| Library / Tipiṭaka / ติปิฎก • Tipiṭaka / จริยาปิฎกปาฬิ • Cariyāpiṭakapāḷi |
๑๒. สุตโสมจริยา
12. Sutasomacariyā
๑๐๕.
105.
‘‘ปุนาปรํ ยทา โหมิ, สุตโสโม มหีปติ;
‘‘Punāparaṃ yadā homi, sutasomo mahīpati;
คหิโต โปริสาเทน, พฺราหฺมเณ สงฺครํ สริํฯ
Gahito porisādena, brāhmaṇe saṅgaraṃ sariṃ.
๑๐๖.
106.
‘‘ขตฺติยานํ เอกสตํ, อาวุณิตฺวา กรตฺตเล;
‘‘Khattiyānaṃ ekasataṃ, āvuṇitvā karattale;
เอเตสํ ปมิลาเปตฺวา, ยญฺญเตฺถ อุปนยี มมํฯ
Etesaṃ pamilāpetvā, yaññatthe upanayī mamaṃ.
๑๐๗.
107.
‘‘อปุจฺฉิ มํ โปริสาโท, ‘กิํ ตฺวํ อิจฺฉสิ นิสฺสชํ;
‘‘Apucchi maṃ porisādo, ‘kiṃ tvaṃ icchasi nissajaṃ;
ยถามติ เต กาหามิ, ยทิ เม ตฺวํ ปุเนหิสิ’ฯ
Yathāmati te kāhāmi, yadi me tvaṃ punehisi’.
๑๐๘.
108.
‘‘ตสฺส ปฎิสฺสุณิตฺวาน, ปเณฺห อาคมนํ มม;
‘‘Tassa paṭissuṇitvāna, paṇhe āgamanaṃ mama;
อุปคนฺตฺวา ปุรํ รมฺมํ, รชฺชํ นิยฺยาทยิํ ตทาฯ
Upagantvā puraṃ rammaṃ, rajjaṃ niyyādayiṃ tadā.
๑๐๙.
109.
‘‘อนุสฺสริตฺวา สตํ ธมฺมํ, ปุพฺพกํ ชินเสวิตํ;
‘‘Anussaritvā sataṃ dhammaṃ, pubbakaṃ jinasevitaṃ;
พฺราหฺมณสฺส ธนํ ทตฺวา, โปริสาทํ อุปาคมิํฯ
Brāhmaṇassa dhanaṃ datvā, porisādaṃ upāgamiṃ.
๑๑๐.
110.
‘‘นตฺถิ เม สํสโย ตตฺถ, ฆาตยิสฺสติ วา น วา;
‘‘Natthi me saṃsayo tattha, ghātayissati vā na vā;
สจฺจวาจานุรกฺขโนฺต, ชีวิตํ จชิตุมุปาคมิํ;
Saccavācānurakkhanto, jīvitaṃ cajitumupāgamiṃ;
สเจฺจน เม สโม นตฺถิ, เอสา เม สจฺจปารมี’’ติฯ
Saccena me samo natthi, esā me saccapāramī’’ti.
สุตโสมจริยํ ทฺวาทสมํฯ
Sutasomacariyaṃ dvādasamaṃ.
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / ขุทฺทกนิกาย (อฎฺฐกถา) • Khuddakanikāya (aṭṭhakathā) / จริยาปิฎก-อฎฺฐกถา • Cariyāpiṭaka-aṭṭhakathā / ๑๒. มหาสุตโสมจริยาวณฺณนา • 12. Mahāsutasomacariyāvaṇṇanā
