| Library / Tipiṭaka / තිපිටක • Tipiṭaka / සාරත්ථදීපනී-ටීකා • Sāratthadīpanī-ṭīkā |
6. සුරුසුරුවග්ගවණ්ණනා
6. Surusuruvaggavaṇṇanā
627. ඡට්ඨවග්ගෙ සීතීකතොති සීතට්ටො, සීතපීළිතොති වුත්තං හොති. සිලකබුද්ධොති පරිහාසවචනමෙතං. සිලකඤ්හි කඤ්චි දිස්වා ‘‘බුද්ධො අය’’න්ති වොහරන්ති.
627. Chaṭṭhavagge sītīkatoti sītaṭṭo, sītapīḷitoti vuttaṃ hoti. Silakabuddhoti parihāsavacanametaṃ. Silakañhi kañci disvā ‘‘buddho aya’’nti voharanti.
634. විලීවච්ඡත්තන්ති වෙණුවිලීවෙහි කතං ඡත්තං. තත්ථජාතකදණ්ඩකෙන කතන්ති තාලපණ්ණං සහ දණ්ඩකෙන ඡින්දිත්වා තමෙව ඡත්තදණ්ඩං කරොන්ති ගොපාලකාදයො විය, තං සන්ධායෙතං වුත්තං. ඡත්තපාදුකාය වා ඨිතං හොතීති එත්ථ ඡත්තපාදුකා වුච්චති ඡත්තාධාරො. යස්මිං ඡත්තං අපතමානං කත්වා ඨපෙන්ති, තාදිසිකාය ඡත්තපාදුකාය ඨිතං ඡත්තං ‘‘ඡත්ත’’න්ති අජ්ඣාහරිතබ්බං. ‘‘ඡත්තං ඡත්තපාදුකාය ඨිත’’න්තිපි පඨන්ති, තත්ථාපි අයමෙවත්ථො.
634.Vilīvacchattanti veṇuvilīvehi kataṃ chattaṃ. Tatthajātakadaṇḍakena katanti tālapaṇṇaṃ saha daṇḍakena chinditvā tameva chattadaṇḍaṃ karonti gopālakādayo viya, taṃ sandhāyetaṃ vuttaṃ. Chattapādukāya vā ṭhitaṃ hotīti ettha chattapādukā vuccati chattādhāro. Yasmiṃ chattaṃ apatamānaṃ katvā ṭhapenti, tādisikāya chattapādukāya ṭhitaṃ chattaṃ ‘‘chatta’’nti ajjhāharitabbaṃ. ‘‘Chattaṃ chattapādukāya ṭhita’’ntipi paṭhanti, tatthāpi ayamevattho.
637. චාපොති මජ්ඣෙ වඞ්කා කාචදණ්ඩසදිසා ධනුවිකති. කොදණ්ඩොති වට්ටලදණ්ඩා ධනුවිකති. පටිමුක්කන්ති පවෙසිතං ලග්ගිතං.
637.Cāpoti majjhe vaṅkā kācadaṇḍasadisā dhanuvikati. Kodaṇḍoti vaṭṭaladaṇḍā dhanuvikati. Paṭimukkanti pavesitaṃ laggitaṃ.
සුරුසුරුවග්ගවණ්ණනා නිට්ඨිතා.
Surusuruvaggavaṇṇanā niṭṭhitā.
Related texts:
තිපිටක (මූල) • Tipiṭaka (Mūla) / විනයපිටක • Vinayapiṭaka / මහාවිභඞ්ග • Mahāvibhaṅga / 6. සුරුසුරුවග්ගො • 6. Surusuruvaggo
අට්ඨකථා • Aṭṭhakathā / විනයපිටක (අට්ඨකථා) • Vinayapiṭaka (aṭṭhakathā) / මහාවිභඞ්ග-අට්ඨකථා • Mahāvibhaṅga-aṭṭhakathā / 6. සුරුසුරුවග්ගවණ්ණනා • 6. Surusuruvaggavaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / වජිරබුද්ධි-ටීකා • Vajirabuddhi-ṭīkā / 6. සුරුසුරුවග්ගවණ්ණනා • 6. Surusuruvaggavaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / විමතිවිනොදනී-ටීකා • Vimativinodanī-ṭīkā / 6. සුරුසුරුවග්ගවණ්ණනා • 6. Surusuruvaggavaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / පාචිත්යාදියොජනාපාළි • Pācityādiyojanāpāḷi / 6. සුරුසුරුවග්ග-අත්ථයොජනා • 6. Surusuruvagga-atthayojanā
