| Library / Tipiṭaka / തിപിടക • Tipiṭaka / സാരത്ഥദീപനീ-ടീകാ • Sāratthadīpanī-ṭīkā |
൬. സുരുസുരുവഗ്ഗവണ്ണനാ
6. Surusuruvaggavaṇṇanā
൬൨൭. ഛട്ഠവഗ്ഗേ സീതീകതോതി സീതട്ടോ, സീതപീളിതോതി വുത്തം ഹോതി. സിലകബുദ്ധോതി പരിഹാസവചനമേതം. സിലകഞ്ഹി കഞ്ചി ദിസ്വാ ‘‘ബുദ്ധോ അയ’’ന്തി വോഹരന്തി.
627. Chaṭṭhavagge sītīkatoti sītaṭṭo, sītapīḷitoti vuttaṃ hoti. Silakabuddhoti parihāsavacanametaṃ. Silakañhi kañci disvā ‘‘buddho aya’’nti voharanti.
൬൩൪. വിലീവച്ഛത്തന്തി വേണുവിലീവേഹി കതം ഛത്തം. തത്ഥജാതകദണ്ഡകേന കതന്തി താലപണ്ണം സഹ ദണ്ഡകേന ഛിന്ദിത്വാ തമേവ ഛത്തദണ്ഡം കരോന്തി ഗോപാലകാദയോ വിയ, തം സന്ധായേതം വുത്തം. ഛത്തപാദുകായ വാ ഠിതം ഹോതീതി ഏത്ഥ ഛത്തപാദുകാ വുച്ചതി ഛത്താധാരോ. യസ്മിം ഛത്തം അപതമാനം കത്വാ ഠപേന്തി, താദിസികായ ഛത്തപാദുകായ ഠിതം ഛത്തം ‘‘ഛത്ത’’ന്തി അജ്ഝാഹരിതബ്ബം. ‘‘ഛത്തം ഛത്തപാദുകായ ഠിത’’ന്തിപി പഠന്തി, തത്ഥാപി അയമേവത്ഥോ.
634.Vilīvacchattanti veṇuvilīvehi kataṃ chattaṃ. Tatthajātakadaṇḍakena katanti tālapaṇṇaṃ saha daṇḍakena chinditvā tameva chattadaṇḍaṃ karonti gopālakādayo viya, taṃ sandhāyetaṃ vuttaṃ. Chattapādukāya vā ṭhitaṃ hotīti ettha chattapādukā vuccati chattādhāro. Yasmiṃ chattaṃ apatamānaṃ katvā ṭhapenti, tādisikāya chattapādukāya ṭhitaṃ chattaṃ ‘‘chatta’’nti ajjhāharitabbaṃ. ‘‘Chattaṃ chattapādukāya ṭhita’’ntipi paṭhanti, tatthāpi ayamevattho.
൬൩൭. ചാപോതി മജ്ഝേ വങ്കാ കാചദണ്ഡസദിസാ ധനുവികതി. കോദണ്ഡോതി വട്ടലദണ്ഡാ ധനുവികതി. പടിമുക്കന്തി പവേസിതം ലഗ്ഗിതം.
637.Cāpoti majjhe vaṅkā kācadaṇḍasadisā dhanuvikati. Kodaṇḍoti vaṭṭaladaṇḍā dhanuvikati. Paṭimukkanti pavesitaṃ laggitaṃ.
സുരുസുരുവഗ്ഗവണ്ണനാ നിട്ഠിതാ.
Surusuruvaggavaṇṇanā niṭṭhitā.
Related texts:
തിപിടക (മൂല) • Tipiṭaka (Mūla) / വിനയപിടക • Vinayapiṭaka / മഹാവിഭങ്ഗ • Mahāvibhaṅga / ൬. സുരുസുരുവഗ്ഗോ • 6. Surusuruvaggo
അട്ഠകഥാ • Aṭṭhakathā / വിനയപിടക (അട്ഠകഥാ) • Vinayapiṭaka (aṭṭhakathā) / മഹാവിഭങ്ഗ-അട്ഠകഥാ • Mahāvibhaṅga-aṭṭhakathā / ൬. സുരുസുരുവഗ്ഗവണ്ണനാ • 6. Surusuruvaggavaṇṇanā
ടീകാ • Tīkā / വിനയപിടക (ടീകാ) • Vinayapiṭaka (ṭīkā) / വജിരബുദ്ധി-ടീകാ • Vajirabuddhi-ṭīkā / ൬. സുരുസുരുവഗ്ഗവണ്ണനാ • 6. Surusuruvaggavaṇṇanā
ടീകാ • Tīkā / വിനയപിടക (ടീകാ) • Vinayapiṭaka (ṭīkā) / വിമതിവിനോദനീ-ടീകാ • Vimativinodanī-ṭīkā / ൬. സുരുസുരുവഗ്ഗവണ്ണനാ • 6. Surusuruvaggavaṇṇanā
ടീകാ • Tīkā / വിനയപിടക (ടീകാ) • Vinayapiṭaka (ṭīkā) / പാചിത്യാദിയോജനാപാളി • Pācityādiyojanāpāḷi / ൬. സുരുസുരുവഗ്ഗ-അത്ഥയോജനാ • 6. Surusuruvagga-atthayojanā
