| Library / Tipiṭaka / তিপিটক • Tipiṭaka / সংযুত্তনিকায • Saṃyuttanikāya |
২. দুতিযৰগ্গো
2. Dutiyavaggo
১. সুৰণ্ণপাতিসুত্তং
1. Suvaṇṇapātisuttaṃ
১৬৭. সাৰত্থিযং ৰিহরতি…পে॰… ‘‘দারুণো, ভিক্খৰে, লাভসক্কারসিলোকো…পে॰… অধিগমায। ইধাহং, ভিক্খৰে, একচ্চং পুগ্গলং এৰং চেতসা চেতো পরিচ্চ পজানামি – ‘ন চাযমাযস্মা সুৰণ্ণপাতিযাপি রূপিযচুণ্ণপরিপূরায হেতু সম্পজানমুসা ভাসেয্যা’তি। তমেনং পস্সামি অপরেন সমযেন লাভসক্কারসিলোকেন অভিভূতং পরিযাদিণ্ণচিত্তং সম্পজানমুসা ভাসন্তং। এৰং দারুণো খো, ভিক্খৰে, লাভসক্কারসিলোকো…পে॰… এৰঞ্হি ৰো, ভিক্খৰে, সিক্খিতব্ব’’ন্তি। পঠমং।
167. Sāvatthiyaṃ viharati…pe… ‘‘dāruṇo, bhikkhave, lābhasakkārasiloko…pe… adhigamāya. Idhāhaṃ, bhikkhave, ekaccaṃ puggalaṃ evaṃ cetasā ceto paricca pajānāmi – ‘na cāyamāyasmā suvaṇṇapātiyāpi rūpiyacuṇṇaparipūrāya hetu sampajānamusā bhāseyyā’ti. Tamenaṃ passāmi aparena samayena lābhasakkārasilokena abhibhūtaṃ pariyādiṇṇacittaṃ sampajānamusā bhāsantaṃ. Evaṃ dāruṇo kho, bhikkhave, lābhasakkārasiloko…pe… evañhi vo, bhikkhave, sikkhitabba’’nti. Paṭhamaṃ.
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / সংযুত্তনিকায (অট্ঠকথা) • Saṃyuttanikāya (aṭṭhakathā) / ১-২. সুৰণ্ণপাতিসুত্তাদিৰণ্ণনা • 1-2. Suvaṇṇapātisuttādivaṇṇanā
টীকা • Tīkā / সুত্তপিটক (টীকা) • Suttapiṭaka (ṭīkā) / সংযুত্তনিকায (টীকা) • Saṃyuttanikāya (ṭīkā) / ১-২. সুৰণ্ণপাতিসুত্তাদিৰণ্ণনা • 1-2. Suvaṇṇapātisuttādivaṇṇanā
