| Library / Tipiṭaka / तिपिटक • Tipiṭaka / महावग्ग-अट्ठकथा • Mahāvagga-aṭṭhakathā |
तज्जनीयकम्मकथा
Tajjanīyakammakathā
४०७. इध पन भिक्खवे भिक्खु भण्डनकारकोतिआदि ‘‘अधम्मेनवग्गं, अधम्मेनसमग्गं; धम्मेनवग्गं, धम्मपतिरूपकेनवग्गं, धम्मपतिरूपकेनसमग्ग’’न्ति इमेसं वसेन चक्कं बन्धित्वा तज्जनीयादीसु सत्तसु कम्मेसु पटिपस्सद्धीसु च विपत्तिदस्सनत्थं वुत्तं। तत्थ अनपदानोति अपदानविरहितो। अपदानं वुच्चति परिच्छेदो; आपत्तिपरिच्छेदविरहितोति अत्थो। ततो परं पटिकुट्ठकतकम्मप्पभेदं दस्सेतुं सायेव पाळि ‘‘अकतं कम्म’’न्तिआदीहि संसन्दित्वा वुत्ता। तत्थ न किञ्चि पाळिअनुसारेन न सक्का विदितुं, तस्मा वण्णनं न वित्थारयिम्हाति।
407.Idha pana bhikkhave bhikkhu bhaṇḍanakārakotiādi ‘‘adhammenavaggaṃ, adhammenasamaggaṃ; dhammenavaggaṃ, dhammapatirūpakenavaggaṃ, dhammapatirūpakenasamagga’’nti imesaṃ vasena cakkaṃ bandhitvā tajjanīyādīsu sattasu kammesu paṭipassaddhīsu ca vipattidassanatthaṃ vuttaṃ. Tattha anapadānoti apadānavirahito. Apadānaṃ vuccati paricchedo; āpattiparicchedavirahitoti attho. Tato paraṃ paṭikuṭṭhakatakammappabhedaṃ dassetuṃ sāyeva pāḷi ‘‘akataṃ kamma’’ntiādīhi saṃsanditvā vuttā. Tattha na kiñci pāḷianusārena na sakkā vidituṃ, tasmā vaṇṇanaṃ na vitthārayimhāti.
चम्पेय्यक्खन्धकवण्णना निट्ठिता।
Campeyyakkhandhakavaṇṇanā niṭṭhitā.
Related texts:
तिपिटक (मूल) • Tipiṭaka (Mūla) / विनयपिटक • Vinayapiṭaka / महावग्गपाळि • Mahāvaggapāḷi / २४२. तज्जनीयकम्मकथा • 242. Tajjanīyakammakathā
टीका • Tīkā / विनयपिटक (टीका) • Vinayapiṭaka (ṭīkā) / पाचित्यादियोजनापाळि • Pācityādiyojanāpāḷi / २४२. तज्जनीयकम्मकथा • 242. Tajjanīyakammakathā
