| Library / Tipiṭaka / તિપિટક • Tipiṭaka / સંયુત્તનિકાય (ટીકા) • Saṃyuttanikāya (ṭīkā) |
૪. સુરામેરયસુત્તવણ્ણના
4. Surāmerayasuttavaṇṇanā
૧૧૩૪. પિટ્ઠસુરાતિ પિટ્ઠેન કાતબ્બસુરા, તથા ઓદનસુરા પૂવસુરા, મજ્જરસાદિભૂતે કિણ્ણે પક્ખિપિત્વા કત્તબ્બા સુરા કિણ્ણપક્ખિત્તસુરા. સમ્ભારસંયુત્તાતિ મૂલભેસજ્જસમ્ભારેહિ સંયુત્તા. પુપ્ફાસવોતિ નાળિકેરપુપ્ફાદિતો અસ્સવનકઆસવો. મુદ્દિકફલાદિતો અસ્સવનકઆસવો ફલાસવો. ઇતીતિઆદિઅત્થો. તેન મધ્વાસવગુળાસવસમ્ભારસંયુત્તે સઙ્ગણ્હાતિ. સુરાસવવિનિમુત્તન્તિ યથાવુત્તસુરાસવવિનિમુત્તં.
1134.Piṭṭhasurāti piṭṭhena kātabbasurā, tathā odanasurā pūvasurā, majjarasādibhūte kiṇṇe pakkhipitvā kattabbā surā kiṇṇapakkhittasurā. Sambhārasaṃyuttāti mūlabhesajjasambhārehi saṃyuttā. Pupphāsavoti nāḷikerapupphādito assavanakaāsavo. Muddikaphalādito assavanakaāsavo phalāsavo. Itītiādiattho. Tena madhvāsavaguḷāsavasambhārasaṃyutte saṅgaṇhāti. Surāsavavinimuttanti yathāvuttasurāsavavinimuttaṃ.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / સંયુત્તનિકાય • Saṃyuttanikāya / ૪. સુરામેરયસુત્તં • 4. Surāmerayasuttaṃ
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / સંયુત્તનિકાય (અટ્ઠકથા) • Saṃyuttanikāya (aṭṭhakathā) / ૪. સુરામેરયસુત્તવણ્ણના • 4. Surāmerayasuttavaṇṇanā
