| Library / Tipiṭaka / ತಿಪಿಟಕ • Tipiṭaka / ಜಾತಕಪಾಳಿ • Jātakapāḷi |
೪೮೯. ಸುರುಚಿಜಾತಕಂ (೬)
489. Surucijātakaṃ (6)
೧೦೨.
102.
ದಸ ವಸ್ಸಸಹಸ್ಸಾನಿ, ಯಂ ಮಂ ಸುರುಚಿಮಾನಯಿ॥
Dasa vassasahassāni, yaṃ maṃ surucimānayi.
೧೦೩.
103.
ಸಾಹಂ ಬ್ರಾಹ್ಮಣ ರಾಜಾನಂ, ವೇದೇಹಂ ಮಿಥಿಲಗ್ಗಹಂ।
Sāhaṃ brāhmaṇa rājānaṃ, vedehaṃ mithilaggahaṃ;
ನಾಭಿಜಾನಾಮಿ ಕಾಯೇನ, ವಾಚಾಯ ಉದ ಚೇತಸಾ।
Nābhijānāmi kāyena, vācāya uda cetasā;
೧೦೪.
104.
ಏತೇನ ಸಚ್ಚವಜ್ಜೇನ, ಪುತ್ತೋ ಉಪ್ಪಜ್ಜತಂ ಇಸೇ।
Etena saccavajjena, putto uppajjataṃ ise;
ಮುಸಾ ಮೇ ಭಣಮಾನಾಯ, ಮುದ್ಧಾ ಫಲತು ಸತ್ತಧಾ॥
Musā me bhaṇamānāya, muddhā phalatu sattadhā.
೧೦೫.
105.
ಭತ್ತು ಮಮ ಸಸ್ಸು ಮಾತಾ, ಪಿತಾ ಚಾಪಿ ಚ ಸಸ್ಸುರೋ।
Bhattu mama sassu mātā, pitā cāpi ca sassuro;
ತೇ ಮಂ ಬ್ರಹ್ಮೇ ವಿನೇತಾರೋ, ಯಾವ ಅಟ್ಠಂಸು ಜೀವಿತಂ॥
Te maṃ brahme vinetāro, yāva aṭṭhaṃsu jīvitaṃ.
೧೦೬.
106.
ಸಕ್ಕಚ್ಚಂ ತೇ ಉಪಟ್ಠಾಸಿಂ, ರತ್ತಿನ್ದಿವಮತನ್ದಿತಾ॥
Sakkaccaṃ te upaṭṭhāsiṃ, rattindivamatanditā.
೧೦೭.
107.
ಏತೇನ ಸಚ್ಚವಜ್ಜೇನ, ಪುತ್ತೋ ಉಪ್ಪಜ್ಜತಂ ಇಸೇ।
Etena saccavajjena, putto uppajjataṃ ise;
ಮುಸಾ ಮೇ ಭಣಮಾನಾಯ, ಮುದ್ಧಾ ಫಲತು ಸತ್ತಧಾ॥
Musā me bhaṇamānāya, muddhā phalatu sattadhā.
೧೦೮.
108.
ಸೋಳಸಿತ್ಥಿಸಹಸ್ಸಾನಿ, ಸಹಭರಿಯಾನಿ ಬ್ರಾಹ್ಮಣ।
Soḷasitthisahassāni, sahabhariyāni brāhmaṇa;
ತಾಸು ಇಸ್ಸಾ ವಾ ಕೋಧೋ ವಾ, ನಾಹು ಮಯ್ಹಂ ಕುದಾಚನಂ॥
Tāsu issā vā kodho vā, nāhu mayhaṃ kudācanaṃ.
೧೦೯.
109.
ಹಿತೇನ ತಾಸಂ ನನ್ದಾಮಿ, ನ ಚ ಮೇ ಕಾಚಿ ಅಪ್ಪಿಯಾ।
Hitena tāsaṃ nandāmi, na ca me kāci appiyā;
ಅತ್ತಾನಂವಾನುಕಮ್ಪಾಮಿ, ಸದಾ ಸಬ್ಬಾ ಸಪತ್ತಿಯೋ॥
Attānaṃvānukampāmi, sadā sabbā sapattiyo.
೧೧೦.
110.
ಏತೇನ ಸಚ್ಚವಜ್ಜೇನ, ಪುತ್ತೋ ಉಪ್ಪಜ್ಜತಂ ಇಸೇ।
Etena saccavajjena, putto uppajjataṃ ise;
ಮುಸಾ ಮೇ ಭಣಮಾನಾಯ, ಮುದ್ಧಾ ಫಲತು ಸತ್ತಧಾ॥
Musā me bhaṇamānāya, muddhā phalatu sattadhā.
೧೧೧.
111.
೧೧೨.
112.
ಏತೇನ ಸಚ್ಚವಜ್ಜೇನ, ಪುತ್ತೋ ಉಪ್ಪಜ್ಜತಂ ಇಸೇ।
Etena saccavajjena, putto uppajjataṃ ise;
ಮುಸಾ ಮೇ ಭಣಮಾನಾಯ, ಮುದ್ಧಾ ಫಲತು ಸತ್ತಧಾ॥
Musā me bhaṇamānāya, muddhā phalatu sattadhā.
೧೧೩.
113.
ಸಮಣೇ ಬ್ರಾಹ್ಮಣೇ ಚಾಪಿ, ಅಞ್ಞೇ ಚಾಪಿ ವನಿಬ್ಬಕೇ।
Samaṇe brāhmaṇe cāpi, aññe cāpi vanibbake;
ತಪ್ಪೇಮಿ ಅನ್ನಪಾನೇನ, ಸದಾ ಪಯತಪಾಣಿನೀ॥
Tappemi annapānena, sadā payatapāṇinī.
೧೧೪.
114.
ಏತೇನ ಸಚ್ಚವಜ್ಜೇನ, ಪುತ್ತೋ ಉಪ್ಪಜ್ಜತಂ ಇಸೇ।
Etena saccavajjena, putto uppajjataṃ ise;
ಮುಸಾ ಮೇ ಭಣಮಾನಾಯ, ಮುದ್ಧಾ ಫಲತು ಸತ್ತಧಾ॥
Musā me bhaṇamānāya, muddhā phalatu sattadhā.
೧೧೫.
115.
೧೧೬.
116.
ಏತೇನ ಸಚ್ಚವಜ್ಜೇನ, ಪುತ್ತೋ ಉಪ್ಪಜ್ಜತಂ ಇಸೇ।
Etena saccavajjena, putto uppajjataṃ ise;
ಮುಸಾ ಮೇ ಭಣಮಾನಾಯ, ಮುದ್ಧಾ ಫಲತು ಸತ್ತಧಾ॥
Musā me bhaṇamānāya, muddhā phalatu sattadhā.
೧೧೭.
117.
ಸಬ್ಬೇವ ತೇ ಧಮ್ಮಗುಣಾ, ರಾಜಪುತ್ತಿ ಯಸಸ್ಸಿನಿ।
Sabbeva te dhammaguṇā, rājaputti yasassini;
ಸಂವಿಜ್ಜನ್ತಿ ತಯಿ ಭದ್ದೇ, ಯೇ ತ್ವಂ ಕಿತ್ತೇಸಿ ಅತ್ತನಿ॥
Saṃvijjanti tayi bhadde, ye tvaṃ kittesi attani.
೧೧೮.
118.
ಖತ್ತಿಯೋ ಜಾತಿಸಮ್ಪನ್ನೋ, ಅಭಿಜಾತೋ ಯಸಸ್ಸಿಮಾ।
Khattiyo jātisampanno, abhijāto yasassimā;
೧೧೯.
119.
ಮನುಞ್ಞಂ ಭಾಸಸೇ ವಾಚಂ, ಯಂ ಮಯ್ಹಂ ಹದಯಙ್ಗಮಂ॥
Manuññaṃ bhāsase vācaṃ, yaṃ mayhaṃ hadayaṅgamaṃ.
೧೨೦.
120.
ಕೋ ವಾಸಿ ತ್ವಂ ಅನುಪ್ಪತ್ತೋ, ಅತ್ತಾನಂ ಮೇ ಪವೇದಯ॥
Ko vāsi tvaṃ anuppatto, attānaṃ me pavedaya.
೧೨೧.
121.
ಯಂ ದೇವಸಙ್ಘಾ ವನ್ದನ್ತಿ, ಸುಧಮ್ಮಾಯಂ ಸಮಾಗತಾ।
Yaṃ devasaṅghā vandanti, sudhammāyaṃ samāgatā;
ಸೋಹಂ ಸಕ್ಕೋ ಸಹಸ್ಸಕ್ಖೋ, ಆಗತೋಸ್ಮಿ ತವನ್ತಿಕೇ॥
Sohaṃ sakko sahassakkho, āgatosmi tavantike.
೧೨೨.
122.
ಮೇಧಾವಿನೀ ಸೀಲವತೀ, ಸಸ್ಸುದೇವಾ ಪತಿಬ್ಬತಾ॥
Medhāvinī sīlavatī, sassudevā patibbatā.
೧೨೩.
123.
ತಾದಿಸಾಯ ಸುಮೇಧಾಯ, ಸುಚಿಕಮ್ಮಾಯ ನಾರಿಯಾ।
Tādisāya sumedhāya, sucikammāya nāriyā;
ದೇವಾ ದಸ್ಸನಮಾಯನ್ತಿ, ಮಾನುಸಿಯಾ ಅಮಾನುಸಾ॥
Devā dassanamāyanti, mānusiyā amānusā.
೧೨೪.
124.
ತ್ವಞ್ಚ ಭದ್ದೇ ಸುಚಿಣ್ಣೇನ, ಪುಬ್ಬೇ ಸುಚರಿತೇನ ಚ।
Tvañca bhadde suciṇṇena, pubbe sucaritena ca;
ಇಧ ರಾಜಕುಲೇ ಜಾತಾ, ಸಬ್ಬಕಾಮಸಮಿದ್ಧಿನೀ॥
Idha rājakule jātā, sabbakāmasamiddhinī.
೧೨೫.
125.
ಅಯಞ್ಚ ತೇ ರಾಜಪುತ್ತಿ, ಉಭಯತ್ಥ ಕಟಗ್ಗಹೋ।
Ayañca te rājaputti, ubhayattha kaṭaggaho;
ದೇವಲೋಕೂಪಪತ್ತೀ ಚ, ಕಿತ್ತೀ ಚ ಇಧ ಜೀವಿತೇ॥
Devalokūpapattī ca, kittī ca idha jīvite.
೧೨೬.
126.
ಚಿರಂ ಸುಮೇಧೇ ಸುಖಿನೀ, ಧಮ್ಮಮತ್ತನಿ ಪಾಲಯ।
Ciraṃ sumedhe sukhinī, dhammamattani pālaya;
ಏಸಾಹಂ ತಿದಿವಂ ಯಾಮಿ, ಪಿಯಂ ಮೇ ತವ ದಸ್ಸನನ್ತಿ॥
Esāhaṃ tidivaṃ yāmi, piyaṃ me tava dassananti.
ಸುರುಚಿಜಾತಕಂ ಛಟ್ಠಂ।
Surucijātakaṃ chaṭṭhaṃ.
Footnotes:
Related texts:
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಖುದ್ದಕನಿಕಾಯ (ಅಟ್ಠಕಥಾ) • Khuddakanikāya (aṭṭhakathā) / ಜಾತಕ-ಅಟ್ಠಕಥಾ • Jātaka-aṭṭhakathā / [೪೮೯] ೬. ಸುರುಚಿಜಾತಕವಣ್ಣನಾ • [489] 6. Surucijātakavaṇṇanā
