| Library / Tipiṭaka / តិបិដក • Tipiṭaka / មហាវគ្គ-អដ្ឋកថា • Mahāvagga-aṭṭhakathā |
តជ្ជនីយកម្មកថា
Tajjanīyakammakathā
៤០៧. ឥធ បន ភិក្ខវេ ភិក្ខុ ភណ្ឌនការកោតិអាទិ ‘‘អធម្មេនវគ្គំ, អធម្មេនសមគ្គំ; ធម្មេនវគ្គំ, ធម្មបតិរូបកេនវគ្គំ, ធម្មបតិរូបកេនសមគ្គ’’ន្តិ ឥមេសំ វសេន ចក្កំ ពន្ធិត្វា តជ្ជនីយាទីសុ សត្តសុ កម្មេសុ បដិបស្សទ្ធីសុ ច វិបត្តិទស្សនត្ថំ វុត្តំ។ តត្ថ អនបទានោតិ អបទានវិរហិតោ។ អបទានំ វុច្ចតិ បរិច្ឆេទោ; អាបត្តិបរិច្ឆេទវិរហិតោតិ អត្ថោ។ តតោ បរំ បដិកុដ្ឋកតកម្មប្បភេទំ ទស្សេតុំ សាយេវ បាឡិ ‘‘អកតំ កម្ម’’ន្តិអាទីហិ សំសន្ទិត្វា វុត្តា។ តត្ថ ន កិញ្ចិ បាឡិអនុសារេន ន សក្កា វិទិតុំ, តស្មា វណ្ណនំ ន វិត្ថារយិម្ហាតិ។
407.Idha pana bhikkhave bhikkhu bhaṇḍanakārakotiādi ‘‘adhammenavaggaṃ, adhammenasamaggaṃ; dhammenavaggaṃ, dhammapatirūpakenavaggaṃ, dhammapatirūpakenasamagga’’nti imesaṃ vasena cakkaṃ bandhitvā tajjanīyādīsu sattasu kammesu paṭipassaddhīsu ca vipattidassanatthaṃ vuttaṃ. Tattha anapadānoti apadānavirahito. Apadānaṃ vuccati paricchedo; āpattiparicchedavirahitoti attho. Tato paraṃ paṭikuṭṭhakatakammappabhedaṃ dassetuṃ sāyeva pāḷi ‘‘akataṃ kamma’’ntiādīhi saṃsanditvā vuttā. Tattha na kiñci pāḷianusārena na sakkā vidituṃ, tasmā vaṇṇanaṃ na vitthārayimhāti.
ចម្បេយ្យក្ខន្ធកវណ្ណនា និដ្ឋិតា។
Campeyyakkhandhakavaṇṇanā niṭṭhitā.
Related texts:
តិបិដក (មូល) • Tipiṭaka (Mūla) / វិនយបិដក • Vinayapiṭaka / មហាវគ្គបាឡិ • Mahāvaggapāḷi / ២៤២. តជ្ជនីយកម្មកថា • 242. Tajjanīyakammakathā
ដីកា • Tīkā / វិនយបិដក (ដីកា) • Vinayapiṭaka (ṭīkā) / បាចិត្យាទិយោជនាបាឡិ • Pācityādiyojanāpāḷi / ២៤២. តជ្ជនីយកម្មកថា • 242. Tajjanīyakammakathā
