| Library / Tipiṭaka / တိပိဋက • Tipiṭaka / အင္ဂုတ္တရနိကာယ (အဋ္ဌကထာ) • Aṅguttaranikāya (aṭṭhakathā) |
၇. သုပ္ပဝာသာသုတ္တဝဏ္ဏနာ
7. Suppavāsāsuttavaṇṇanā
၅၇. သတ္တမေ ပဇ္ဇနိကန္တိ တသ္သ နိဂမသ္သ နာမံ။ ကောလိယာနန္တိ ကောလရာဇကုလာနံ။ အာယုံ ခော ပန ဒတ္ဝာတိ အာယုဒာနံ ဒတ္ဝာ။ အာယုသ္သ ဘာဂိနီ ဟောတီတိ အာယုဘာဂပဋိလာဘိနီ ဟောတိ, အာယုံ ဝာ ဘဇနိကာ ဟောတိ, အာယုပ္ပဋိလာဘိနီတိ အတ္ထော။ သေသပဒေသုပိ ဧသေဝ နယော။
57. Sattame pajjanikanti tassa nigamassa nāmaṃ. Koliyānanti kolarājakulānaṃ. Āyuṃ kho pana datvāti āyudānaṃ datvā. Āyussa bhāginī hotīti āyubhāgapaṭilābhinī hoti, āyuṃ vā bhajanikā hoti, āyuppaṭilābhinīti attho. Sesapadesupi eseva nayo.
ရသသာ ဥပေတန္တိ ရသေန ဥပေတံ ရသသမ္ပန္နံ။ ဥဇ္ဇုဂတေသူတိ ကာယဝင္ကာဒိရဟိတတ္တာ ဥဇုကမေဝ ဂတေသု ခီဏာသဝေသု။ စရဏူပပန္နေသူတိ ပဉ္စဒသဟိ စရဏဓမ္မေဟိ သမန္နာဂတေသု။ မဟဂ္ဂတေသူတိ မဟတ္တံ ဂတေသု။ ခီဏာသဝာနညေဝေတံ နာမံ။ ပုညေန ပုညံ သံသန္ဒမာနာတိ ပုညေန သဒ္ဓိံ ပုညံ ဃဋယမာနာ။ မဟပ္ဖလာ လောကဝိဒူန ဝဏ္ဏိတာတိ ဧဝရူပာ ဒာနသင္ခာတာ ဒက္ခိဏာ တိဝိဓလောကံ ဝိဒိတံ ကတ္ဝာ ဌိတတ္တာ လောကဝိဒူနံ ဗုဒ္ဓာနံ ဝဏ္ဏိတာ, ဗုဒ္ဓေဟိ ပသတ္ထာတိ အတ္ထော။ ယညမနုသ္သရန္တာတိ ယညံ ဒာနံ အနုသ္သရန္တာ။ ဝေဒဇာတာတိ တုဋ္ဌိဇာတာ။
Rasasā upetanti rasena upetaṃ rasasampannaṃ. Ujjugatesūti kāyavaṅkādirahitattā ujukameva gatesu khīṇāsavesu. Caraṇūpapannesūti pañcadasahi caraṇadhammehi samannāgatesu. Mahaggatesūti mahattaṃ gatesu. Khīṇāsavānaññevetaṃ nāmaṃ. Puññena puññaṃ saṃsandamānāti puññena saddhiṃ puññaṃ ghaṭayamānā. Mahapphalā lokavidūna vaṇṇitāti evarūpā dānasaṅkhātā dakkhiṇā tividhalokaṃ viditaṃ katvā ṭhitattā lokavidūnaṃ buddhānaṃ vaṇṇitā, buddhehi pasatthāti attho. Yaññamanussarantāti yaññaṃ dānaṃ anussarantā. Vedajātāti tuṭṭhijātā.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / အင္ဂုတ္တရနိကာယ • Aṅguttaranikāya / ၇. သုပ္ပဝာသာသုတ္တံ • 7. Suppavāsāsuttaṃ
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / အင္ဂုတ္တရနိကာယ (ဋီကာ) • Aṅguttaranikāya (ṭīkā) / ၇-၁၀. သုပ္ပဝာသာသုတ္တာဒိဝဏ္ဏနာ • 7-10. Suppavāsāsuttādivaṇṇanā
