| Library / Tipiṭaka / တိပိဋက • Tipiṭaka / အင္ဂုတ္တရနိကာယ (အဋ္ဌကထာ) • Aṅguttaranikāya (aṭṭhakathā) |
၇. သုဝိဒူရသုတ္တဝဏ္ဏနာ
7. Suvidūrasuttavaṇṇanā
၄၇. သတ္တမေ သုဝိဒူရဝိဒူရာနီတိ ကေနစိ ပရိယာယေန အနာသန္နာနိ ဟုတ္ဝာ သုဝိဒူရာနေဝ ဝိဒူရာနိ။ နဘဉ္စ, ဘိက္ခဝေ, ပထဝီ စာတိ အာကာသဉ္စ မဟာပထဝီ စ။ တတ္ထ ကိဉ္စာပိ ပထဝိတော အာကာသံ နာမ န ဒူရေ, ဒ္ဝင္ဂုလမတ္တေပိ ဟောတိ။ အညမညံ အလဂ္ဂနဋ္ဌေန ပန ‘‘သုဝိဒူရဝိဒူရေ’’တိ ဝုတ္တံ။ ဝေရောစနောတိ သူရိယော။ သတဉ္စ, ဘိက္ခဝေ, ဓမ္မောတိ စတုသတိပဋ္ဌာနာဒိဘေဒော သတ္တတိံသဗောဓိပက္ခိယဓမ္မော။ အသတဉ္စ ဓမ္မောတိ ဒ္ဝာသဋ္ဌိဒိဋ္ဌိဂတဘေဒော အသ္သဒ္ဓမ္မော။
47. Sattame suvidūravidūrānīti kenaci pariyāyena anāsannāni hutvā suvidūrāneva vidūrāni. Nabhañca, bhikkhave, pathavī cāti ākāsañca mahāpathavī ca. Tattha kiñcāpi pathavito ākāsaṃ nāma na dūre, dvaṅgulamattepi hoti. Aññamaññaṃ alagganaṭṭhena pana ‘‘suvidūravidūre’’ti vuttaṃ. Verocanoti sūriyo. Satañca, bhikkhave, dhammoti catusatipaṭṭhānādibhedo sattatiṃsabodhipakkhiyadhammo. Asatañca dhammoti dvāsaṭṭhidiṭṭhigatabhedo assaddhammo.
ပဘင္ကရောတိ အာလောကကရော။ အဗ္ယာယိကော ဟောတီတိ အဝိဂစ္ဆနသဘာဝော ဟောတိ။ သတံ သမာဂမောတိ ပဏ္ဍိတာနံ မိတ္တသန္ထဝဝသေန သမာဂမော။ ယာဝာပိ တိဋ္ဌေယ္ယာတိ ယတ္တကံ အဒ္ဓာနံ တိဋ္ဌေယ္ယ။ တထေဝ ဟောတီတိ တာဒိသောဝ ဟောတိ, ပကတိံ န ဇဟတိ။ ခိပ္ပံ ဟိ ဝေတီတိ သီဃံ ဝိဂစ္ဆတိ။
Pabhaṅkaroti ālokakaro. Abyāyiko hotīti avigacchanasabhāvo hoti. Sataṃ samāgamoti paṇḍitānaṃ mittasanthavavasena samāgamo. Yāvāpitiṭṭheyyāti yattakaṃ addhānaṃ tiṭṭheyya. Tatheva hotīti tādisova hoti, pakatiṃ na jahati. Khippaṃ hi vetīti sīghaṃ vigacchati.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / အင္ဂုတ္တရနိကာယ • Aṅguttaranikāya / ၇. သုဝိဒူရသုတ္တံ • 7. Suvidūrasuttaṃ
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / အင္ဂုတ္တရနိကာယ (ဋီကာ) • Aṅguttaranikāya (ṭīkā) / ၇. သုဝိဒူရသုတ္တဝဏ္ဏနာ • 7. Suvidūrasuttavaṇṇanā
