| Library / Tipiṭaka / ತಿಪಿಟಕ • Tipiṭaka / ವಜಿರಬುದ್ಧಿ-ಟೀಕಾ • Vajirabuddhi-ṭīkā |
೬. ಸುರುಸುರುವಗ್ಗವಣ್ಣನಾ
6. Surusuruvaggavaṇṇanā
೬೨೭. ‘‘ಸುರುಸುರು’’ನ್ತಿ ಚ ‘‘ಸುರೋಸುರೋ’’ತಿ ಚ ಪಾಠೋ। ಸೀತೀಕತೋತಿ ಸೀತಙ್ಕೋ। ‘‘ಸಿಲಕಬುದ್ಧೋತಿ ಅರಿಯಾನಂ ಪರಿಹಾಸವಚನಮೇವೇತ’’ನ್ತಿ ಲಿಖಿತಂ।
627. ‘‘Surusuru’’nti ca ‘‘surosuro’’ti ca pāṭho. Sītīkatoti sītaṅko. ‘‘Silakabuddhoti ariyānaṃ parihāsavacanameveta’’nti likhitaṃ.
೬೩೧. ಪಟಿಕ್ಕೂಲವಸೇನಾತಿ ಏತ್ಥ ಯದಿ ಪಟಿಕ್ಕೂಲವಸೇನ ಪಟಿಕ್ಖಿತ್ತಂ, ‘‘ಸೇಯ್ಯಥಾಪಿ ಕಾಮಭೋಗಿನೋ’’ತಿ ನ ವತ್ತಬ್ಬಂ। ನ ಹಿ ತೇ ಪಟಿಕ್ಕೂಲಂ ಕರೋನ್ತೀತಿ ಚೇ? ನ, ಇಸ್ಸರಿಯಲಿಙ್ಗವಸೇನ ಗಹಣಸಮ್ಭವತೋ। ತೇ ಹಿ ಅನಾದರಾ ಹೋನ್ತಿ। ಪತ್ತಧೋವನನ್ತಿ ಪತ್ತಧೋವನೋದಕಂ ಭೋಜನಪಟಿಸಂಯುತ್ತಂ।
631.Paṭikkūlavasenāti ettha yadi paṭikkūlavasena paṭikkhittaṃ, ‘‘seyyathāpi kāmabhogino’’ti na vattabbaṃ. Na hi te paṭikkūlaṃ karontīti ce? Na, issariyaliṅgavasena gahaṇasambhavato. Te hi anādarā honti. Pattadhovananti pattadhovanodakaṃ bhojanapaṭisaṃyuttaṃ.
೬೩೪. ‘‘ಛತ್ತಪಾದುಕಾಯ’’ನ್ತಿ ಚ ‘‘ಛತ್ತಪಾದೇ’’ತಿ ಚ ಪಾಠೋ।
634. ‘‘Chattapādukāya’’nti ca ‘‘chattapāde’’ti ca pāṭho.
೬೩೭. ಚಾಪೋತಿ ಸತ್ತಖಾದನವಧೋ। ‘‘ಸೇಸಾ ಸಬ್ಬಾ ಧನುವಿಕತಿ ಕೋದಣ್ಡೇ ಪವಿಟ್ಠಾ’’ತಿ ಚ ಲಿಖಿತಂ, ಪಟಿಮುಕ್ಕನ್ತಿ ಪವೇಸಿತಂ, ಲಗ್ಗಿತಂ ಹೋತೀತಿ ಅತ್ಥೋ।
637.Cāpoti sattakhādanavadho. ‘‘Sesā sabbā dhanuvikati kodaṇḍe paviṭṭhā’’ti ca likhitaṃ, paṭimukkanti pavesitaṃ, laggitaṃ hotīti attho.
ಸುರುಸುರುವಗ್ಗವಣ್ಣನಾ ನಿಟ್ಠಿತಾ।
Surusuruvaggavaṇṇanā niṭṭhitā.
Related texts:
ತಿಪಿಟಕ (ಮೂಲ) • Tipiṭaka (Mūla) / ವಿನಯಪಿಟಕ • Vinayapiṭaka / ಮಹಾವಿಭಙ್ಗ • Mahāvibhaṅga / ೬. ಸುರುಸುರುವಗ್ಗೋ • 6. Surusuruvaggo
ಅಟ್ಠಕಥಾ • Aṭṭhakathā / ವಿನಯಪಿಟಕ (ಅಟ್ಠಕಥಾ) • Vinayapiṭaka (aṭṭhakathā) / ಮಹಾವಿಭಙ್ಗ-ಅಟ್ಠಕಥಾ • Mahāvibhaṅga-aṭṭhakathā / ೬. ಸುರುಸುರುವಗ್ಗವಣ್ಣನಾ • 6. Surusuruvaggavaṇṇanā
ಟೀಕಾ • Tīkā / ವಿನಯಪಿಟಕ (ಟೀಕಾ) • Vinayapiṭaka (ṭīkā) / ಸಾರತ್ಥದೀಪನೀ-ಟೀಕಾ • Sāratthadīpanī-ṭīkā / ೬. ಸುರುಸುರುವಗ್ಗವಣ್ಣನಾ • 6. Surusuruvaggavaṇṇanā
ಟೀಕಾ • Tīkā / ವಿನಯಪಿಟಕ (ಟೀಕಾ) • Vinayapiṭaka (ṭīkā) / ವಿಮತಿವಿನೋದನೀ-ಟೀಕಾ • Vimativinodanī-ṭīkā / ೬. ಸುರುಸುರುವಗ್ಗವಣ್ಣನಾ • 6. Surusuruvaggavaṇṇanā
ಟೀಕಾ • Tīkā / ವಿನಯಪಿಟಕ (ಟೀಕಾ) • Vinayapiṭaka (ṭīkā) / ಪಾಚಿತ್ಯಾದಿಯೋಜನಾಪಾಳಿ • Pācityādiyojanāpāḷi / ೬. ಸುರುಸುರುವಗ್ಗ-ಅತ್ಥಯೋಜನಾ • 6. Surusuruvagga-atthayojanā
