| Library / Tipiṭaka / តិបិដក • Tipiṭaka / អបទានបាឡិ • Apadānapāḷi |
៧. សុបុដកបូជកត្ថេរអបទានំ
7. Supuṭakapūjakattheraapadānaṃ
២៦.
26.
‘‘ទិវាវិហារា និក្ខន្តោ, វិបស្សី លោកនាយកោ;
‘‘Divāvihārā nikkhanto, vipassī lokanāyako;
ភិក្ខាយ វិចរន្តោ សោ, មម សន្តិកុបាគមិ។
Bhikkhāya vicaranto so, mama santikupāgami.
២៧.
27.
‘‘តតោ បតីតោ សុមនោ, ពុទ្ធសេដ្ឋស្ស តាទិនោ;
‘‘Tato patīto sumano, buddhaseṭṭhassa tādino;
លោណសុបុដកំ ទត្វា, កប្បំ សគ្គម្ហិ មោទហំ។
Loṇasupuṭakaṃ datvā, kappaṃ saggamhi modahaṃ.
២៨.
28.
‘‘ឯកនវុតិតោ កប្បេ, យំ បុដកមទាសហំ;
‘‘Ekanavutito kappe, yaṃ puṭakamadāsahaṃ;
ទុគ្គតិំ នាភិជានាមិ, បុដកស្ស ឥទំ ផលំ។
Duggatiṃ nābhijānāmi, puṭakassa idaṃ phalaṃ.
២៩.
29.
‘‘បដិសម្ភិទា ចតស្សោ…បេ.… កតំ ពុទ្ធស្ស សាសនំ’’។
‘‘Paṭisambhidā catasso…pe… kataṃ buddhassa sāsanaṃ’’.
ឥត្ថំ សុទំ អាយស្មា សុបុដកបូជកោ ថេរោ ឥមា គាថាយោ អភាសិត្ថាតិ។
Itthaṃ sudaṃ āyasmā supuṭakapūjako thero imā gāthāyo abhāsitthāti.
សុបុដកបូជកត្ថេរស្សាបទានំ សត្តមំ។
Supuṭakapūjakattherassāpadānaṃ sattamaṃ.
