| Library / Tipiṭaka / តិបិដក • Tipiṭaka / សំយុត្តនិកាយ (ដីកា) • Saṃyuttanikāya (ṭīkā) |
៦. សូរិយបេយ្យាលវគ្គវណ្ណនា
6. Sūriyapeyyālavaggavaṇṇanā
៤៩-៦២. យថា អរុណុគ្គំ សូរិយុគ្គមនស្ស ឯកន្តិកំ បុព្ពនិមិត្តំ, ឯវំ កល្យាណមិត្តតា អរិយមគ្គបាតុភាវស្សាតិ សទិសូបមា អរុណុគ្គំ កល្យាណមិត្តតាយ។ កល្យាណមិត្តោតិ ចេត្ថ អរិយោ, អរិយមគ្គោ វា ទដ្ឋព្ពោ សូរិយបាតុភាវោ វិយ តេន វិធូបនីយន្ធការវិធមនតោ។ កុសលកត្តុកម្យតាឆន្ទោ ឆន្ទសម្បទា ឥតរឆន្ទតោ សម្បន្នត្តា។ ការាបកអប្បមាទស្សាតិ សច្ចបដិវេធស្ស ការាបកស្ស។ ឯវំ សព្ពត្ថេវ សម្បទាសទ្ទា វិសេសាធិគមហេតុតាយ វេទិតព្ពា។ អញ្ញេនបិ អាការេនាតិ ‘‘វិវេកនិស្សិត’’ន្តិអាទិអាការតោ អញ្ញេន ‘‘រាគវិនយបរិយោសាន’’ន្តិអាទិនា អាការេន។
49-62. Yathā aruṇuggaṃ sūriyuggamanassa ekantikaṃ pubbanimittaṃ, evaṃ kalyāṇamittatā ariyamaggapātubhāvassāti sadisūpamā aruṇuggaṃ kalyāṇamittatāya. Kalyāṇamittoti cettha ariyo, ariyamaggo vā daṭṭhabbo sūriyapātubhāvo viya tena vidhūpanīyandhakāravidhamanato. Kusalakattukamyatāchando chandasampadā itarachandato sampannattā. Kārāpakaappamādassāti saccapaṭivedhassa kārāpakassa. Evaṃ sabbattheva sampadāsaddā visesādhigamahetutāya veditabbā. Aññenapi ākārenāti ‘‘vivekanissita’’ntiādiākārato aññena ‘‘rāgavinayapariyosāna’’ntiādinā ākārena.
សូរិយបេយ្យាលវគ្គវណ្ណនា និដ្ឋិតា។
Sūriyapeyyālavaggavaṇṇanā niṭṭhitā.
Related texts:
តិបិដក (មូល) • Tipiṭaka (Mūla) / សុត្តបិដក • Suttapiṭaka / សំយុត្តនិកាយ • Saṃyuttanikāya
១. កល្យាណមិត្តសុត្តំ • 1. Kalyāṇamittasuttaṃ
២-៦. សីលសម្បទាទិសុត្តបញ្ចកំ • 2-6. Sīlasampadādisuttapañcakaṃ
៧. យោនិសោមនសិការសម្បទាសុត្តំ • 7. Yonisomanasikārasampadāsuttaṃ
១. កល្យាណមិត្តសុត្តំ • 1. Kalyāṇamittasuttaṃ
២-៦. សីលសម្បទាទិសុត្តបញ្ចកំ • 2-6. Sīlasampadādisuttapañcakaṃ
៧. យោនិសោមនសិការសម្បទាសុត្តំ • 7. Yonisomanasikārasampadāsuttaṃ
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / សំយុត្តនិកាយ (អដ្ឋកថា) • Saṃyuttanikāya (aṭṭhakathā) / ៦. សូរិយបេយ្យាលវគ្គវណ្ណនា • 6. Sūriyapeyyālavaggavaṇṇanā
