| Library / Tipiṭaka / තිපිටක • Tipiṭaka / අපදානපාළි • Apadānapāḷi |
28. සුවණ්ණබිබ්බොහනවග්ගො
28. Suvaṇṇabibbohanavaggo
1. සුවණ්ණබිබ්බොහනියත්ථෙරඅපදානං
1. Suvaṇṇabibbohaniyattheraapadānaṃ
1.
1.
‘‘එකාසනං අහමදං, පසන්නො සෙහි පාණිභි;
‘‘Ekāsanaṃ ahamadaṃ, pasanno sehi pāṇibhi;
2.
2.
‘‘එකනවුතිතො කප්පෙ, බිබ්බොහනමදාසහං;
‘‘Ekanavutito kappe, bibbohanamadāsahaṃ;
දුග්ගතිං නාභිජානාමි, බිබ්බොහනස්සිදං ඵලං.
Duggatiṃ nābhijānāmi, bibbohanassidaṃ phalaṃ.
3.
3.
‘‘ඉතො තෙසට්ඨිමෙ කප්පෙ, අසමො නාම ඛත්තියො;
‘‘Ito tesaṭṭhime kappe, asamo nāma khattiyo;
සත්තරතනසම්පන්නො, චක්කවත්තී මහබ්බලො.
Sattaratanasampanno, cakkavattī mahabbalo.
4.
4.
‘‘පටිසම්භිදා චතස්සො, විමොක්ඛාපි ච අට්ඨිමෙ;
‘‘Paṭisambhidā catasso, vimokkhāpi ca aṭṭhime;
ඡළභිඤ්ඤා සච්ඡිකතා, කතං බුද්ධස්ස සාසනං’’.
Chaḷabhiññā sacchikatā, kataṃ buddhassa sāsanaṃ’’.
ඉත්ථං සුදං ආයස්මා සුවණ්ණබිබ්බොහනියො ථෙරො ඉමා ගාථායො අභාසිත්ථාති.
Itthaṃ sudaṃ āyasmā suvaṇṇabibbohaniyo thero imā gāthāyo abhāsitthāti.
සුවණ්ණබිබ්බොහනියත්ථෙරස්සාපදානං පඨමං.
Suvaṇṇabibbohaniyattherassāpadānaṃ paṭhamaṃ.
Footnotes:
