਿવਦਤਿ – ‘‘ਅਧਮ੍ਮੇਨ વਗ੍ਗਕਮ੍ਮਂ, ਅਧਮ੍ਮੇਨ ਸਮਗ੍ਗਕਮ੍ਮਂ, ਧਮ੍ਮੇਨ વਗ੍ਗਕਮ੍ਮਂ, ਧਮ੍ਮਪਤਿਰੂਪਕੇਨ વਗ੍ਗਕਮ੍ਮਂ, ਧਮ੍ਮਪਤਿਰੂਪਕੇਨ ਸਮਗ੍ਗਕਮ੍ਮਂ, ਅਕਤਂ ਕਮ੍ਮਂ ਦੁਕ੍ਕਟਂ ਕਮ੍ਮਂ ਪੁਨ ਕਾਤਬ੍ਬਂ ਕਮ੍ਮ’’ਨ੍ਤਿ। ਤਤ੍ਰ, ਭਿਕ੍ਖવੇ, ਯੇ ਤੇ ਭਿਕ੍ਖੂ ਏવਮਾਹਂਸੁ – ‘‘ਅਧਮ੍ਮੇਨ ਸਮਗ੍ਗਕਮ੍ਮ’’ਨ੍ਤਿ, ਯੇ ਚ ਤੇ ਭਿਕ੍ਖੂ ਏવਮਾਹਂਸੁ – ‘‘ਅਕਤਂ ਕਮ੍ਮਂ ਦੁਕ੍ਕਟਂ ਕਮ੍ਮਂ ਪੁਨ ਕਾਤਬ੍ਬਂ ਕਮ੍ਮ’’ਨ੍ਤਿ, ਇਮੇ ਤਤ੍ਥ ਭਿਕ੍ਖੂ ਧਮ੍ਮવਾਦਿਨੋ।
430. Idha pana, bhikkhave, bhikkhu bhaṇḍanakārako hoti…pe… saṅghe adhikaraṇakārako. Tatra ce bhikkhūnaṃ evaṃ hoti – ‘‘ayaṃ kho, āvuso, bhikkhu bhaṇḍanakārako…pe… saṅghe adhikaraṇakārako. Handassa mayaṃ tajjanīyakammaṃ karomā’’ti. Te tassa tajjanīyakammaṃ karonti – adhammena samaggā. Tatraṭṭho saṅgho vivadati – ‘‘adhammena vaggakammaṃ, adhammena samaggakammaṃ, dhammena vaggakammaṃ, dhammapatirūpakena vaggakammaṃ, dhammapatirūpakena samaggakammaṃ, akataṃ kammaṃ dukkaṭaṃ kammaṃ puna kātabbaṃ kamma’’nti. Tatra, bhikkhave, ye te bhikkhū evamāhaṃsu – ‘‘adhammena samaggakamma’’nti, ye ca te bhikkhū evamāhaṃsu – ‘‘akataṃ kammaṃ dukkaṭaṃ kammaṃ puna kātabbaṃ kamma’’nti, ime tattha bhikkhū dhammavādino.
੪੩੧. ਇਧ ਪਨ, ਭਿਕ੍ਖવੇ, ਭਿਕ੍ਖੁ ਭਣ੍ਡਨਕਾਰਕੋ ਹੋਤਿ…ਪੇ॰… ਸਙ੍ਘੇ ਅਧਿਕਰਣਕਾਰਕੋ। ਤਤ੍ਰ ਚੇ ਭਿਕ੍ਖੂਨਂ ਏવਂ ਹੋਤਿ – ‘‘ਅਯਂ ਖੋ, ਆવੁਸੋ, ਭਿਕ੍ਖੁ ਭਣ੍ਡਨਕਾਰਕੋ…ਪੇ॰… ਸਙ੍ਘੇ ਅਧਿਕਰਣਕਾਰਕੋ ਹਨ੍ਦਸ੍ਸ ਮਯਂ ਤਜ੍ਜਨੀਯਕਮ੍ਮਂ ਕਰੋਮਾ’’ਤਿ। ਤੇ ਤਸ੍ਸ ਤਜ੍ਜਨੀਯਕਮ੍ਮਂ ਕਰੋਨ੍ਤਿ – ਧਮ੍ਮੇਨ વਗ੍ਗਾ। ਤਤ੍ਰਟ੍ਠੋ ਸਙ੍ਘੋ વਿવਦਤਿ – ‘‘ਅਧਮ੍ਮੇਨ વਗ੍ਗਕਮ੍ਮਂ, ਅਧਮ੍ਮੇਨ ਸਮਗ੍ਗਕਮ੍ਮਂ, ਧਮ੍ਮੇਨ વਗ੍ਗਕਮ੍ਮਂ, ਧਮ੍ਮਪਤਿਰੂਪਕੇਨ વਗ੍ਗਕਮ੍ਮਂ, ਧਮ੍ਮਪਤਿਰੂਪਕੇਨ ਸਮਗ੍ਗਕਮ੍ਮਂ, ਅਕਤਂ ਕਮ੍ਮਂ ਦੁਕ੍ਕਟਂ ਕਮ੍ਮਂ ਪੁਨ ਕਾਤਬ੍ਬਂ ਕਮ੍ਮ’’ਨ੍ਤਿ। ਤਤ੍ਰ, ਭਿਕ੍ਖવੇ, ਯੇ ਤੇ ਭਿਕ੍ਖੂ ਏવਮਾਹਂਸੁ – ‘‘ਧਮ੍ਮੇਨ વਗ੍ਗਕਮ੍ਮ’’ਨ੍ਤਿ, ਯੇ ਚ ਤੇ ਭਿਕ੍ਖੂ ਏવਮਾਹਂਸੁ – ‘‘ਅਕਤਂ ਕਮ੍ਮਂ ਦੁਕ੍ਕਟਂ ਕਮ੍ਮਂ ਪੁਨ ਕਾਤਬ੍ਬਂ ਕਮ੍ਮ’’ਨ੍ਤਿ, ਇਮੇ ਤਤ੍ਥ ਭਿਕ੍ਖੂ ਧਮ੍ਮવਾਦਿਨੋ।
431. Idha pana, bhikkhave, bhikkhu bhaṇḍanakārako hoti…pe… saṅghe adhikaraṇakārako. Tatra ce bhikkhūnaṃ evaṃ hoti – ‘‘ayaṃ kho, āvuso, bhikkhu bhaṇḍanakārako…pe… saṅghe adhikaraṇakārako handassa mayaṃ tajjanīyakammaṃ karomā’’ti. Te tassa tajjanīyakammaṃ karonti – dhammena vaggā. Tatraṭṭho saṅgho vivadati – ‘‘adhammena vaggakammaṃ, adhammena samaggakammaṃ, dhammena vaggakammaṃ, dhammapatirūpakena vaggakammaṃ, dhammapatirūpakena samaggakammaṃ, akataṃ kammaṃ dukkaṭaṃ kammaṃ puna kātabbaṃ kamma’’nti. Tatra, bhikkhave, ye te bhikkhū evamāhaṃsu – ‘‘dhammena vaggakamma’’nti, ye ca te bhikkhū evamāhaṃsu – ‘‘akataṃ kammaṃ dukkaṭaṃ kammaṃ puna kātabbaṃ kamma’’nti, ime tattha bhikkhū dhammavādino.
੪੩੨. ਇਧ ਪਨ, ਭਿਕ੍ਖવੇ, ਭਿਕ੍ਖੁ ਭਣ੍ਡਨਕਾਰਕੋ ਹੋਤਿ…ਪੇ॰… ਸਙ੍ਘੇ ਅਧਿਕਰਣਕਾਰਕੋ। ਤਤ੍ਰ ਚੇ ਭਿਕ੍ਖੂਨਂ ਏવਂ ਹੋਤਿ – ‘‘ਅਯਂ ਖੋ, ਆવੁਸੋ, ਭਿਕ੍ਖੁ ਭਣ੍ਡਨਕਾਰਕੋ…ਪੇ॰… ਸਙ੍ਘੇ ਅਧਿਕਰਣਕਾਰਕੋ। ਹਨ੍ਦਸ੍ਸ ਮਯਂ ਤਜ੍ਜਨੀਯਕਮ੍ਮਂ ਕਰੋਮਾ’’ਤਿ। ਤੇ ਤਸ੍ਸ ਤਜ੍ਜਨੀਯਕਮ੍ਮਂ ਕਰੋਨ੍ਤਿ – ਧਮ੍ਮਪਤਿਰੂਪਕੇਨ વਗ੍ਗਾ। ਤਤ੍ਰਟ੍ਠੋ ਸਙ੍ਘੋ વਿવਦਤਿ – ‘‘ਅਧਮ੍ਮੇਨ વਗ੍ਗਕਮ੍ਮਂ, ਅਧਮ੍ਮੇਨ ਸਮਗ੍ਗਕਮ੍ਮਂ, ਧਮ੍ਮੇਨ વਗ੍ਗਕਮ੍ਮਂ, ਧਮ੍ਮਪਤਿਰੂਪਕੇਨ વਗ੍ਗਕਮ੍ਮਂ, ਧਮ੍ਮਪਤਿਰੂਪਕੇਨ ਸਮਗ੍ਗਕਮ੍ਮਂ, ਅਕਤਂ ਕਮ੍ਮਂ ਦੁਕ੍ਕਟਂ ਕਮ੍ਮਂ ਪੁਨ ਕਾਤਬ੍ਬਂ ਕਮ੍ਮ’’ਨ੍ਤਿ। ਤਤ੍ਰ, ਭਿਕ੍ਖવੇ, ਯੇ ਤੇ ਭਿਕ੍ਖੂ ਏવਮਾਹਂਸੁ – ‘‘ਧਮ੍ਮਪਤਿਰੂਪਕੇਨ ਸਮਗ੍ਗਕਮ੍ਮ’’ਨ੍ਤਿ, ਯੇ ਚ ਤੇ ਭਿਕ੍ਖੂ ਏવਮਾਹਂਸੁ – ‘‘ਅਕਤਂ ਕਮ੍ਮਂ ਦੁਕ੍ਕਟਂ ਕਮ੍ਮਂ ਪੁਨ ਕਾਤਬ੍ਬਂ ਕਮ੍ਮ’’ਨ੍ਤਿ, ਇਮੇ ਤਤ੍ਥ ਭਿਕ੍ਖੂ ਧਮ੍ਮવਾਦਿਨੋ।
432. Idha pana, bhikkhave, bhikkhu bhaṇḍanakārako hoti…pe… saṅghe adhikaraṇakārako. Tatra ce bhikkhūnaṃ evaṃ hoti – ‘‘ayaṃ kho, āvuso, bhikkhu bhaṇḍanakārako…pe… saṅghe adhikaraṇakārako. Handassa mayaṃ tajjanīyakammaṃ karomā’’ti. Te tassa tajjanīyakammaṃ karonti – dhammapatirūpakena vaggā. Tatraṭṭho saṅgho vivadati – ‘‘adhammena vaggakammaṃ, adhammena samaggakammaṃ, dhammena vaggakammaṃ, dhammapatirūpakena vaggakammaṃ, dhammapatirūpakena samaggakammaṃ, akataṃ kammaṃ dukkaṭaṃ kammaṃ puna kātabbaṃ kamma’’nti. Tatra, bhikkhave, ye te bhikkhū evamāhaṃsu – ‘‘dhammapatirūpakena samaggakamma’’nti, ye ca te bhikkhū evamāhaṃsu – ‘‘akataṃ kammaṃ dukkaṭaṃ kammaṃ puna kātabbaṃ kamma’’nti, ime tattha bhikkhū dhammavādino.
੪੩੩. ਇਧ ਪਨ, ਭਿਕ੍ਖવੇ, ਭਿਕ੍ਖੁ ਭਣ੍ਡਨਕਾਰਕੋ ਹੋਤਿ…ਪੇ॰… ਸਙ੍ਘੇ ਅਧਿਕਰਣਕਾਰਕੋ। ਤਤ੍ਰ ਚੇ ਭਿਕ੍ਖੂਨਂ ਏવਂ ਹੋਤਿ – ‘‘ਅਯਂ ਖੋ, ਆવੁਸੋ, ਭਿਕ੍ਖੁ ਭਣ੍ਡਨਕਾਰਕੋ ਹੋਤਿ…ਪੇ॰… ਸਙ੍ਘੇ ਅਧਿਕਰਣਕਾਰਕੋ। ਹਨ੍ਦਸ੍ਸ ਮਯਂ ਤਜ੍ਜਨੀਯਕਮ੍ਮਂ ਕਰੋਮਾ’’ਤਿ। ਤੇ ਤਸ੍ਸ ਤਜ੍ਜਨੀਯਕਮ੍ਮਂ ਕਰੋਨ੍ਤਿ – ਧਮ੍ਮਪਤਿਰੂਪਕੇਨ ਸਮਗ੍ਗਾ। ਤਤ੍ਰਟ੍ਠੋ ਸਙ੍ਘੋ વਿવਦਤਿ – ‘‘ਅਧਮ੍ਮੇਨ વਗ੍ਗਕਮ੍ਮਂ, ਅਧਮ੍ਮੇਨ ਸਮਗ੍ਗਕਮ੍ਮਂ, ਧਮ੍ਮੇਨ વਗ੍ਗਕਮ੍ਮਂ, ਧਮ੍ਮਪਤਿਰੂਪਕੇਨ વਗ੍ਗਕਮ੍ਮਂ, ਧਮ੍ਮਪਤਿਰੂਪਕੇਨ ਸਮਗ੍ਗਕਮ੍ਮਂ, ਅਕਤਂ ਕਮ੍ਮਂ ਦੁਕ੍ਕਟਂ ਕਮ੍ਮਂ ਪੁਨ ਕਾਤਬ੍ਬਂ ਕਮ੍ਮ’’ਨ੍ਤਿ। ਤਤ੍ਰ, ਭਿਕ੍ਖવੇ, ਯੇ ਤੇ ਭਿਕ੍ਖੂ ਏવਮਾਹਂਸੁ – ‘‘ਧਮ੍ਮਪਤਿਰੂਪਕੇਨ ਸਮਗ੍ਗਕਮ੍ਮ’’ਨ੍ਤਿ, ਯੇ ਚ ਤੇ ਭਿਕ੍ਖੂ ਏવਮਾਹਂਸੁ – ‘‘ਅਕਤਂ ਕਮ੍ਮਂ ਦੁਕ੍ਕਟਂ ਕਮ੍ਮਂ ਪੁਨ ਕਾਤਬ੍ਬਂ ਕਮ੍ਮ’’ਨ੍ਤਿ, ਇਮੇ ਤਤ੍ਥ ਭਿਕ੍ਖੂ ਧਮ੍ਮવਾਦਿਨੋ।
433. Idha pana, bhikkhave, bhikkhu bhaṇḍanakārako hoti…pe… saṅghe adhikaraṇakārako. Tatra ce bhikkhūnaṃ evaṃ hoti – ‘‘ayaṃ kho, āvuso, bhikkhu bhaṇḍanakārako hoti…pe… saṅghe adhikaraṇakārako. Handassa mayaṃ tajjanīyakammaṃ karomā’’ti. Te tassa tajjanīyakammaṃ karonti – dhammapatirūpakena samaggā. Tatraṭṭho saṅgho vivadati – ‘‘adhammena vaggakammaṃ, adhammena samaggakammaṃ, dhammena vaggakammaṃ, dhammapatirūpakena vaggakammaṃ, dhammapatirūpakena samaggakammaṃ, akataṃ kammaṃ dukkaṭaṃ kammaṃ puna kātabbaṃ kamma’’nti. Tatra, bhikkhave, ye te bhikkhū evamāhaṃsu – ‘‘dhammapatirūpakena samaggakamma’’nti, ye ca te bhikkhū evamāhaṃsu – ‘‘akataṃ kammaṃ dukkaṭaṃ kammaṃ puna kātabbaṃ kamma’’nti, ime tattha bhikkhū dhammavādino.
ਤਜ੍ਜਨੀਯਕਮ੍ਮવਿવਾਦਕਥਾ ਨਿਟ੍ਠਿਤਾ।
Tajjanīyakammavivādakathā niṭṭhitā.
