| Library / Tipiṭaka / തിപിടക • Tipiṭaka / അങ്ഗുത്തരനികായ (അട്ഠകഥാ) • Aṅguttaranikāya (aṭṭhakathā) |
൭. സുവിദൂരസുത്തവണ്ണനാ
7. Suvidūrasuttavaṇṇanā
൪൭. സത്തമേ സുവിദൂരവിദൂരാനീതി കേനചി പരിയായേന അനാസന്നാനി ഹുത്വാ സുവിദൂരാനേവ വിദൂരാനി. നഭഞ്ച, ഭിക്ഖവേ, പഥവീ ചാതി ആകാസഞ്ച മഹാപഥവീ ച. തത്ഥ കിഞ്ചാപി പഥവിതോ ആകാസം നാമ ന ദൂരേ, ദ്വങ്ഗുലമത്തേപി ഹോതി. അഞ്ഞമഞ്ഞം അലഗ്ഗനട്ഠേന പന ‘‘സുവിദൂരവിദൂരേ’’തി വുത്തം. വേരോചനോതി സൂരിയോ. സതഞ്ച, ഭിക്ഖവേ, ധമ്മോതി ചതുസതിപട്ഠാനാദിഭേദോ സത്തതിംസബോധിപക്ഖിയധമ്മോ. അസതഞ്ച ധമ്മോതി ദ്വാസട്ഠിദിട്ഠിഗതഭേദോ അസ്സദ്ധമ്മോ.
47. Sattame suvidūravidūrānīti kenaci pariyāyena anāsannāni hutvā suvidūrāneva vidūrāni. Nabhañca, bhikkhave, pathavī cāti ākāsañca mahāpathavī ca. Tattha kiñcāpi pathavito ākāsaṃ nāma na dūre, dvaṅgulamattepi hoti. Aññamaññaṃ alagganaṭṭhena pana ‘‘suvidūravidūre’’ti vuttaṃ. Verocanoti sūriyo. Satañca, bhikkhave, dhammoti catusatipaṭṭhānādibhedo sattatiṃsabodhipakkhiyadhammo. Asatañca dhammoti dvāsaṭṭhidiṭṭhigatabhedo assaddhammo.
പഭങ്കരോതി ആലോകകരോ. അബ്യായികോ ഹോതീതി അവിഗച്ഛനസഭാവോ ഹോതി. സതം സമാഗമോതി പണ്ഡിതാനം മിത്തസന്ഥവവസേന സമാഗമോ. യാവാപി തിട്ഠേയ്യാതി യത്തകം അദ്ധാനം തിട്ഠേയ്യ. തഥേവ ഹോതീതി താദിസോവ ഹോതി, പകതിം ന ജഹതി. ഖിപ്പം ഹി വേതീതി സീഘം വിഗച്ഛതി.
Pabhaṅkaroti ālokakaro. Abyāyiko hotīti avigacchanasabhāvo hoti. Sataṃ samāgamoti paṇḍitānaṃ mittasanthavavasena samāgamo. Yāvāpitiṭṭheyyāti yattakaṃ addhānaṃ tiṭṭheyya. Tatheva hotīti tādisova hoti, pakatiṃ na jahati. Khippaṃ hi vetīti sīghaṃ vigacchati.
Related texts:
തിപിടക (മൂല) • Tipiṭaka (Mūla) / സുത്തപിടക • Suttapiṭaka / അങ്ഗുത്തരനികായ • Aṅguttaranikāya / ൭. സുവിദൂരസുത്തം • 7. Suvidūrasuttaṃ
ടീകാ • Tīkā / സുത്തപിടക (ടീകാ) • Suttapiṭaka (ṭīkā) / അങ്ഗുത്തരനികായ (ടീകാ) • Aṅguttaranikāya (ṭīkā) / ൭. സുവിദൂരസുത്തവണ്ണനാ • 7. Suvidūrasuttavaṇṇanā
