| Library / Tipiṭaka / ติปิฎก • Tipiṭaka / อปทานปาฬิ • Apadānapāḷi |
๗. สุปุฎกปูชกเตฺถรอปทานํ
7. Supuṭakapūjakattheraapadānaṃ
๒๖.
26.
‘‘ทิวาวิหารา นิกฺขโนฺต, วิปสฺสี โลกนายโก;
‘‘Divāvihārā nikkhanto, vipassī lokanāyako;
ภิกฺขาย วิจรโนฺต โส, มม สนฺติกุปาคมิฯ
Bhikkhāya vicaranto so, mama santikupāgami.
๒๗.
27.
‘‘ตโต ปตีโต สุมโน, พุทฺธเสฎฺฐสฺส ตาทิโน;
‘‘Tato patīto sumano, buddhaseṭṭhassa tādino;
โลณสุปุฎกํ ทตฺวา, กปฺปํ สคฺคมฺหิ โมทหํฯ
Loṇasupuṭakaṃ datvā, kappaṃ saggamhi modahaṃ.
๒๘.
28.
‘‘เอกนวุติโต กเปฺป, ยํ ปุฎกมทาสหํ;
‘‘Ekanavutito kappe, yaṃ puṭakamadāsahaṃ;
ทุคฺคติํ นาภิชานามิ, ปุฎกสฺส อิทํ ผลํฯ
Duggatiṃ nābhijānāmi, puṭakassa idaṃ phalaṃ.
๒๙.
29.
‘‘ปฎิสมฺภิทา จตโสฺส…เป.… กตํ พุทฺธสฺส สาสนํ’’ฯ
‘‘Paṭisambhidā catasso…pe… kataṃ buddhassa sāsanaṃ’’.
อิตฺถํ สุทํ อายสฺมา สุปุฎกปูชโก เถโร อิมา คาถาโย อภาสิตฺถาติฯ
Itthaṃ sudaṃ āyasmā supuṭakapūjako thero imā gāthāyo abhāsitthāti.
สุปุฎกปูชกเตฺถรสฺสาปทานํ สตฺตมํฯ
Supuṭakapūjakattherassāpadānaṃ sattamaṃ.
