| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) |
੭. ਸੁਪ੍ਪવਾਸਾਸੁਤ੍ਤવਣ੍ਣਨਾ
7. Suppavāsāsuttavaṇṇanā
੫੭. ਸਤ੍ਤਮੇ ਪਜ੍ਜਨਿਕਨ੍ਤਿ ਤਸ੍ਸ ਨਿਗਮਸ੍ਸ ਨਾਮਂ। ਕੋਲਿਯਾਨਨ੍ਤਿ ਕੋਲਰਾਜਕੁਲਾਨਂ। ਆਯੁਂ ਖੋ ਪਨ ਦਤ੍વਾਤਿ ਆਯੁਦਾਨਂ ਦਤ੍વਾ। ਆਯੁਸ੍ਸ ਭਾਗਿਨੀ ਹੋਤੀਤਿ ਆਯੁਭਾਗਪਟਿਲਾਭਿਨੀ ਹੋਤਿ, ਆਯੁਂ વਾ ਭਜਨਿਕਾ ਹੋਤਿ, ਆਯੁਪ੍ਪਟਿਲਾਭਿਨੀਤਿ ਅਤ੍ਥੋ। ਸੇਸਪਦੇਸੁਪਿ ਏਸੇવ ਨਯੋ।
57. Sattame pajjanikanti tassa nigamassa nāmaṃ. Koliyānanti kolarājakulānaṃ. Āyuṃ kho pana datvāti āyudānaṃ datvā. Āyussa bhāginī hotīti āyubhāgapaṭilābhinī hoti, āyuṃ vā bhajanikā hoti, āyuppaṭilābhinīti attho. Sesapadesupi eseva nayo.
ਰਸਸਾ ਉਪੇਤਨ੍ਤਿ ਰਸੇਨ ਉਪੇਤਂ ਰਸਸਮ੍ਪਨ੍ਨਂ। ਉਜ੍ਜੁਗਤੇਸੂਤਿ ਕਾਯવਙ੍ਕਾਦਿਰਹਿਤਤ੍ਤਾ ਉਜੁਕਮੇવ ਗਤੇਸੁ ਖੀਣਾਸવੇਸੁ। ਚਰਣੂਪਪਨ੍ਨੇਸੂਤਿ ਪਞ੍ਚਦਸਹਿ ਚਰਣਧਮ੍ਮੇਹਿ ਸਮਨ੍ਨਾਗਤੇਸੁ। ਮਹਗ੍ਗਤੇਸੂਤਿ ਮਹਤ੍ਤਂ ਗਤੇਸੁ। ਖੀਣਾਸવਾਨਞ੍ਞੇવੇਤਂ ਨਾਮਂ। ਪੁਞ੍ਞੇਨ ਪੁਞ੍ਞਂ ਸਂਸਨ੍ਦਮਾਨਾਤਿ ਪੁਞ੍ਞੇਨ ਸਦ੍ਧਿਂ ਪੁਞ੍ਞਂ ਘਟਯਮਾਨਾ। ਮਹਪ੍ਫਲਾ ਲੋਕવਿਦੂਨ વਣ੍ਣਿਤਾਤਿ ਏવਰੂਪਾ ਦਾਨਸਙ੍ਖਾਤਾ ਦਕ੍ਖਿਣਾ ਤਿવਿਧਲੋਕਂ વਿਦਿਤਂ ਕਤ੍વਾ ਠਿਤਤ੍ਤਾ ਲੋਕવਿਦੂਨਂ ਬੁਦ੍ਧਾਨਂ વਣ੍ਣਿਤਾ, ਬੁਦ੍ਧੇਹਿ ਪਸਤ੍ਥਾਤਿ ਅਤ੍ਥੋ। ਯਞ੍ਞਮਨੁਸ੍ਸਰਨ੍ਤਾਤਿ ਯਞ੍ਞਂ ਦਾਨਂ ਅਨੁਸ੍ਸਰਨ੍ਤਾ। વੇਦਜਾਤਾਤਿ ਤੁਟ੍ਠਿਜਾਤਾ।
Rasasā upetanti rasena upetaṃ rasasampannaṃ. Ujjugatesūti kāyavaṅkādirahitattā ujukameva gatesu khīṇāsavesu. Caraṇūpapannesūti pañcadasahi caraṇadhammehi samannāgatesu. Mahaggatesūti mahattaṃ gatesu. Khīṇāsavānaññevetaṃ nāmaṃ. Puññena puññaṃ saṃsandamānāti puññena saddhiṃ puññaṃ ghaṭayamānā. Mahapphalā lokavidūna vaṇṇitāti evarūpā dānasaṅkhātā dakkhiṇā tividhalokaṃ viditaṃ katvā ṭhitattā lokavidūnaṃ buddhānaṃ vaṇṇitā, buddhehi pasatthāti attho. Yaññamanussarantāti yaññaṃ dānaṃ anussarantā. Vedajātāti tuṭṭhijātā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੭. ਸੁਪ੍ਪવਾਸਾਸੁਤ੍ਤਂ • 7. Suppavāsāsuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੭-੧੦. ਸੁਪ੍ਪવਾਸਾਸੁਤ੍ਤਾਦਿવਣ੍ਣਨਾ • 7-10. Suppavāsāsuttādivaṇṇanā
